ប្រជាជនរុស្ស៊ីរាប់ពាន់នាក់ បង្ហាញសកម្មភាពប្រឆាំងលោកពូទីន នៅឯការប្រគំតន្ត្រីដ៏ធំមួយ
រុស្ស៊ី ៖ ប្រជាជនរុស្ស៊ីរាប់ពាន់នាក់ បានបង្ហាញភាពក្លាហានរបស់ពួកគេប្រឆាំងនឹងសង្គ្រាមឈ្លាន
រុស្ស៊ី ៖ ប្រជាជនរុស្ស៊ីរាប់ពាន់នាក់ បានបង្ហាញភាពក្លាហានរបស់ពួកគេប្រឆាំងនឹងសង្គ្រាមឈ្លាន
រុស្ស៊ី ៖ ប្រជាជនរុស្ស៊ីរាប់ពាន់នាក់ បានបង្ហាញភាពក្លាហានរបស់ពួកគេប្រឆាំងនឹងសង្គ្រាមឈ្លានពានរបស់លោកពូទីនលើអ៊ុយក្រែន នៅឯការប្រគុំតន្ត្រីដ៏ធំមួយក្នុងទីក្រុង St Petersburg។
វីដេអូចេញពីកន្លែងប្រមូលផ្តុំ ដែលបង្ហាញពីអ្នកទស្សនាបានស្រែកយ៉ាងស្រុះគ្នាថា «f**k the war» ដែលពួកគេចង់បញ្ជាក់ពីការស្អប់ខ្ពើមសង្គ្រាមរបស់មេដឹកនាំវិមានក្រឹមឡាំង ដែលកំពុងមានក្នុងប្រទេសអ៊ុយក្រែន។ ខណៈសកម្មភាពប្រឆាំងនេះ ត្រូវបានគេដឹងថា កើតឡើងក្នុងកម្មវិធីប្រគំតន្ត្រីរបស់ក្រុមតន្ត្រីរុស្ស៊ី Kis-Kis កាលពីយប់ថ្ងៃទី២០ ខែឧសភា ឆ្នាំ២០២២ កន្លងទៅ។
សកម្មភាពប្រឆាំងដ៏សម្បើមនេះ បានកើតឡើង បន្ទាប់ពីតារាចម្រៀងតន្ត្រីរ៉ុកជើងចាស់របស់រុស្ស៊ី លោក Yuri Shevchuk មកពីក្រុមតន្ត្រី DDT បានរងការចោទប្រកាន់ពីបទ បង្ខូចកិត្តិយសយោធារុស្ស៊ី។ ក្រោយពេលគាត់ចែករំលែកសកម្មភាពប្រឆាំងចំពោះសង្គ្រាមនៅអ៊ុយក្រែន ក្នុងកម្មវិធីរបស់គាត់កាលពីសប្តាហ៍មុន។
តារាចម្រៀងរូបនេះ បានចោទសួរពីសកម្មភាពរបស់រុស្ស៊ីនៅអ៊ុយក្រែន។ ហើយថែមទាំងចោទសួរលោកពូទីនថា «ប្រជាជនអ៊ុយក្រែនកំពុងត្រូវបានសម្លាប់។ តើដើម្បីអ្វី? យុវជនរបស់យើងត្រូវស្លាប់នៅទីនោះ។ តើមានគោលដៅអ្វីខ្លះ?»។
អាជ្ញាធររុស្ស៊ីបានឃាត់ខ្លួនលោក Shevchuk ដើម្បីសាកសួរ។ ហើយប្រសិនបើត្រូវបានរកឃើញថាមានកំហុសក្នុងបទ បង្ខូចកិត្តិយសយោធារុស្ស៊ី គាត់ប្រឈមនឹងការផាកពិន័យដល់ ៥ម៉ឺនរូប្លិ៍ ស្មើនឹង ៨៩០ដុល្លារ៕ (ដកស្រង់ចេញពី Metro និង The Telegraph)
ចែករំលែកព័តមាននេះ