អ៊ុយក្រែនបដិសេធបទឈប់បា.ញ់ដែលពាក់ព័ន្ធនឹងការធ្វើសម្បទានទឹកដីឱ្យទៅរុស្ស៊ី
អ៊ុយក្រែន ៖ រដ្ឋាភិបាលអ៊ុយក្រែននិយាយថាខ្លួននឹងមិនយលស្របលើកិច្ចព្រមព្រៀងឈប់បា.ញ់គ្នា
អ៊ុយក្រែន ៖ រដ្ឋាភិបាលអ៊ុយក្រែននិយាយថាខ្លួននឹងមិនយលស្របលើកិច្ចព្រមព្រៀងឈប់បា.ញ់គ្នា
អ៊ុយក្រែន ៖ រដ្ឋាភិបាលអ៊ុយក្រែននិយាយថាខ្លួននឹងមិនយល់ស្របលើកិច្ចព្រមព្រៀងឈប់បា.ញ់គ្នាជាមួយនឹងរុស្ស៊ីនោះទេ ប្រសិនកិច្ចព្រមព្រៀងនោះពាក់ព័ន្ធនឹងការធ្វើសម្បទានទឹកដីឲ្យទៅរុស្ស៊ី។
ការពង្រឹងជំហររបស់អ៊ុយក្រែនកើតឡើងមួយថ្ងៃក្រោយពេលប្រធានាធិបតី Volodymyr Zelenskyy បាននិយាយថា សង្គ្រាមអាចដោះស្រាយបានតាមតែរយៈការការទូតប៉ុណ្ណោះ។
លោក Mykhaylo Podolyak ទីប្រឹក្សារបស់ប្រធានាធិបតីអ៊ុយក្រែនបាននិយាយថា ការធ្វើសម្បទាននឹងបណ្តាលឲ្យមានការវា.យលុកកាន់តែធំ និងការបង្ហូរឈា.មកាន់តែខ្លាំងពីសំណាក់រុស្ស៊ី។
ការថ្លែងរបស់លោកកើតឡើងខណៈដែលរុស្ស៊ីកំពុងបន្តការប៉ុនប៉ងឡោមព័ទ្ធកងទ័ពអ៊ុយក្រែនដែលកំពុងការពារទីក្រុង Severodonetsk នៅភាគខាងកើត។
អភិបាលតំបន់ Luhansk លោក Serhiy Haidai បាននិយាយថា រុស្ស៊ីបានព្យាយាមបំបែកចូលក្នុងក្រុង Severodonetsk ពីទិសដៅបួនផ្សេងគ្នា។ ប៉ុន្តែការប៉ុនប៉ងនោះបានបរាជ័យ ខណៈដែលការទម្លាក់គ្រាប់បែកលើតំបន់រស់នៅកំពុងបន្ត។
លោកបន្ថែមថា ស្ពានមួយដែលតភ្ជាប់ទីក្រុងទៅកាន់ទីក្រុង Lysychansk ក្បែរគ្នាត្រូវបានបំផ្លាញ៕ (យោងតាមប្រភព៖ BBC)
ចែករំលែកព័តមាននេះ