រាជធានីភ្នំពេញ ៖ ព្រះភគវន្តមុនីបានត្រាស់ទៅកាន់បរិស័ទរបស់ព្រះអង្គថា ម្នាលអ្នកទាំងឡាយ ចូរអ្នករាល់គ្នាប្រព្រឹត្តតាមដំបូន្មានទាំងបីនេះ ឱ្យបានជាប់ជាបវេណី ព្រោះជាធម៌ដ៏សំខាន់ក្តោបនូវព្រះពុទ្ធឱវាទទាំងអស់ ។
១- សព្វបាបស្ស អករណំ កិរិយាវៀរចាកនូវអំពើបាប អំពើអាក្រក់ទាំងអស់ ។
២- កុសលស្សូបសម្បទា ព្យាយាមញុំាងអំពើជាកុសល អំពើល្អឱ្យកើតមានក្នុងសន្តាន ជំនួសអំពើបាប អកុសល ។
៣- សចិត្តបរិយោទបននំ ព្យាយាមសម្អាតចិត្តឱ្យផូរផង់ ប្រាសចាកមន្ទិលជាគ្រឿងសៅហ្មងនៃចិត្តពោលគឺ លោភៈ ទោសៈ និងមោហៈ ។
នេះជាបច្ឆិមវចនៈ ព្រះបន្ទូលចុងក្រោយរបស់ព្រះជិនស្រី អប្បមាទេន សម្បាទេថ ម្នាលអ្នកទាំងឡាយ! ចូរអ្នកទាំងឡាយញ៉ាំងប្រយោជន៍របស់ខ្លួនឱ្យសម្រេចបរិបូណ៌ដោយសេចក្ដីមិនប្រមាទចុះ ៕
ចែករំលែកព័តមាននេះ