ខេត្តកំពង់ស្ពឺ ៖ បើតាមសេចក្តីរាយការណ៍បន្តថា ជនសង្ស័យម្នាក់ ត្រូវបានម្តាយជនរងគ្រោះស្រែកឱ្យអ្នកភូមិជួយចាប់ខ្លួន បន្ទាប់ពីជននេះថ្លើមធំហ៊ានចូលទៅចាប់រំលោ.ភសេពសន្ថវៈជនរងគ្រោះដល់ក្នុងផ្ទះ រួចមកក៏រត់គេចខ្លួនទៅបាត់ស្រមោល ស្របពេលគេកំពុងតែឆោឡោ ស្រាប់តែឃើញជននេះជិះម៉ូតូត្រឡប់មកម្តងទៀត ក៏ត្រូវជនរងគ្រោះប្រាប់អ្នកភូមិឱ្យនាំគ្នាស្វាគមន៍យ៉ាងទក់សាច់តែម្តង ទើបប្រគល់អោយសមត្ថកិច្ច ដើម្បីកសាងសំណុំរឿងបញ្ជូនជនសង្ស័យរូបនេះអោយទៅដេកស៊ីបាយពន្ធនាគារយ៉ាងស្ងៀមស្ងាត់។
សេចក្តីរាយការណ៍បន្តថា ករណីខាងលើនេះបានកើតឡើងកាលពីព្រឹកថ្ងៃទី១៥ ខែមេសា ឆ្នាំ២០២២ នៅចំណុចក្នុងផ្ទះបាយជនរងគ្រោះ ស្ថិតនៅស្រុកគងពិសី ខេត្តកំពង់ស្ពឺ។
បើតាមប្រភពពីមន្ត្រីនគរបាលព្រហ្មទណ្ឌស្រុកគងពិសី បានអោយដឹងថា ជនបង្កមានឈ្មោះ ហ៊ុយ នី ភេទប្រុស អាយុ៣០ឆ្នាំ រស់នៅភូមិចាស់ ឃុំព្រៃញាតិ ស្រុកគងពិសី ខេត្តកំពង់ស្ពឺ។ ចំណែកស្ត្រីរងគ្រោះអាយុ៣០ឆ្នាំ រស់នៅភូមិគរ ឃុំទឹកល្អក់ ស្រុកគងពិសី ។
ប្រភពដដែលបន្តថា មុនពេលកើតហេតុ ជនសង្ស័យបានជិះម៉ូតូម៉ាកគុបជ្រុង មកឈប់នៅក្រៅរបងខាងលិចផ្ទះជនរងគ្រោះ រួចក៏ដើរចូលទៅក្នុងផ្ទះ និងបានប្រាប់ជនរងគ្រោះថា «មករកត.ភ្លើង» រួចក៏ដើរមកក្បែរជនរងគ្រោះ ហើយក៏ធ្វើសកម្មភាពចាប់សើយរ៉ូប និងស្រាតខោក្នុងចេញ និងចាប់ប្របាច់.ករួចគំរា.មថា «បើមិនអោយ! អញច្របាប់.កអោយងា.ប់» ពេលនោះជនបង្កក៏បានធ្វើសកម្មភាពចាប់រំលោ.ភសេពសន្ថវៈទៅលើជនរងគ្រោះរហូតបានសំរេចតែម្តង។ ក្រោយពីធ្វើសកម្មភាពរួច ជនបង្កក៏បានឡើងម៉ូតូជិះចេញពីកន្លែងកើតហេតុទៅទិសខាងជើង បាត់ស្រមោលឈឹង។
ប្រភពដដែលបន្តទៀតថា ភ្លាមៗនោះដែរ ជនរងគ្រោះបានរត់មកប្រាប់រឿងដែលគេចាប់រំលោ.ភនេះដល់ម្តាយ រំពេចនោះដែរម្តាយជនរងគ្រោះក៏បានស្រែកឆោឡោអោយអ្នកភូមិជួយដេញស្ទាក់ចាប់ខ្លួនជនសង្ស័យ ប៉ុន្តែនៅពេលដែលអ្នកភូមិកំពុងឆោឡោ ក៏ស្រាប់តែប្រទះឃើញជនសង្ស័យជិះម៉ូតូត្រឡប់មកវិញ។ នៅពេលនោះដែរ ប្រជាពលរដ្ឋនៅក្នុងភូមិក៏បាននាំគ្នាដេញចាប់ជនសង្ស័យបាន នៅចំណុចចុងភូមិចំបក់ក្អែរខាងលិច និងបាននាំគ្នាស្វាគមន៍ជនសង្ស័យយ៉ាងចាស់ដៃ ទើបចាប់ប្រគល់អោយសមត្ថកិច្ច។
ដោយឡែកប្រភពនៅកន្លែងកើតហេតុ គឺជនសង្ស័យបានឆ្លើយសារភាពនៅចំពោះមុខប្រជាពលរដ្ឋថា «រូបគេធ្លាប់ជាប់មណ្ឌលបន្សាបគ្រឿងញៀ.នចំនួន២ដងមកហើយ ហើយនៅមុនពេលកើតហេតុ គឺគេណាត់គ្នាមកយកថ្នាំញៀ.ននៅចំណុចខាងលើ តែមិនទាន់បានយកផង ក៏ក្រឡេកឃើញជនរងគ្រោះ រួចក៏ធ្វើល្បិចចូលទៅចាប់រំលោភ.តែម្តង។ ពេលរំលោ.ភលើកទី១រួចហើយ រូបគេក៏បានជិះម៉ូតូចេញដោយពុំមានអ្នកណាដឹងនោះទេ ក្រោយមកស្រាប់តែនឹកឃើញចង់រួមភេទម្តងទៀត ក៏ត្រឡប់ម៉ូតូបម្រុងទៅធ្វើសកម្មភាពម្តងទៀត តែក៏ត្រូវអ្នកភូមិឡោមព័ទ្ធចាប់ប្រគល់អោយសមត្ថកិច្ចតែម្តង។
គួរបញ្ចាក់ថា នៅព្រឹកថ្ងៃទី១៦ ខែមេសា ឆ្នាំ២០២២នេះដែរ បន្ទាប់ពីធ្វើការសាកសួររួចមក សមត្ថកិច្ចក៏បានកសាងសំណុំរឿងតាមនីតិវិធី ដើម្បីបញ្ជូនជនសង្ស័យរូបនេះទៅតំណាងអយ្យការ ចាត់ការបន្ត៕
ចែករំលែកព័តមាននេះ