រាជធានីភ្នំពេញ ៖ វីរុសដែលតា«Delta»ដែលបានបំប្លែងចេញពីវីរុសកូវីដ១៩ មានប្រភពមកពីប្រទេសឥណ្ឌា ហើយបានកំពុងវាយលុកនៅក្នុងប្រទេសកម្ពុជា និងប្រទេសផ្សេងលើសកលនោះ ឆ្លងមានភាពលឿនតាមរយៈទឹកមាត់ ប៉ុន្តែមិនឆ្លងតាមរយៈខ្យល់នោះទេ ។ លោកជំទាវ…
រាជធានីភ្នំពេញ ៖ វីរុសដែលតា«Delta»ដែលបានបំប្លែងចេញពីវីរុសកូវីដ១៩ មានប្រភពមកពីប្រទេសឥណ្ឌា ហើយបានកំពុងវាយលុកនៅក្នុងប្រទេសកម្ពុជា និងប្រទេសផ្សេងលើសកលនោះ ឆ្លងមានភាពលឿនតាមរយៈទឹកមាត់ ប៉ុន្តែមិនឆ្លងតាមរយៈខ្យល់នោះទេ ។
លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលនៅរសៀលថ្ងៃទី០៣ ខែសីហានេះ បានចេញមកពន្យល់លម្អិតជាថ្មីម្ដងទៀតអំពីរបៀបនាំឲ្យឆ្លងវីរុសកូវីដ១៩ ពិសេសប្រភេទបំប្លែងថ្មី Delta ។ វីរុសកូវីដ១៩ ទាំងអស់ គឺឆ្លងតាមដំណក់ទឹកមាត់ដែលខ្ទាតចេញពីមាត់អ្នកដែលផ្ទុកវីរុសនេះ ។ ឮ
លោកជំទាវ បានអះអាងថា ដំណក់ទឹកមាត់តូចៗ ដែលបានធ្លាក់ចេញពីមាត់នោះ អាចខ្ទាតពីមនុស្សចម្ងាយប្រមាណ១ម៉ែត្រ នឹងមានប្រសិទ្ធភាពអាចចម្លងទៅមនុស្សផ្សេងទៀតបានយ៉ាងលឿន ពិសេសពពួកបំប្លែងថ្មី Delta ។ ដូច្នេះហើយបានជាគេតម្រូវឲ្យមាន ការពាក់ម៉ាស់ និងរក្សាគម្លាតសុវត្ថិភាពបុគ្គល ចាប់ពី១ម៉ែត្រកន្លះឡើងទៅ ។
ដោយឡែក សម្រាប់ពពួកបំប្លែងខ្លួនថ្មី Delta ដែលកំពុងតែគំរាមកំហែង ហើយមានការចែកចាយថា អាចឆ្លងតាមរយៈខ្យល់ទៀតនោះ ត្រូវបានលោកជំទាវ ឱ វណ្ណឌីន ច្រានចោលទាំងស្រុង ចំពោះការចែកចាយនេះ ព្រោះវីរុសកូវីដ១៩ ប្រភេទ Delta មិនអាចឆ្លងតាមខ្យល់បាននោះទេ ។
មន្ដ្រីជំនាញសុខាភិបាលរូបនេះបានពន្យល់ទៀតថា ដំណក់ទឹកមាត់ដែលមានសភាពធំៗនឹងធ្លាក់ចុះទៅក្រោមភ្លាមៗនៅពេលខ្ទាតចេញពីមាត់ ប៉ុន្ដែសម្រាប់ដំណក់តូចៗ ដែលយើងមើលមិនឃើញ វាអាចនៅក្នុងលំហមួយរយៈពេល មិនមែននៅក្នុងខ្យល់នោះទេ ។ ហេតុនេះហើយទើប មានការណែនាំឲ្យបើកឲ្យមានខ្យល់ចេញចូល ពីព្រោះបើនៅទីតាំងមួយបិទជិតវីរុសកូវីដ១៩ នឹងវិលវល់ក្នុងទីតាំងបិទជិត ដែលនឹងមានហានិភ័យក្នុងការឆ្លង។
លោកជំទាវគូសបញ្ជាក់ថា៖«វីរុសដែលតានេះមិននៅស្ងៀមទេ គឺមានការឆ្លងជាបន្តបន្ទាប់ ហើយការចម្ងងនេះមានលក្ខខណៈលឿនមែនទែន ។ អ្វីដែលសំខាន់នោះ គឺវីរុសកូវីដ១៩ មិនមានអ្វីខុសគ្នានោះទេ ទោះបីជាវាមានការបំប្លែងបែបណាក៏ដោយ ទោះបីជាអាល់ហ្វា ក៏ដោយ ប៉ែតតា ក៏ដោយ ដែលតាក៏ដោយ…គឺការចម្លងរបស់វាស្ថិតក្នុងរបៀបតែមួយ ។ មានន័យថាការ ឆ្លងគឺតាមរយៈទឹកមាត់តូចៗចំពោះបុគ្គលដែលផ្ទុកពេលនិយាយ គឺទឹកមាត់តូចៗនឹងចេញមក អីញ្ចឹងបានគេឲ្យពាក់ម៉ាស់ និងនៅគម្លាតពី១ម៉ែត្រកន្លះឡើង»។
លោកជំទាវលើកឡើងថា មូលហេតុដែលគេឲ្យបើកបន្ទប់ឲ្យមានខ្យល់ចេញចូលនោះ ដោយសារតែបើសិនមានបុគ្គលណាមួយមានផ្ទុកមេរោគកូវីដហើយគាត់និយាយនោះមេរោគនោះមិនទៅណាទេ បើអ្នកដែលនៅក្នុងបន្ទប់នោះនឹងស្រូបធ្វើឲ្យឆ្លង ។ ម្យ៉ាងទៀតចំពោះដំណក់ទឹកមាត់ធំដែលធ្លាក់ក្នុងបន្ទប់ហើយយើងទៅប៉ះនោះនឹងឆ្លងមេរោគនោះជាមិនខាន ។
លោកជំទាវថា ៖«ការចម្លងវីរុសនេះ គឺវាឆ្លងតាមផ្លូវដង្ហើម វាលុកផ្លូវដង្ហើមតែម្តង ។ ដែលតា គឺសាហាវដោយសារនៅពេលវាឆ្លងចូលទៅ គឺអ្នកវិទ្យសាស្ត្រថាកំហាប់ គឺខាប់ជាវីរុសផ្សេង ។ នៅពេលវាចូលទៅក្នុងច្រមុះវានៅកកនៅគល់ច្រមុះ ដូច្នេះគេធ្វើតេស្តគឺគេលួកក្នុងច្រមុះ ជ្រៅបានយកកំខាកបាន»។
លោកជំទាវអ្នកនាំពាក្យបានអះអាងថា វីរុសកូវីដ១៩នេះ បានវាយលុកខ្លាំងជាងគេ គឺសួតតែម្តង ដែលធ្វើឲ្យយើងពិបាកដកដង្ហើម ។ នៅពេលវីរុសកូវីដចូលក្នុងច្រមុះនឹងធ្វើឲ្យ ទឹករំអិល ក្នុង សេរីរាង្គទៅជាស្អិតហើយខាប់ ធ្វើឲ្យអ្នកជំងឺពិបាកដកដង្ហើមងាយនឹងស្លា.ប់ ។ បើតាមលោកជំទាវបានលើកឡើងថា អ្នកដែលស្លា.ប់ដោយសារជំងឺកូវីដជាបន្តបន្ទាប់មកនេះខ្លះមិនដឹងខ្លួនកើតជំងឺកូវីដផង ៕
ចែករំលែកព័តមាននេះ