រាជធានីភ្នំពេញ ៖ រដ្ឋមន្ត្រីក្រសួងសុខាភិបាលបានសម្តែងក្តីបារម្ភដោយសារជំងឺកូវីដ១៩ បំប្លែងថ្មី Delta បានកំពុងវាយលុកក្នុងសហគមន៍កម្ពុជាយើងហើយ ។ ការបង្ហាញរបស់រដ្ឋមន្ត្រីក្រសួងសុខាភិបាលកម្ពុជានេះ ខណៈកម្ពុជាបានរកឃើញមានករណីឆ្លងជំងឺកូវីដ១៩បំប្លែងថ្មី លើពលរដ្ឋក្នុងសហគមន៍…
រាជធានីភ្នំពេញ ៖ រដ្ឋមន្ត្រីក្រសួងសុខាភិបាលបានសម្តែងក្តីបារម្ភដោយសារជំងឺកូវីដ១៩ បំប្លែងថ្មី Delta បានកំពុងវាយលុកក្នុងសហគមន៍កម្ពុជាយើងហើយ ។
ការបង្ហាញរបស់រដ្ឋមន្ត្រីក្រសួងសុខាភិបាលកម្ពុជានេះ ខណៈកម្ពុជាបានរកឃើញមានករណីឆ្លងជំងឺកូវីដ១៩បំប្លែងថ្មី លើពលរដ្ឋក្នុងសហគមន៍ នៅតាមបណ្តាខេត្តមួយចំនួន ពិសេសនោះពលករមកពីប្រទេសថៃ ។
ជាងនេះក៏បានរកឃើញអ្នកឆ្លងជំងឺកូវីដបំប្លែងថ្មីនេះ នៅរាជធានីភ្នំពេញក្នុងមន្ទីរពេទ្យកាល់ម៉ែតផងដែរ ។
ឯកឧត្ដម ម៉ម ប៊ុនហេង រដ្ឋមន្ត្រីក្រសួងសុខាភិបាលបានបញ្ជាក់ថា«វីរុស Delta កំពុងរាតត្បាតក្នុងសហគមន៍យើងហើយ» ។
ឯកឧត្តមរដ្ឋមន្ត្រីឲ្យដឹងថា ថ្ងៃទី៣១ មីនា ដល់ថ្ងៃទី១ សីហា កម្ពុជារកឃើញ Delta សរុប២២៣ករណី (ភ្នំពេញ ៥ករណី) ។
សូមជម្រាបថា វីរុសកូវីដ១៩ថ្មីបំប្លែងថ្មីនេះមានតួនាទីឆ្លងលឿនជាងវីរុសកូវីដលើមុនទៀត ។ ជាងនេះមានហាននិភ័យខ្អស់ ។
សម្តេចតេជោ ហ៊ុន សែន នាយករដ្ឋមន្ត្រី កាលពីពេលកន្លងមកនេះ បានដាក់បញ្ជាឲ្យអភិបាលខេត្តទាំងអស់ធ្វើការទប់ឲ្យជាប់ចំពោះករណីពលករខ្មែរមកពីប្រទេសថៃ ដោយទុកឲ្យពួកគាត់នៅមួយកន្លែងសម្រាប់ព្យាបាលឲ្យជាសះស្បើយទើបអនុញ្ញាតឲ្យចេញពីមន្ទីរពេទ្យផងដែរ ៕
ចែករំលែកព័តមាននេះ