បន្ទាយមានជ័យ ៖ អាជ្ញាធរខេត្តបន្ទាយមានជ័យសម្រេចបិទផ្សារហុយឡេងក្រោយរកឃើញអាជីវករវិជ្ជមានកូវីដ១៩ ចំនួន១០នាក់ ស្រី៦នាក់ នៅថ្ងៃទី១៨ ខែកក្កដា ឆ្នាំ២០២១ ស្ថិតភូមិគោរដ្ឋាន សង្កាត់អូរអំបិល…
បន្ទាយមានជ័យ ៖ អាជ្ញាធរខេត្តបន្ទាយមានជ័យសម្រេចបិទផ្សារហុយឡេងក្រោយរកឃើញអាជីវករវិជ្ជមានកូវីដ១៩ ចំនួន១០នាក់ ស្រី៦នាក់ នៅថ្ងៃទី១៨ ខែកក្កដា ឆ្នាំ២០២១ ស្ថិតភូមិគោរដ្ឋាន សង្កាត់អូរអំបិល ក្រុងសិរីសោភ័ណ ។
ក្រោយមានបិទខ្ទប់ផ្សារហ៊ុយឡែងផ្សារកណ្តាល ក្រុងសិរីសោភ័ណ ឃើញឯកឧត្តម អ៊ុ រាត្រី អភិបាលខេត្តបន្ទាយមានជ័យដឹកនាំក្រុមការងារចុះពិនិត្យក្រុមគ្រូពេទ្យដែលកំពុងយកសំណាកអាជីវករក្នុងផ្សារហ៊ុយឡេង មានចំនួន៤៤៦នាក់ស្រី២៩២នាក់ ធ្វើតេស្តរហ័សរកឃើញអាជីវករវិជ្ជមានកូវីដ១៩មានចំនួន១០នាក់ស្រី៦នាក់ ។
ឯកឧត្តម អ៊ុ រាត្រី អភិបាលខេត្តបន្ទាយមានជ័យបានបញ្ជាក់ថា ៖ ក្រោយរកឃើញអាជីវករលក់ផ្សារហ៊ុយឡេង ចំនួន២នាក់ មាន១.ឈ្មោះ អ៊ុច ឈុំ ភេទស្រីអាយុ៣៧ឆ្នាំ (អ្នកលក់នំអាកោ) រស់នៅភូមិគោដ្ឋាន សង្កាត់អូរអំបិល ក្រុងសិរីសោភ័ណ ២.ឈ្មោះ សុខ សុភារិទ្ធ ភេទប្រុស អាយុ៤៤ឆ្នាំ រស់នៅភូមិ.ឃុំបន្ទាយនាង ស្រុកមង្គលបូរី ក្រោយសុខភាពមិនស្រួលខ្លួនហើយទៅមន្ទីរពេទ្យបង្អែកក្រុងសិរីសោភ័ណ សង្ស័យពិនិត្យ និងសំណាកធ្វើតេស្តវិជ្ជមានកូវីដ១៩ ហើយអាជ្ញាធរសម្រេចបិទខ្ទប់ផ្សារហ៊ុយឡេង យកសំណាកបានចំនួន៤៤៦នាក់វិជ្ជមានកូវីដ១៩ចំនួន១០នាក់ ។
រដ្ឋបាលខេត្តបន្ទាយមានជ័យប្រកាសព័ត៌មាន ថ្ងៃទី១៨ ខែកក្កដា ឆ្នាំ២០២១នេះខេត្តបន្ទាយមានជ័យរកឃើញអ្នកវិជ្ជមានកូវីដ១៩ មានចំនួន៨៨នាក់ ស្រី៤៥នាក់ដែលឆ្លងក្នុងសហគមន៍ ៕
ចែករំលែកព័តមាននេះ