តាកែវ៖ ដោយសារចំនួនអ្នកឆ្លងជំងឺកូវីដ១៩ ថ្មីៗ ចេះតែបន្តរីករាលដាលកើតឡើង មិនឈប់សោះ ជារៀងរាល់ថ្ងៃនោះ ធ្វើអោយចំនួនអ្នកជំងឺកូវីដ១៩ នៅក្នុងខេត្តតាកែវ កើនឡើងដល់សរុបចំនួន ៣៨៣០នាក់…
តាកែវ៖ ដោយសារចំនួនអ្នកឆ្លងជំងឺកូវីដ១៩ ថ្មីៗ ចេះតែបន្តរីករាលដាលកើតឡើង មិនឈប់សោះ ជារៀងរាល់ថ្ងៃនោះ ធ្វើអោយចំនួនអ្នកជំងឺកូវីដ១៩ នៅក្នុងខេត្តតាកែវ កើនឡើងដល់សរុបចំនួន ៣៨៣០នាក់ (ស្រី ២៤២៥នាក់) តេស្តវិជ្ជមាន កំពុងព្យាបាល ៩៤១នាក់ (ស្រី ៤២៦នាក់)។ អ្នកកំពុងសម្រាកព្យាបាលទាំងអស់ មានស្ថានភាពធម្មតាទាំងអស់។
ក្នុងនោះ នៅខេត្តតាកែវ ក៏មានករណីជាសះស្បើយ ចំនួន ២៨២៩នាក់ (ស្រី ១៨២៩នាក់)។ រីឯករណីស្លាប់ មានចំនួន ៦៩នាក់ (ស្រី ៤៤នាក់)។ ក្រៅពីនោះ អ្នកជំងឺកូវីដ១៩ នៅខេត្តតាកែវ ក៏ត្រូវបានបញ្ជូនទៅសម្រាកព្យាបាល នៅភ្នំពេញ ចំនួន ១២នាក់ (ស្រី ៥នាក់)។ ក្នុងនោះ ៩នាក់ ទៅព្រីមៀសែនសុខភ្នំពេញ ២នាក់ ទៅមន្ទីរពេទ្យហ្លូងម៉ែ និងម្នាក់ ទៅមន្ទីរពេទ្យអង្រែ។
លោក នុត ស៊ីណាត ប្រធានមន្ទីរសុខាភិបាលខេត្ត បានប្រាប់កោះសន្តិភាពថា ក្រុមគ្រូពេទ្យ បានធ្វើតេស្តរកឃើញអ្នកឆ្លងជំងឺកូវីដ១៩ថ្មី មានចំនួន ៦៧នាក់ (ស្រី៤៥នាក់) កាលពីថ្ងៃទី១៤ ខែកក្កដា ឆ្នាំ២០២១។ ក្នុងនោះ មាន៖ ១.ស្រុកសំរោងចំនួន ៨នាក់ ស្រី ៥នាក់ ២.ស្រុកត្រាំកក់ ចំនួន ៤នាក់ ស្រី ៣នាក់ ៣.ស្រុកបាទី ៦នាក់ ស្រី៤នាក់ ៤.ស្រុកគិរីវង់ ២៥នាក់ ស្រី១៨ នាក់ ៥.ស្រុកបូរីជលសារ ០២នាក់ ស្រី ០១នាក់ ៦.ស្រុកទ្រាំង ៤នាក់ ស្រី ២នាក់ ៧.ស្រុកបសេដ្ឋ ០២នាក់ ស្រីម្នាក់ ៨.ស្រុកដូនកែវ ១០នាក់ ស្រី ០៧នាក់ និង៩.ស្រុកអង្គរបុរី ៦នាក់ ស្រី ៤នាក់៕ សេង សុធា
ចែករំលែកព័តមាននេះ