មន្ត្រីអង្គភាពលូទឹកម្នាក់ឈប់ម៉ូតូបំរុងចូលហាងផឹកកាហ្វេ ស្រាប់តែជួបគ្រោះស្មានមិនដល់ទាំងព្រឹក
- ភ្នំពេញ
រាជធានីភ្នំពេញ ៖ មន្ត្រីអង្គភាពលូទឹកម្នាក់ត្រូវរថយន្តមួយគ្រឿងបើកកៀរ បណ្តាលឱ្យបោកនឹងកញ្ចក់មើលផ្លូវចំក្បាលដួល ដោយ
រាជធានីភ្នំពេញ ៖ មន្ត្រីអង្គភាពលូទឹកម្នាក់ត្រូវរថយន្តមួយគ្រឿងបើកកៀរ បណ្តាលឱ្យបោកនឹងកញ្ចក់មើលផ្លូវចំក្បាលដួល ដោយម៉ូតូសង្កត់ពីលើបាត់បង់ជីវិតភ្លាមៗនៅនឹងនៅកន្លែង ខណៈពេលជនរងគ្រោះរូបនោះជិះម៉ូតូមួយគ្រឿងជាមួយមិត្តរួមការងារទៅផឹកកាហ្វេ ហើយឈប់ម៉ូតូប្រុងចុះដើរចូលទៅក្នុងហាង ។ បន្ទាប់ពីគ្រោះថ្នាក រថយន្តបង្កត្រូវគេអះអាងថាម៉ាកធុនដ្រា មិនចាំស្លាកលេខ បានបើកគេចបាត់។
គ្រោះថ្នាក់ដែលមិននឹកស្មានដល់ខាងលើនេះបានកើតឡើងកាលពីវេលាម៉ោងប្រមាណ៤និង៤០នាទីទៀបភ្លឺថ្ងៃទី២២ ខែ មិថុនា ឆ្នាំ២០២១ នៅចំណុចមុខសិប្បកម្មកិនសង្ក័សី មួយកន្លែង តាមបណ្តោយផ្លូវជាតិលេខ៦ ក្រុមទី២ ភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ ។
ជនរងគ្រោះដែលបានបាត់បង់ជីវិតខាងលើឈ្មោះកែវ វណ្ណឌី ភេទប្រុស អាយុ៤៨ឆ្នាំ ជាមន្ត្រីនៅអង្គភាពលូទឹកនៃមន្ទីរសាធារណះការនិងដឹកជញ្ជូន រាជធានីភ្នំពេញ ស្នាក់នៅអង្គភាព និងមានស្រុកកំណើតភូមិត្រាវឯម ឃុំពពាល ស្រុកត្រាំកក់ ខេត្តតាកែវ ជាអ្នករួមដំណើរ និងមិត្តភក្តិម្នាក់ទៀតឈ្មោះ ស៊ឹម ភាព ភេទប្រុស អាយុ ៣៨ឆ្នាំ ជាមន្ត្រីអង្គភាពលូទឹក ដូចគ្នា ជាអ្នកបើកបរម៉ូតូមួយគ្រឿងម៉ាកស៊ុយហ្សុ៊យគីវីវ៉ា ពណ៌ខ្មៅ ពាក់ស្លាកលេខ ភ្នំពេញ 1L-3623 ។
តាមប្រភពព័ត៌មានបានអោយដឹងថា នៅមុនពេលកើតហេតុ ជនរងគ្រោះបានជិះម៉ូតូមួយគ្រឿងខាងលើ ដោយឈ្មោះ ស៊ឹម ភាពជាអ្នកឌុប បានធ្វើដំណើរចេញពីមន្ទីរសាធារណការ និងដឹកជញ្ជូន ក្នុងគោលបំណងទៅផឹកកាហ្វេ ។ ខណៈពេលធ្វើដំណើរក្នុងទិសដៅពីជើងទៅត្បូង មកដល់កន្លែងកើតហេតុ ក៍បានឈប់ ហើយជនរងគ្រោះដែលជាអ្នកជិះក្រោយ ក៍បានលើកជើងចុះពីលើម៉ូតូមិនទាន់ផុតផង ស្រាប់តែមានរថយន្តមួយគ្រឿងមកកៀរ បណ្តាលអោយបោកនឹងកញ្ចក់មើលផ្លូវចំក្បាលដួល ដោយម៉ូតូសង្កត់ពីលើ បណ្តាលអោយបាត់បង់ជីវិតភ្លាមៗនៅនឹងកន្លែង ។ ចំណែកអ្នកបើកបរម៉ូតូពុំបណ្តាលអោយរងរបួសឡើយ។ ភ្លាមៗនោះ រថយន្តបង្កក៍បានបើកគេចចូលរាជធានីភ្នំពេញបាត់ស្រមោល ។
ក្រោយពេលកើតហេតុ នគរបាលក៏បានទាក់ទងទៅគ្រូពេទ្យចុះមកធ្វើតេស្តរកកូវីដដែរ លទ្ធផលគឺអវិជ្ជមាន ក៍បានប្រគល់ស.ពជនរងគ្រោះអោយក្រុមគ្រួសារបញ្ជូនទៅស្រុកកំណើត ដើម្បីរៀបចំធ្វើបុណ្យតាមប្រពៃណី ៕
ចែករំលែកព័តមាននេះ