តុលាការដោះលែងកូនប្រសារឧកញ៉ា ហេង សៀ ឲ្យមានសេរីភាពវិញ
រាជធានីភ្នំពេញ ៖ ក្រោយពីតំណាងអយ្យការធ្វើការសាកសួរតាមនីតិវិធីចប់ លោក សេង ហៀង ព្រះរាជអាជ្ញារង បានធ្វើការដោះលែងលោក ឃន ឈុនដារ៉ា…
រាជធានីភ្នំពេញ ៖ ក្រោយពីតំណាងអយ្យការធ្វើការសាកសួរតាមនីតិវិធីចប់ លោក សេង ហៀង ព្រះរាជអាជ្ញារង បានធ្វើការដោះលែងលោក ឃន ឈុនដារ៉ា…
រាជធានីភ្នំពេញ ៖ ក្រោយពីតំណាងអយ្យការធ្វើការសាកសួរតាមនីតិវិធីចប់ លោក សេង ហៀង ព្រះរាជអាជ្ញារង បានធ្វើការដោះលែងលោក ឃន ឈុនដារ៉ា ឲ្យមានសេរីភាពវិញ ដោយមានការធានាខ្លួនពីសំណាក់ក្រុមមេធាវី ពុធ ធាវី ជាមេធាវីការពារក្តីឲ្យលោក ឃន ឈុនដារ៉ា ផងដែរ ។
នៅថ្ងៃដដែលនេះ កូនប្រសារឧកញ៉ា ហេង សៀ ក៏បានចេញលិខិតសុំទោសជាសាធារណៈ និងទទួលស្គាល់កំហុសទាំងអស់ ដែលបានចែកចាយ និងឲ្យបក្ខពួកចែករំលែកបន្តរូបអាសអាភាស ដើម្បីបំផ្លាញកិត្តិយកកញ្ញា មាន ពេជ្ររីតា ។
សូមជម្រាបថា នៅព្រឹកថ្ងៃទី១៧ ខែឧសភា ឆ្នាំ២០២១នេះ កម្លាំងនគរបាលការិយាល័យប្រឆាំងបទល្មើសបច្ចេកវិទ្យា ស្នងការដ្ឋាននគរបាលរាជធានីភ្នំពេញ បានបញ្ជូនកូនប្រសារលោកឧកញ៉ា ហេង សៀ ទៅកាន់សាលាដំបូងរាជធានីភ្នំពេញ ដើម្បីសាកសួរលើសំណុំរឿងថា បានជួលមនុស្សប្រុសស្រីថតរូបអាសអាភាស ដើម្បីបំភាន់សាធារណជន និងបំផ្លាញកិត្តិយស លើកញ្ញា មាន ពេជ្ររីតា ហៅយូប៊ី ក្នុងការចែកចាយលើបណ្តាញសង្គម ។
យោងតាមសេចក្តីថ្លែងការរបស់តំណាងអយ្យការអមសាលាដំបូងរាជធានីភ្នំពេញ នៅរសៀលថ្ងៃទី១៧ ខែឧសភា ឆ្នាំ២០២១នេះ បានប្រកាសដោះលែងបុគ្គលឈ្មោះ ឃន ឈុនតារា កូនប្រសារឧកញ៉ា ហេង សៀ និងឈ្មោះតាំង គីមហៀង ក្រោយការស៊ើបអង្កេតពីរថ្ងៃ។
បើតាមសេចក្តីថ្លែងការណ៍ដដែលនោះ បុគ្គលឈ្មោះ ឃន ឈុនតារា មិនជាប់ពាក់ព័ន្ធក្នុងការផលិតរូបភាពអាសអាភាសនោះទេ តែទទួលស្គាល់បានចែកចាយរូបអាសអាភាស ដើម្បីបំផ្លាញកិត្តិយសកញ្ញា មាន ពេជ្ររីតា ពិធីការិនីទូរទស្សន៍ MYTV។
សេចក្តីថ្លែងការណ៍របស់អយ្យការអមសាលាដំបូងរាជធានីភ្នំពេញ មានដូចខាងក្រោម ៖
ចែករំលែកព័តមាននេះ