ខេត្តកំពង់ឆ្នាំង ៖ បើតាមព័ត៌មានបឋមដែលទទួលបានពីអ្នកនាំពាក្យនៃស្នងការដ្ឋាននគរបាលខេត្តកំពង់ឆ្នាំង បានឲ្យដឹងថា ករណីអគ្គិភ័យ បណ្ដាលឲ្យមនុស្សស្លា.ប់ដល់ទៅ៥នាក់ ក្នុងនោះមានម្ដាយនិងកូនតូចៗចំនួន៤នាក់ទៀតនោះ គឺជាករណីឃាត.កម្មដែលប្រព្រឹត្តឡើងដោយបុរសជាប្តី និងត្រូវជាឪពុកដែលបានសម្លា.ប់ទាំងគ្រួសារ ។…
ខេត្តកំពង់ឆ្នាំង ៖ បើតាមព័ត៌មានបឋមដែលទទួលបានពីអ្នកនាំពាក្យនៃស្នងការដ្ឋាននគរបាលខេត្តកំពង់ឆ្នាំង បានឲ្យដឹងថា ករណីអគ្គិភ័យ បណ្ដាលឲ្យមនុស្សស្លា.ប់ដល់ទៅ៥នាក់ ក្នុងនោះមានម្ដាយនិងកូនតូចៗចំនួន៤នាក់ទៀតនោះ គឺជាករណីឃាត.កម្មដែលប្រព្រឹត្តឡើងដោយបុរសជាប្តី និងត្រូវជាឪពុកដែលបានសម្លា.ប់ទាំងគ្រួសារ ។ យ៉ាងនេះក្តី ព័ត៌មានទទួលបានពីដំបូងដែលថាស្ត្រីជាប្រពន្ធមានផ្ទៃពោះ គឺមិនពិតនោះទេ។
លោក អៀរ ប៊ុនធឿន ស្នងការរង និងជាអ្នកនាំពាក្យនៃស្នងការដ្ឋាននគរបាលខេត្តកំពង់ឆ្នាំង នៅព្រឹកថ្ងៃទី១២ ខែឧសភា ឆ្នាំ២០២១ បានបញ្ជាក់ថា ករណីភ្លើងឆេះផ្ទះដែលបណ្ដាលឱ្យប្រពន្ធ និងកូន៤ នាក់ស្លា.ប់យ៉ាងអាណោចអាធ័មនោះ គឺជាអំពើឃាត.កម្មដែលបង្កឡើងដោយបុរសជាប្ដី ព្រោះតែផ្ដើមចេញពីទំនាស់ក្នុងគ្រួសារ ។
ចំពោះករណីលើខាងលើនេះផងដែរ លោកស្នងការរងមិនបានប្រាប់លម្អិតពីអំពើមនុស្សឃា.តលើគ្រួសារនោះទេ ប៉ុន្តែបើតាមប្រភពពីមន្ត្រីនគរបាលដែលធ្វើការងារនេះ បានឱ្យដឹងថា ទាំងប្រពន្ធ និងកូនៗសុទ្ធតែបានស្លា.ប់មុនពេលអគ្គិភ័យឆាបឆេះឡើង ។
ដោយឡែកតាមការបញ្ជាក់ពីប្រជាពលរដ្ឋដែលនៅជិតខាងវិញ ក៏បានឲ្យដឹងដែរថា ស្ត្រីជាប្រពន្ធមានកូនចំនួន៤នាក់នោះ ហើយកូនៗទាំង៤នោះមិនមែនជាកូនជាមួយបុរសជាប្តីចុងក្រោយនេះទេ គឺជាកូនរបស់ប្តីមុនៗ ដូច្នេះស្ត្រីរងគ្រោះរូបនេះ គឺមានប្ដីចំនួន២នាក់រួចមកហើយ។ ចំណែកបុរសដែលជាប្តីចុងក្រោយនេះ គឺជាប្ដីទី៣ ពុំមានកូននោះទេ។
គួររំលឹកថា ករណីឃាត.កម្មខាងលើនេះ បានកើតឡើងនៅវេលាម៉ោង៨និង៤០នាទីយប់ ថ្ងៃទី០៩ ខែឧសភា ឆ្នាំ២០២១ នៅភូមិដើមជ្រែ ឃុំខុនរ៉ង ស្រុកបរិបូណ៌ បណ្ដាលឲ្យស្ត្រីជាប្រពន្ធឈ្មោះ អៀន សុខ អាយុ៣៨ឆ្នាំ និងកូនៗចំនួន៤នាក់បានស្លា.ប់ ដោយសារបុរសជាប្តីចុងក្រោយឈ្មោះ នួន សារ៉េត អាយុ៤១ឆ្នាំ ។
ព័ត៌មានពិស្តារនឹងមានផ្សាយជូននៅពេលក្រោយ ។
ចែករំលែកព័តមាននេះ