សម្តេចតេជោ ហ៊ុន សែន ព្រមានលោក K01 ដែលផ្សាយវីដេអូមួយ មានលក្ខណៈញុះញង់
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ថា ៣កុំ ៣ការពារ គឺជារឿងចាំបាច់ណាស់…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ថា ៣កុំ ៣ការពារ គឺជារឿងចាំបាច់ណាស់ ហើយកាន់តែចាំបាច់ទៅទៀតនោះ គឺគ្មានការចាំបាច់ទេ កុំចេញពីផ្ទះ ព្រោះមិនស្លា.ប់ទេ គ្រាន់តែដេកផ្ទះនោះ ផ្ទុយទៅវិញ សុខភាពកាន់តែល្អ ។
ការប្រកាសយ៉ាងដូច្នេះ ធ្វើឡើងក្នុងឱកាសសម្តេចតេជោ ហ៊ុន សែន ថ្លែងសារពិសេសជូនជនរួមជាតិ ពាក់ព័ន្ធស្ថានភាពជំងឺកូវីដ១៩ នៅកម្ពុជា នៅព្រឹកថ្ងៃទី១០ ខែមេសា ឆ្នាំ២០២១នេះ ។
សម្តេចតេជោ ហ៊ុន សែន ក៏បានអោយដឹងដែរថា «អាអន្ទិត K01 ស្រែកសុទ្ធតែប៉ុន្មាន.. អីប៉ុន្មាន ។ ក្មួយ K01 ពូផ្តាំទៅអាក្មួយ ដកវីដេអូឯង ក្រវាត់ចោលទៅ ប្រយ័ត្នណា បើថាក្បាលរឹង គឺគ្មានជម្រើសទេ ម្សិលមិញយកមួយនៅ(ខេត្តកំពង់ស្ពឺ) អាហ្នឹងនិយាយស្អី ញុះញ៉ង់ បង្កើតចលាចល(រឿងចាក់វ៉ាក់សាំង) អ៊ីចឹងមានតែគេវ៉ៃខ្នោះ តែប៉ុណ្ណឹង ។ អាហ្នឹងគេហៅថា ជាប់គុក ដូចបំណងហើយ បើចង់ជាប់» ។ ដោយសារហេតុផលនេះហើយ ទើបគេមិនបិទជិតឈឹងនោះ គឺអនុញ្ញាត ឲ្យចេញនៅក្រោយម៉ោង ៥ភ្លឺ ។
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានព្រមានថា «ប៉ុន្តែ សម្តីនិយាយឲ្យប្រយ័ត្នប្រយែង ពេលវេលានេះ មិនមែនជាពេលវេលា លោកឯង.. ព្រោះសម្តី K01 ធ្ងន់ណាស់ តែមិនដឹងថា K01 ដកចេញហើយ ឬនៅ ? ហើយរដ្ឋមន្ត្រីក្រសួងព័ត៌មានដឹងឬ អត់ទេ ? » ។
សូមរម្លឹកថា កាលពីថ្ងៃទី០៥ ខែមីនា ឆ្នាំ២០២០ កន្លងមក អគ្គនាយកដ្ឋានព័ត៌មាន និងសោតទស្សន៍ ក្រសួងព័ត៌មាន បានចេញលិខិតព្រមាន លោក ឃឿន សូឡា ហៅ K01 ផងដែរ បើមិនស្ដាប់តាមការណែនាំ ក្រសួងព័ត៌មាន នឹងចាត់វិធានការតាមច្បាប់ ៕
ចែករំលែកព័តមាននេះ