រាជធានីភ្នំពេញ ៖ មនុស្សយ៉ាងហោចណាស់ ៦នាក់ បានស្លាប់ និងរងរបួសសរុប១៤នាក់ដែលបណ្តាលមកពីគ្រោះអគ្គិភ័យដែឡកើតមានពេញមួយឆ្នាំ២០២០ និងបានបំផ្លាញអស់ផ្ទះ១៦៥ខ្នង ក្នុងនោះផងដែរ មូលហេតុបណ្តាលឲ្យកើតមានអគិ្គសភ័យដោយការធ្វេសប្រហែសរបស់ប្រជាពលរដ្ឋចំនួន២២លើក ។…
រាជធានីភ្នំពេញ ៖ មនុស្សយ៉ាងហោចណាស់ ៦នាក់ បានស្លាប់ និងរងរបួសសរុប១៤នាក់ដែលបណ្តាលមកពីគ្រោះអគ្គិភ័យដែឡកើតមានពេញមួយឆ្នាំ២០២០ និងបានបំផ្លាញអស់ផ្ទះ១៦៥ខ្នង ក្នុងនោះផងដែរ មូលហេតុបណ្តាលឲ្យកើតមានអគិ្គសភ័យដោយការធ្វេសប្រហែសរបស់ប្រជាពលរដ្ឋចំនួន២២លើក ។ នេះបើយោងតាមរបាយការណ៍របស់រដ្ឋបាលរាជធានីភ្នំពេញ ។
យោងតាមរបាយការន៍របស់រដ្ឋបាលរាជធានីភ្នំពេញដែលកោះសន្តិភាពទទួលបានថ្មីនេះបានឱ្យដឹងថា នៅរាជធានីភ្នំពេញ ក្នុងឆ្នាំ២០២០ កន្លងមកនេះ មានគ្រោះថ្នាក់អគ្គិភ័យបានកើតឡើងចំនួន១១៧លើក/៩២លើក កើនឡើង២៥លើក បើប្រៀបធៀបទៅនឹងឆ្នាំកន្លងទៅ បណ្តាលឱ្យ(ស្លាប់ ៦នាក់/១នាក់, របួស ១៤នាក់) បង្កឱ្យឆេះផ្ទះអស់១៦៥ខ្នង, បន្ទប់ ១៨បន្ទប់, ឃ្លាំង ៣ខ្នង, រោងចក្រ៣ខ្នង, រោង៦ខ្នង, តូប ៦៧តូប, រថយន្ត ១គ្រឿង, ម៉ូតូ ១គ្រឿង និងសម្ភារប្រើប្រាស់មួយចំនួន។
របាយការណ៍ដដែលបន្តថា មូលហេតុឆ្លងចរន្ដអគ្គិសនី៨១លើក, ធ្វេសប្រហែសភ្លើង ២២លើក, ផ្សាដំបូលធ្លាក់ផ្កាភ្លើង ៣លើក, ផ្ទុះធុងហ្គាស៧លើក, ប្រតិកម្មសារធាតុ ៣លើក និងគ្រោះថ្នាក់ចរាចរន៍បង្កជាអគ្គិភ័យ១លើក ។
របាយការណ៍ដដែល បានឱ្យដឹងទៀតថា សម្រាប់គ្រោះថ្នាក់ធម្មជាតិបានកើតមាន ៩លើក/១៦លើក ក្នុងនោះមានខ្យល់កន្ត្រាក់៨លើក/១៦លើក (របួស ៩នាក់)បើប្រៀបធៀបទៅនឹងឆ្នាំកន្លងទៅ ដែលបណ្តាលឱ្យខូចខាតរថយន្ដ៨គ្រឿង ម៉ូតូ១គ្រឿង, ម៉ូតូកង់បី ៣គ្រឿង, រលំផ្ទះ២ខ្នង, របើកដំបូល២៧ខ្នង និងដើមឈើ៤ដើម និងទឹកជំនន់១លើក បណ្ដាលឱ្យប៉ះពាល់ដល់លំនៅដ្ឋាន ប្រជាពលរដ្ឋ ចំនួន ១៥.៤៣០ខ្នង ប៉ុស្ដិ៍នគរបាលរដ្ឋបាល ចំនួន ៥ប៉ុស្ដិ៍, សាលាសង្កាត់ ចំនួន ៤ខ្នង, សាលារៀន ចំនួន ១៣កន្លែង, រោងចក្រ ចំនួន ១កន្លែង, បណ្ឌលសុខភាព ចំនួន ៤កន្លែង, វត្ដអារាម ចំនួន ៨វត្ដ, ផ្លូវថ្នល់ ចំនួន ៤៣.៧៣៩ម និងដំណាំស្រូវ ចំនួន ១.០១២ហិកតា ៕
ចែករំលែកព័តមាននេះ