ម្នាលភិក្ខុទាំងឡាយ ឧបោសថប្រកបដោយអង្គ៨ប្រការដែលបុគ្គលចាំរក្សាយ៉ាងនេះឯង រមែងមានផលច្រើន មានអានិសង្សច្រើន មានសេចក្តីរុងរឿងច្រើន មានសេចក្តីផ្សាយទៅច្រើន ។
ឧបោសថមានផលច្រើនដូចម្តេច មានអានិសង្សច្រើនដូចម្តេច មានសេចក្តីរុងរឿងច្រើនដូចម្តេច មានសេចក្តីផ្សាយទៅច្រើនដូចម្តេច ម្នាលភិក្ខុទាំងឡាយប្រៀបដូចបុគ្គលដែលបានសោយរាជ្យជាឥស្សរាធិបតីនៃដែនដីក្នុងលោកទាំងមូលនេះ ក៏យ៉ាងដូច្នោះដែរ ។
ម្នាលភិក្ខុទាំងឡាយអានិសង្សនៃឧបោសថសីលដែលតថាគតសម្តែងហើយមានយ៉ាងនេះ សត្វទាំងឡាយបានទៅកាន់ឋានសួគ៌ក៏ដោយសារសីល, សត្វទាំងឡាយបានបរិបូណ៌ដោយភោគសម្បត្តិក៏ព្រោះសីល, សត្វទាំងឡាយបានទៅកាន់ទីរំលត់ទុក្ខពោលគឺព្រះនិព្វានក៏ព្រោះសីល ។
ព្រោះហេតុនោះ បុគ្គលគប្បីរក្សាសីលសិក្ខារបស់ខ្លួនឱ្យបានល្អបរិសុទ្ធ កុំឱ្យសៅហ្មងឡើយ ៕ សាន សារិន
ចែករំលែកព័តមាននេះ