រាជធានីភ្នំពេញ ៖ នៅពេលនិយាយដល់ពាក្យថា «បំណុល» មនុស្សមួយចំនួនតែងតែជ្រួយចិញ្ចើម ហើយពោលត្អូញត្អែរថា ធ្វើការរាប់ឆ្នាំអត់មានសល់អ្វី គឺសល់តែបំណុលវណ្ឌ.ក ។ ក៏ប៉ុន្តែសម្រាប់អ្នកជំនាញវិញបានបញ្ជាក់ថា…
រាជធានីភ្នំពេញ ៖ នៅពេលនិយាយដល់ពាក្យថា «បំណុល» មនុស្សមួយចំនួនតែងតែជ្រួយចិញ្ចើម ហើយពោលត្អូញត្អែរថា ធ្វើការរាប់ឆ្នាំអត់មានសល់អ្វី គឺសល់តែបំណុលវណ្ឌ.ក ។ ក៏ប៉ុន្តែសម្រាប់អ្នកជំនាញវិញបានបញ្ជាក់ថា «បំណុល» មិនមែនសុទ្ធតែអាក្រក់នោះទេ ព្រោះបំណុលល្អ នឹងជួយអ្នកទទួលបានឱកាសកាន់តែច្រើនជាងមុន ។
លោក ង៉ែត ជូ ទីប្រឹក្សាសេដ្ឋកិច្ច និងជាអ្នកជំនាញខាងអលចនទ្រព្យបានលើកឡើងថា ការមានចំនេះខាងផ្នែកហិរញ្ញវត្ថុ គឺជារឿងចាំបាច់ ព្រោះធ្វើឲ្យមនុស្សយល់ច្បាស់ថា គួរចាយយ៉ាងណា គួរវិនិយោគលើអ្វី និងគួររកលុយតាមណា ។ «នៅក្នុងការគ្រប់គ្រងហិរញ្ញវត្ថុផ្ទាល់ខ្លួន កុំសួរខ្ញុំពីក្បួនដោះបំណុល ។ គួរតែសួរខ្ញុំពីវិធីដែលអាចបង្កើនបំណុល ដើម្បីពង្រីកឱកាសវិញល្អជាង» ។
នេះជាការលើកឡើងរបស់លោក ង៉ែត ជូ ដែលតែងតែចំណាយពេលវេលាភាគច្រើនបង្រៀន និងចែករំលែកបទពិសោធន៍ក្នុងការគ្រប់គ្រងហិរញ្ញវត្ថុដល់យុវជន និងតាមស្ថាប័នឯកជនមួយចំនួន ។
លោក ង៉ែត ជូ បានមានប្រសាសន៍ថា «ជាទូទៅបំណុលកាន់តែច្រើន កាន់តែប្រសើរ ប្រសិនបើនោះជាបំណុលល្អ ។ សេដ្ឋីប្រាក់លានអាចមានបំណុលរាប់លានដុល្លារ ។ មហាសេដ្ឋីអាចមានបំណុលរាប់ពាន់លានដុល្លារ ។
បំណុលជាគ្រាប់ពូជដ៏សំខាន់ចេញពីហោប៉ៅអ្នកដទៃដែលម្នាក់ៗត្រូវប្រើប្រកប ដោយការទទួលខុសត្រូវ និងបញ្ញា» ។ លោកបានបន្តថា បុគ្គលដែលចង់ដោះបំណុលមានន័យថា បំណុលមិនមានសុខភាពល្អនោះទេ ។
នោះអាចមកពីមូលហេតុ៣យ៉ាង៖ ១- ប្រើបំណុលខុសគោលដៅដែលមិនបំរើអោយសកម្មភាពរកប្រាក់ចំណេញ។ ២- បរាជ័យក្នុងអាជីវកម្មឬការវិនិយោគ និងទី ៣- ខ្ចីបំណុលច្រើនហួសលទ្ធភាព ។
លោក ជា ពិសិទ្ធ ដែលជាបុគ្គលិកបម្រើការងារនៅក្រុមហ៊ុនឯកជនមួយនៅក្រុងភ្នំពេញបាននិយាយថា មិត្តភ័ក្ត្ររបស់លោក រួមទាំងលោកផ្ទាល់ធ្លាប់មានបទពិសោធន៍ជូរចត់ក្នុងការដោះបំណុល ដោយសារតែភាពហ៊ឹកហារចង់បានម៉ូតូទំនើប ។ លោកបាននិយាយថា «កាលពី ៣ ឆ្នាំមុនខ្ញុំ និងមិត្តភ័ក្ត្របានបបួលគ្នាខ្ចីលុយពីមីក្រូហិរញ្ញវត្ថុមួយ ព្រោះចង់បានម៉ូតូទំនើប ក្រោយពីទទួលបានការងារធ្វើមានប្រាក់ខែប្រមាណ ៣០០ ដុល្លារក្នុងមួយខែ ។
កាលនោះ ខ្ញុំត្រូវខ្ចីគេ ១០០០ ដុល្លារ ហើយត្រូវបង់សងវិញរៀងរាល់ខែចំនួន ១០០ ដុល្លារថេររយៈពេល១ឆ្នាំពេញ ។ ពេលនោះបង់ថ្លៃផ្ទះជួលមួយខែ ៦០ ដុល្លារផង បង់ថ្លៃម៉ូតូផង គឺអាចរត់រួច ទោះមិនសល់សម្រាប់សន្សំ តែស៊យ អីម៉ែឈឺ ខណៈទើបបង់ឲ្យគេបាន ៣ខែ ក៏ត្រូវបង្ខំចិត្តលក់ម៉ូតូទាំងមិនទាន់បង់ចប់ផងនោះ គឺខាតឡុងចុងតែម្តង» ៕
ចែករំលែកព័តមាននេះ