រតនៈគិរី៖ ក្រោយពីស្ថានភាពកូវីដ-១៩ នៅកម្ពុជាមានភាពធូរស្បើយច្រើនក្រោយពីអ្នកជំងឺកូវីដ-១៩ ទាំង ១២២នាក់ត្រូវបានព្យាបាលជាសះស្បើយនិងចេញពីមន្ទីរពេទ្យអស់នោះ គេកត់សម្គាល់ឃើញថា បងប្អូនខ្មែរយើងចាប់ផ្តើមធ្វើដំណើរកំសាន្តតាមតំបន់រមណីយដ្ឋាននានានៅទូទាំងប្រទេសកម្ពុជា ។ ជាមួយគ្នានោះផងដែរ ទឹកដីខេត្តរតនៈគីរីដែលសំបូរទៅដោយតំបន់កំសាន្តបែបធម្មជាតិ…
រតនៈគិរី៖ ក្រោយពីស្ថានភាពកូវីដ-១៩ នៅកម្ពុជាមានភាពធូរស្បើយច្រើនក្រោយពីអ្នកជំងឺកូវីដ-១៩ ទាំង ១២២នាក់ត្រូវបានព្យាបាលជាសះស្បើយនិងចេញពីមន្ទីរពេទ្យអស់នោះ គេកត់សម្គាល់ឃើញថា បងប្អូនខ្មែរយើងចាប់ផ្តើមធ្វើដំណើរកំសាន្តតាមតំបន់រមណីយដ្ឋាននានានៅទូទាំងប្រទេសកម្ពុជា ។
ជាមួយគ្នានោះផងដែរ ទឹកដីខេត្តរតនៈគីរីដែលសំបូរទៅដោយតំបន់កំសាន្តបែបធម្មជាតិ ទឹកធ្លាក់ដ៏ស្រស់ស្អាតនិងតំបន់ទេសចរណ៍ក្នុងព្រៃ ក៏មិនរំលងពីក្រសែភ្នែកអ្នកទេសចរនោះទេ ។
ប្រាកដណាស់ ពេលទៅដល់ខេត្តរតនៈគីរី បើសិនជាលោកអ្នកមិនបានភ្លក់នូវរសជាតិមុខម្ហូបបងប្អូនជនជាតិដើមនៅតំបន់នោះ គឺប្រៀបដូចជាលោកអ្នកមិនបានទៅដល់ខេត្តរតនៈគីរីអញ្ចឹង ។ ដូច្នេះសម្រាប់លោកអ្នកកំពុងស្វែងរកម្ហូបក្នុងស្រុកដែលមានរសជាតិប្លែកនៅពេលអ្នកទៅដល់តំបន់ដាច់ស្រយាល ថ្ងៃនេះនឹងបង្ហាញនូវមុខម្ហូបចំនួន ៣ មុខដែលគួរតែភ្លក្សសាកល្បង ពេលទៅខេត្តរតនះគិរី។
ប្រសិនជាទៅខេត្តនេះហើយ មិនបានបរិភោគនោះប្រយ័ត្នជាស្តាយក្រោយមិនខាន ពីព្រោះតែភាពទាក់ទាញនិងពណ៌ស្រស់ឆើតឆាយរបស់មុខម្ហូបទាំងអស់នេះ ៖
១ – ចាណាង ឫ សម្លចាណាង៖ គ្រាន់តែលឺឈ្មោះក៏ទាក់ទាញ និងគឺប្លែកខ្លាំងណាស់ដែរ ។ ចាណាង គឺជាម្ហូបជនជាតិដើម ដែលមានសាច់ពីរប្រភេទ គឺជើងជ្រូក និងសាច់គោ ដែលតម្រូវតាមការចូលចិត្តរបស់លោកអ្នក ។ ចាណាង ទឹកសម្លរបស់វាមានរាងខ្មៅបន្តិច ប៉ុន្តែមានរសជាតិឆ្ងាញ់ ព្រោះគ្រឿងផ្សំមានជើងជ្រូកឬ សាច់គោ ត្រពាំង ពោត និងបន្លែជាច្រើនទៀត ហើយអ្វីដែលមិនអាចបំភ្លេចបាននៅពេលលោកអ្នកទទួលទានសម្លរមួយនេះ ជាមួយនឹងប្រគ្រៀវកាន់តែរសជាតិឆ្ងាញ់ ដែលវាមានរូបរាងរបស់វាស្រដៀងដូចជាខ្ទឹមស ហើយវាជាគ្រឿងផ្សំពិសេសដែលធ្វើ ចាណាង នេះមានរសជាតិឆ្ងាញ់។
២ – ភីភា៖ ភីភា គឺជាមុខម្ហូបមួយក្នុងចំណោមមុខម្ហូបជនជាតិដើមជាច្រើនដែលយកសាច់គោ ឬលាមកគោដែលនៅខ្ចី យកមកជាគ្រឿងទេសសំខាន់សម្រាប់មុខម្ហូបមួយនេះ ដោយលាយជាមួយបន្លែដូចជា ត្រកួន និងក្តាតជាដើម។ គ្រឿងផ្សំសំខាន់ដែលយើងមិនអាចខកខានបាន គឺលាមកគោ ដែលគេយកទៅលាយជាមួយគ្រឿងទេសជាច្រើនទៀត ដែលធ្វើអោយម្ហូបមួយមុខនេះរាងល្វិងតិចៗ។
៣ – ម៉ាភា ៖ ម៉ាភា គឺជាមុខម្ហូបមួយប្រភេទដែលស្រដៀងនឹងភ្លេសាច់គោដែរ ប៉ុន្តែវាមានរស់ជាតិឆ្ងាញ់ជាង ពីព្រោះ វាមានគ្រឿងផ្សំពិសេសនោះ គឺយកទឹកប្រមាត់គោលាយជាមួយសាច់គោ ដោយលាយជាមួយពោះធំ ពោះ ១០០ ស្រទាប់ គ្រលៀន ហ៊ុនខ្ចី និងប្រមាត់គោ ស្ងោរវាឲ្យឆ្អិនរួចហាន់ជាបន្ទះតូចៗ ហើយចាក់លាយទឹកប្រហុកដែលលាយគ្រឿងរួចហើយដាក់ចម្អិនឡើងវិញជាមួយគ្នា។ ម្ហូបមួយមុខនេះ ដូចនឹង ភីភាដែរ គ្រាន់តែម៉ាភាជាលក្ខណៈគោក ហើយភីភាជាប្រភេទមានទឹក ៕
ចែករំលែកព័តមាននេះ