ខេត្តកំពង់ចាម ៖ ក្នុងរដូវមុនឱកាសបុណ្យចូលឆ្នាំប្រពៃណីជាតិចិន និងវៀតណាម នៅតាមតូបលក់ដូរផ្សារធំកំពង់ចាមក្នុងក្រុងកំពង់ចាម គេសង្កេតឃើញមានការដាក់តាំងលក់របស់តុបតែង និងគ្រឿងសែនជា ច្រើន ។ ជាមួយនោះ…
ខេត្តកំពង់ចាម ៖ ក្នុងរដូវមុនឱកាសបុណ្យចូលឆ្នាំប្រពៃណីជាតិចិន និងវៀតណាម នៅតាមតូបលក់ដូរផ្សារធំកំពង់ចាមក្នុងក្រុងកំពង់ចាម គេសង្កេតឃើញមានការដាក់តាំងលក់របស់តុបតែង និងគ្រឿងសែនជា ច្រើន ។ ជាមួយនោះ ស្របពេលអាជ្ញាធរចេញជាលិខិតហាមឃាត់មិនឲ្យមានការដុតផាវ បង្កសំឡេងផ្ទុះនោះទេ ។ ហើយការលក់ដូរនៅក្នុងឆ្នាំនេះដែរ ត្រូវបានអាជីករត្អូញលក់មិនសូវដាច់ ។
អ្នកស្រីគីម ហួង អាយុ៣២ឆ្នាំ ជាអាជីវករលក់ដូរបានប្រាប់ឲ្យដឹងនៅព្រឹកថ្ងៃទី២០ មករា ថា ចាប់តាំងពីពេលដែលគាត់បានរៀបការរួចមកចាប់យកអាជីពលក់គ្រឿងទេស នៅផ្សារធំកំពង់ចាម រហូតមកដល់ពេលនេះ មានរយៈពេលជិត១០ឆ្នាំហើយ ។ ការលក់ដូរត្រូវបានផ្លាស់ប្ដូរនិងបត់បែនទៅ តាមរដូវកាលបុណ្យទានក្នុងនោះមានដូចជាបិណ្ឌភ្ជុំបិណ្ឌចូលឆ្នាំប្រពៃណីជាតិខ្មែរនិងបុណ្យចូលឆ្នាំប្រពៃណីចិននិងវៀតណាម។
គាត់បន្តថា នាពេលកន្លងមក ឱ្យតែដល់រដូវបុណ្យចូលឆ្នាំចិន គាត់តែងតែលក់របស់របរនិងគ្រឿងសែន ទៅឲ្យខ្មែរដែលជាប់ខ្សែស្រឡាយចិនគឺលក់ដាច់ច្រើន ។តែចូលមកដល់ឆ្នាំ ២០២០នេះ ការលក់ដូរបានធ្លាក់ចុះប្រហែលជាពាក់ កណ្ដាល ចំណែកអ្នកលក់នៅក្បែរតូបរបស់គាត់ក៏ដូច្នោះដែរ។ហើយនៅឆ្នាំ២០២១ ខាងមុខមិនដឹងថាតើការលក់ ដូរនឹងមានការប្រែប្រួលទៅជាយ៉ាងណានោះទេ ។
អ្នកស្រីស៊ុយ សារ៉ា វ័យ៤៥ឆ្នាំរស់នៅស្រុកតំបែរ ខេត្តត្បូងឃ្មុំប្រាប់ថា មុនថ្ងៃបុណ្យចូលឆ្នាំប្រពៃណីចិនវៀតណាមខិតជិតចូលមកដល់គឺគាត់មានគំនិតមួយដោយបានដើរប្រមូលទិញផ្កាដើមអង្គាសីល នៅតាមផ្ទះប្រជាពលរដ្ឋនៅក្នុងភូមិនិងតាមដីចំការរបស់គេដោយប្រមូលបាន២០ទៅ៣០បាច់។ ហើយក្នុង១បាច់លក់បានតម្លៃ ២ម៉ឺនរៀល ពេលដែលទូទាត់ចំណាយលើការផ្សេងៗ គាត់អាចចំណេញថវិកាបានពី ៣០ទៅ៤០ម៉ឺនរៀល សម្រាប់យកទៅដោះស្រាយជីវភាពគ្រួសាររបរនេះគាត់ ទើបតែចេញរកបានពីរឆ្នាំនេះទេ។
អ្នកស្រីលុយ ខេមរា អាយុ៥៩ឆ្នាំ ប្រាប់ឲ្យដឹងថា ដំបូងគាត់បានដាក់លក់របស់របរនៅក្នុងតូបតែបន្តិចតែក្រោយមកទៀតគាត់បានពង្រីកដាក់លក់របស់កាន់តែច្រើនឡើងៗ សម្រាប់របស់របស់សែនចូលឆ្នាំចិនវៀតណាមក្នុងឆ្នាំ២០២០នេះការលក់រៀងធ្លាក់ចុះបន្តិច។កត្តានេះដោយសារតែគាត់យល់ថាមកពីអ្នកលក់ដូរមានការកើនឡើងជាច្រើនតូបហើយមួយចំណុចទៀតមានឈ្មួញកណ្ដាលបាននាំរបស់របស់ដឹកតាមរថយន្តយកទៅលក់ដល់ស្រុកជនបទហើយប្រជាពលរដ្ឋទាំងនោះមិនបានធ្វើដំណើរមកទិញនៅផ្សារកំពង់ចាមនោះទេ ដោយពួក គាត់ទិញអ្នកលក់ដូរក្នុងភូមិនៅកៀកនឹងផ្ទះងាយស្រួលជាង។
លោកចាន់ ផល្លី អភិបាលក្រុងកំពង់ចាម បានឲ្យដឹងដែរថានៅក្នុងឱកាសបុណ្យចូលឆ្នាំប្រពៃណីចិននិងវៀតណាមរដ្ឋបាលក្រុងកំពង់ចាមណែនាំមួយច្បាប់ក្នុងនោះរួមមាន:
១-ហាមដាច់ខាតមិនឱ្យមានការដុតថាវ កាំជ្រួច ឬក៏បង្កសំឡេងផ្ទុះគ្រប់គ្រងក្នុងអង្គការពិធីបុណ្យនេះ
មិនឱ្យលេងល្បែងគ្រប់ប្រភេទដែលមានលក្ខណៈស៊ីសង។
២-នៅគ្រប់ទីកន្លែងកម្សាន្តសប្បាយនានាមន្ទីរអង្គភាពគេហដ្ឋានត្រូវរក្សាសន្តិសុខសុវត្ថិភាពសណ្ដាប់ធ្នាប់សាធារណៈ សេចក្តីថ្លៃថ្នូរនិងត្រូវប្រយ័ត្នក្នុងការដុតទានធូបក្រដាសសែន ភ្លើងចង្ក្រាន ចរន្តអគ្គិសនី ដែលបង្កឱ្យមានគ្រោះអគ្គីភ័យកើតឡើងជាយថា ហេតុ។ ដោយឡែកការដុតក្រដាសសែន ត្រូវប្រើធុងដែកឬឆ្នាំងដី ដើម្បីដុតហាមដាច់ខាតមិនឱ្យដុតលើចិញ្ចើមផ្លូវឬទ្រូង ផ្លូវសាធារណៈ។
៣-ចាប់ពីពេលនេះតទៅមាន សមត្ថកិច្ចគ្រប់លំដាប់ថ្នាក់ត្រូវចាត់វិធានការឲ្យបានម៉ឺងម៉ាត់កុំឱ្យមានការនាំចូលថាវ កាំជ្រួចជាតិផ្ទុះគ្រប់ប្រភេទចូលក្នុងក្រុងកំពង់ចាម នឹងត្រូវត្រួតពិ និត្យដកហូតវត្ថុទាំងនេះ ដែលមានតាំងលក់ដូរនៅក្នុងផ្សារទាំងអស់និងគ្រប់ទីកន្លែងក្នុងក្រុងកំពង់ចាម៕
ចែករំលែកព័តមាននេះ