អតីតប្រធានក្រុមជម្រើសជាតិប្រេសីុលក្នុងចន្លោះឆ្នាំ២០០០ដល់២០១១បានបង្ហាញជំនឿចិត្តយា៉ងមុតមាំថា ក្រុមជម្រើសជាតិប្រេសីុលនឹងឈ្នះជើងឯកពានរង្វាន់បាល់ទាត់ពិភពលោកឆ្នាំ២០១៤ ក្នុងទឹកដីរបស់ខ្លួន ។ ការលើកឡើងបែបនេះដោយសារលោកមើលឃើញ ទំរង់លេងរបស់ក្រុមប្រេសីុលនាពេលបច្ចុប្បន្ននេះមានតុល្យភាពគ្នាល្អទាំងខ្សែប្រយុទ្ធ បម្រើ និងខ្សែការពារ ។
លោកបានបន្តទៀត ខ្ញុំចង់ឃើញក្រុមជម្រើសជាតិប្រេសីុលលើកពានរង្វាន់បាល់ទាត់ពិភពលោក លើកទី៦ក្នុងទឹកដីកំណើតរបស់ខ្លួនក្រោមការដឹកនាំរបស់លោក Scolari ហើយអ្វីដែលជាដំបូលន្មានដ៏សំខាន់របស់ខ្ញុំពេលនេះគឺតុល្យភាពទម្រង់លេងទាំងបីកម្រិត (ខ្សែការពារបម្រើ និងប្រយុទ្ធ) ។ ជាមួយគ្នានេះដែរអតីតកីឡាករខ្សែប្រយុទ្ធវ័យ៣៥រូបនេះបានព្រមានថា ក្រៅពីទម្រង់លេង សីលធម៌, សាមគ្គីភាពគឺជាកត្តាសំខាន់សម្រាប់កំណត់ជ័យជម្នះ ។
ទាក់ទងទៅនឹងសំណួរអ្នកសារព័ត៌មានដែលសួរថា លោកជ្រើសរើសយកប្រទេសរបស់លោកជាអ្នកលើកពានដោយឡែកអ្នកដទៃក៏ឱ្យតម្លៃទៅលើប្រទេសរបស់គេដែរ តើលោកយល់យា៉ងណាដែរ ?
កីឡាករវ័យចំណាស់រូបនេះបានឆ្លើយតបដោយញញឹមថា យើងមានយុទ្ធសាស្ត្រផ្សេងរបស់យើង ហើយម្យា៉ងវិញទៀត កីឡាករវ័យក្មេងៗដូចជានីមា៉ មានទេពកោសល្យខ្ពស់ណាស់ ទាំងអស់នេះគឺជាភស្តុតាងធ្វើឱ្យយើងមានទំនុកចិត្ត ៕
ចែករំលែកព័តមាននេះ