យុទ្ធនាការដណ្តើមយកពានជើងឯកវាយកូនបាល់កម្មវិធី ATP Monte Carlo Masters ជាលើកទី៩ របស់កីឡាករអេស្ប៉ាញរ៉ាហ្វាអែល ណាដាល់បានឈានទៅមុខមួយជំហានទៀតហើយ ខណៈកាលពីថ្ងៃព្រហស្បតិ៍ ១៧ មេសាកន្លងមកនេះ គេបានឆ្លងផុតជុំទី៣។
យុទ្ធនាការដណ្តើមយកពានជើងឯកវាយកូនបាល់កម្មវិធី ATP Monte Carlo Masters ជាលើកទី៩ របស់កីឡាករអេស្ប៉ាញរ៉ាហ្វាអែល ណាដាល់បានឈានទៅមុខមួយជំហានទៀតហើយ ខណៈកាលពីថ្ងៃព្រហស្បតិ៍ ១៧ មេសាកន្លងមកនេះ គេបានឆ្លងផុតជុំទី៣។
នៅជុំនេះ ណាដាល់ បានបំបាក់កីឡាករអុីតាលី Andreas Seppi ក្នុងលទ្ធផលពីរសិតទល់នឹងសូន្យគឺ៦-១ និង៦-៣ ឈានចូលដល់វគ្គ១/៤ផ្តាច់ព្រ័ត្រដោយក្តីរីករាយ ។ ក្នុងការប្រកួត២លើកទាំងលើកនេះ ណាដាល់ មិនបានជួបការរំខានដោយរបួសក្បាលជង្គង់ឆ្វេងរបស់គេនោះឡើយ ។ សម្រាប់រដូវកាលថ្មីនេះ គេទទួលបានឱកាសលើកពានជើងឯកតែ២កម្មវិធីប៉ុណ្ណោះ គឺនៅទឹកដីប្រទេសកាតា និងប្រេស៊ីល ។ រយៈ ពេល២ឆ្នាំចុងក្រោយនេះ ណាដាល់ បានជួបការរំខានដោយសាររបួសជាប់មិនដាច់ ។ ហើយជាលទ្ធផល ពិន្ទុលើតារាងជើងឯកពិភពលោករបស់គេក៏បានធ្លាក់ចុះផងដែរ ។
នៅជុំបន្ទាប់រូបគេនឹងត្រូវប៉ះជាមួយកីឡាករ មិត្តរួមជាតិ ដេវីដ ហ្វេរ័រ ដែលបានយកឈ្នះកីឡាករប៊ុលហ្គារី Grigor Dimitrov ក្នុងលទ្ធផល៦-៤ និង៦-២ ។ ឯកីឡាករការពារជើងឯកណូវ៉ាក់ យ៉ូកូវិច ក៏បានឡើងទៅវគ្គ១/៤ផ្តាច់ព្រ័ត្រជាមួយណាដាល់ផងដែរ បន្ទាប់ពីបានយកឈ្នះកីឡាករអេស្ប៉ាញ Pablo Carreno Busta ក្នុងលទ្ធផល៦-០ និង៦-១ ខណៈរ៉ូជើ ហ្វេដឺរ័រ យកឈ្នះកីឡាករឆែក Lukas Rosol ក្នុងលទ្ធផល៦-៤ និង៦-១ ។
នៅវគ្គបន្ទាប់ កីឡាករស្វ៊ីសរូបនេះនឹងប៉ះជាមួយកីឡាករបារាំង Jo-Wilfried Tsonga ដែលបានយកឈ្នះកីឡាករអុីតាលី Babio Fognini ក្នុងលទ្ធផល៥-៧, ៦-៣ និង៦-០ ។ ក្នុងពេលជាមួយគ្នានោះដែរ កីឡាករស្វ៊ីស Stanislas Wawrinka បានឡើងទៅវគ្គបន្តដោយស្វ័យប្រវត្តិបន្ទាប់ពីគូប្រកួតដកខ្លួន ។ នៅវគ្គបន្ទាប់ ជើងឯកក្របខ័ណ្ឌ Australian Open រូបនេះនឹងប៉ះជាមួយកីឡាករកាណាដា Milos Raonic៕
ចែករំលែកព័តមាននេះ