ខេត្តតាកែវ ៖ យុវជនម្នាក់ដោយសារតូចចិត្តនឹងស្រីស្នេហ៍មិនទទួលទូរស័ព្ទរបស់ខ្លួនបានដាច់ចិត្តផឹកថ្នាំសម្លា.ប់សត្វល្អិតប៉ងធ្វើអត្តឃាតខ្លួនឯង ហើយត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យទាន់ពេល ។ ហេតុការណ៍នេះបានកើតឡើងកាលពីវេលាម៉ោង៧ និង៣០នាទីយប់ ថ្ងៃទី១ សីហា ២០១៣ នៅផ្ទះជនរងគ្រោះស្ថិតនៅភូមិព្រៃល្វាលិច ឃុំព្រៃល្វា ស្រុកព្រៃកប្បាស ។
ខេត្តតាកែវ ៖ យុវជនម្នាក់ដោយសារតូចចិត្តនឹងស្រីស្នេហ៍មិនទទួលទូរស័ព្ទរបស់ខ្លួនបានដាច់ចិត្តផឹកថ្នាំសម្លាប់សត្វល្អិតប៉ងធ្វើអត្តឃាតខ្លួនឯង ហើយត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យទាន់ពេល ។ ហេតុការណ៍នេះបានកើតឡើងកាលពីវេលាម៉ោង៧ និង៣០នាទីយប់ ថ្ងៃទី១ សីហា ២០១៣ នៅផ្ទះជនរងគ្រោះស្ថិតនៅភូមិព្រៃល្វាលិច ឃុំព្រៃល្វា ស្រុកព្រៃកប្បាស ។
យុវជនដែលតូចចិត្តលេបថ្នាំសម្លាប់ខ្លួននេះឈ្មោះអ៊ី ចាន់ថេត អាយុ២៥ឆ្នាំ ជាកសិករ រស់នៅភូមិ-ឃុំកើតហេតុ ចំណែកនារីសង្សារត្រូវគេស្គាល់ឈ្មោះស្រីណា អាយុ២២ឆ្នាំ ជាកម្មការិនីរោងចក្រកាត់ដេរនៅរាជធានីភ្នំពេញ មានទីលំនៅភូមិសំរោងម្រាស់ ឃុំបាកាន ស្រុកព្រៃកប្បាស។
តាមប្រភពប៉ូលិសបានឱ្យដឹងថា យុវជនរងគ្រោះ និងនារីជាសង្សារមានទំនាក់ទំនងស្នេហាជាមួយគ្នាតាំងពីដើមឆ្នាំ២០១៣មកម្ល៉េះ ហើយនៅមុនកើតហេតុយុវជនរងគ្រោះបានព្យាយាមទូរស័ព្ទទៅនារីជាសង្សាររយៈពេល៣ថ្ងៃជាប់គ្នា តែនាងមិនទទួលទូរស័ព្ទរបស់ខ្លួនសោះ លុះនៅថ្ងៃកើតហេតុវេលាម៉ោង៧ និង៣០នាទីយប់ ថ្ងៃទី១ សីហា ២០១៣ យុវជនរងគ្រោះបានទូរស័ព្ទទៅនាងជាសង្សារទៀត នាងនៅតែមិនទទួលទូរស័ព្ទរបស់ខ្លួនដដែលក៏កើតក្តីមួហ្មងក្តៅក្រហាយក្នុងចិត្តស្ទុះឡើងទៅលើផ្ទះយកថ្នាំសំលាប់សត្វលិ្អតលាយទឹកមួយកែវផឹកប៉ងសម្លាប់ខ្លួនបណ្តាលឱ្យប្រកាច់បែកពពុះមាត់នៅលើផ្ទះម្នាក់ឯង ខណៈនោះត្រូវក្រុមគ្រួសារដឹងទាន់ក៏ប្រញាប់ប្រញាល់បញ្ជូនទៅកាន់មន្ទីរពេទ្យសង្គ្រោះទាន់ពេល។
ចែករំលែកព័តមាននេះ