ខេត្តកំពង់ចាម ៖ ប្តីចិត្តអប្រិយម្នាក់បានកា.ប់ប្រហារនឹងកាំបិតបុ័ងតោមកលើប្រពន្ធយ៉ាងសាហា.វឃោរឃៅ បណ្តាលឱ្យនាងរងរបួសជាទម្ងន់ ហើយត្រូវបានសាច់ញាតិបញ្ជូនស្ត្រីរងគ្រោះទៅកាន់មន្ទីរពេទ្យដើម្បីព្យាបាល ។ ចំណែកឯបុរសជាប្តីចិត្តឃោរឃៅកាចសាហា.វព្រៃផ្សៃនោះ ក្រោយពីកា.ប់ប្រហារមកលើប្រពន្ធហើយ ក៏រត់គេចខ្លួនបាត់ ។
ខេត្តកំពង់ចាម ៖ ប្តីចិត្តអប្រិយម្នាក់បានកាប់ប្រហារនឹងកាំបិតបុ័ងតោមកលើប្រពន្ធយ៉ាងសាហាវឃោរឃៅ បណ្តាលឱ្យនាងរងរបួសជាទម្ងន់ ហើយត្រូវបានសាច់ញាតិបញ្ជូនស្ត្រីរងគ្រោះទៅកាន់មន្ទីរពេទ្យដើម្បីព្យាបាល ។ ចំណែកឯបុរសជាប្តីចិត្តឃោរឃៅកាចសាហាវព្រៃផ្សៃនោះ ក្រោយពីកាប់ប្រហារមកលើប្រពន្ធហើយ ក៏រត់គេចខ្លួនបាត់ ។ ហេតុការណ៍អំពើហិង្សានេះបានកើតឡើងកាលពីវេលាម៉ោង២រសៀល ថ្ងៃទី១៣ កក្កដា ស្ថិតនៅភូមិអូរប្រាំទី២ ឃុំព្រែកកក់ ស្រុកស្ទឹងត្រង់ ។
បើតាមប្រភពពីអ្នកជិតខាងបានឱ្យដឹងថា ស្ត្រីរូបនេះគឺជាប្រពន្ធទី៣ រីឯប្រពន្ធទី១ ក៏ធ្លាប់ត្រូវបុរសនេះវាយដល់សន្លប់ ចំណែកឯប្រពន្ធទី២ ក៏ធ្លាប់ត្រូវប្តីវាយទម្លាក់ពីលើផ្ទះផងដែរ ។ បុរសចិត្តអប្រិយរូបនេះឈ្មោះ អុ៊ក យឿន អាយុ៤២ឆ្នាំ ជាជនចូលចិត្តប្រើហិង្សាវាយតប់ និងប្រើកាំបិតបុ័ងតោកាប់មកលើប្រពន្ធ ។ ស្ត្រីរងគ្រោះជាប្រពន្ធទី៣ ឈ្មោះ ហួត សុភា អាយុ៣៣ឆ្នាំ បានឱ្យដឹងថា នៅពេលមុនកើតហេតុប្តីឈ្មោះ យឿន បានមកសុំលុយទិញកាតទូរស័ព្ទ០៩៧ ចំនួន១ដុល្លារ ប៉ុន្តែគាត់បានឱ្យលុយរហូតដល់ទៅ៥.០០០រៀល ។
ក្រោយពីប្តីមកពីទិញកាតទូរស័ព្ទវិញ ស្របពេលដែលគាត់ (ប្រពន្ធ) កំពុងតែបីកូនតូចរបស់អ្នកភូមិម្នាក់ អាយុជាង១ខួបដែលមានផ្ទះនៅទល់មុខគ្នា ហើយត្រូវម្តាយស្លាប់ចោល គ្រាន់តែដាក់កូនតូចនោះចេញពីដៃបានតែបន្តិច បម្រុងទៅដងទឹកអណ្តូងនៅខាងក្រោយផ្ទះ ក៏ត្រូវបានប្តីដើរមកដល់រករឿងស្តីបន្ទោសគំហកដាក់ឱ្យនាងជាប្រពន្ធទាំងសម្តីធំថា ស្អែកទៅណា ? រំពេចនោះគាត់ក៏បានឆ្លើយតបវិញថា ទៅលក់ពោតដែលកាច់មកពី
ចម្ការ ។
ស្ត្រីរងគ្រោះបន្តទៀតថា ខណៈនោះប្តីរបស់គាត់ក៏បានចោទថា ស្រឡាញ់ក្មេងនោះជាងខ្លួនជាប្តី បន្ទាប់មកប្តីបានមកចាប់គាត់ក្រៀកជាប់ ហើយក៏យកកាំបិតបុ័ងតោមកកាប់គាត់ជាប្រពន្ធត្រូវចំនួន៥កន្លែង ក្នុងនោះក្បាល៣កាំបិត ស្មាស្តាំ១កាំបិត និងក.១កាំបិត បណ្តាលឱ្យឈាមហូរស្រោចពេញខ្លួនប្រាណ ។ ក្រោយពេលកើតហេតុ ប្តីចិត្តអប្រិយនេះក៏បានរត់គេចខ្លួនបាត់ស្រមោល។ ចំណែកឯរូបគាត់ត្រូវបានសាច់ញាតិដឹកតាមរថយន្តមកសង្គ្រោះបន្ទាន់នៅមន្ទីរពេទ្យបង្អែកខេត្ត ។
ទង្វើរបស់ប្តីនេះត្រូវបានស្ត្រីរងគ្រោះនិយាយថា មិនអាចអត់ឱនឱ្យបាននោះទេ និងសូមឱ្យអាជ្ញាធរមានសមត្ថកិច្ចចាត់វិធានការទៅតាមច្បាប់ ហើយនៅពេលស្នាមរបួសជាសះស្បើយ គាត់ក៏មិនអាចយកបុរសនោះមកធ្វើជាប្តីបន្តទៀតឡើយ ។ ស្ត្រីរងគ្រោះបានបញ្ជាក់ទៀតថា គាត់បានយកបុរសនោះជាប្តីទើបតែបាន៦ខែប៉ុណ្ណោះ ហើយក្នុងពេលរស់ជាមួយគ្នានៅភូមិអូរប្រាំទី២ ឃុំព្រែកកក់ ស្រុកស្ទឹងត្រង់ ក៏ត្រូវបានអ្នកភូមិគេលួចប្រាប់គាត់ថា ប្តីឈ្មោះ អុ៊ក យឿន នេះធ្លាប់ប្រើអំពើហិង្សាវាយប្រពន្ធទី១ ខណៈពេលមានផ្ទៃពោះ៦ខែរហូតដល់សន្លប់ ឯប្រពន្ធទី២ ពេលឆ្លងទន្លេបាន៣ខែត្រូវបានប្តីវាយទម្លាក់ពីលើផ្ទះ ហើយប្រពន្ធទាំងពីរនាក់នេះត្រូវបានលែងគ្នាជាបន្តបន្ទាប់ ៕
ចែករំលែកព័តមាននេះ