អ្នកនាំពាក្យម្នាក់របស់ អ.ស.ប គូសបញ្ជាក់កាលពីថ្ងៃទី១៤ ឧសភាថា នាវា១គ្រឿងដឹកពួកអ៊ិស្លាមរ៉ូហ៊ីញយ៉ារវាងពី១០០ទៅ១៥០នាក់បានលិចក្នុងឈូងសមុទ្របឹងហ្គាល់ ក្នុងដែនទឹកភូមាខណៈខ្យល់ព្យុះមួយឈ្មោះមហាសេន MAHASEN ជិតបោកបក់មកដល់ឆ្នេរសមុទ្រ ។ អ្នកនាំពាក្យរូបនេះពុំបានបញ្ជាក់ពីចំនួនជនរងគ្រោះឡើយ ។
អ្នកនាំពាក្យម្នាក់របស់ អ.ស.ប គូសបញ្ជាក់កាលពីថ្ងៃទី១៤ ឧសភាថា នាវា១គ្រឿងដឹកពួកអ៊ិស្លាមរ៉ូហ៊ីញយ៉ារវាងពី១០០ទៅ១៥០នាក់បានលិចក្នុងឈូងសមុទ្របឹងហ្គាល់ ក្នុងដែនទឹកភូមាខណៈខ្យល់ព្យុះមួយឈ្មោះមហាសេន MAHASEN ជិតបោកបក់មកដល់ឆ្នេរសមុទ្រ ។ អ្នកនាំពាក្យរូបនេះពុំបានបញ្ជាក់ពីចំនួនជនរងគ្រោះឡើយ ។
នាវានោះបានលិចកាលពីយប់ថ្ងៃទី១៣ ឧសភា ក្រោយចាកចេញពីទីក្រុងPAUKTAW។ លោកស្រី KISTEN MILDREN នៃការិយាល័យសម្របសម្រួលកិច្ចការមនុស្សធម៌របស់អ.ស.ប និយាយថា ពួកអ្នកដំណើរដែលរួមមានបណ្តាមនុស្សភៀសខ្លួនកាលពីឆ្នាំ២០១២ ដោយសារអំពើហិង្សាសាសនាប៉ុនប៉ុងទៅកាន់ជំរំមួយទៀតមុនការមកដល់នៃព្យុះនោះ ។ លោកស្រីអះអាងពីមនុស្សបាត់ខ្លួនជាច្រើននាក់ ។
ជនភៀសខ្លួនអ៊ិស្លាមម្នាក់នៃជំរំម៉ានស៊ី ជិតក្រុង SITTWE រដ្ឋធានី រដ្ឋរ៉ាឃីន និយាយថា មនុស្សប្រមាណជា២០០នាក់ប៉ុនប៉ងគេចចេញពីព្យុះត្រូពីកាល់នោះ ។ យើងឮគេនិយាយថា មនុស្សតែ៨នាក់ប៉ុណ្ណោះនៅរស់រានមានជីវិត ហើយអ្នកឯទៀតៗអាចស្លាប់ក្នុងសមុទ្រ ។យោងតាមមន្ទីរឧតុនិយមភូមាថា ព្យុះមហាសេនកាលពីពាក់កណ្តាលថ្ងៃទី១៤ ឧសភា ស្ថិតនៅចម្ងាយ១.១៨០គីឡូមែ៉ត្រពីក្រុងSITTWE។មនុស្សប្រមាណជា១៤០.០០០នាក់រស់នៅក្នុងជំរំជនភៀសខ្លួនទាំងឡាយក្នុងរដ្ឋរ៉ាឃីន ជាកន្លែងដែលកាលពីឆ្នាំទៅមិញមានការប៉ះទង្គិចគ្នារវាងពួកអ្នកកាន់ពុទ្ធសាសនា និងពួករ៉ូហ៊ីញយ៉ា (កាន់សាសនាអ៊ិស្លាម) បណ្តាលឱ្យមនុស្សស្លាប់ប្រមាណជា២០០នាក់ ៕
ចែករំលែកព័តមាននេះ