គណៈកម្មាធិការរៀបចំព្រឹត្តិការណ៍ប្រកួតកីឡា Commonwealth Games ឆ្នាំ២០១៤ នៅក្រុង Glasgow ប្រទេសស្កុតឡែន បានប្រកាសឱ្យដឹងជាផ្លូវការនូវតម្លៃសំបុត្ររបស់ខ្លួន កាលពីថ្ងៃចន្ទសប្តាហ៍នេះ ដោយក្នុងនោះ២/៣នៃសំបុត្រទាំងអស់នឹងលក់ក្នុងតម្លៃ៣៨,២៩ដុល្លារអាមេរិក ឬក្រោមនេះបន្តិច ។
គណៈកម្មាធិការរៀបចំព្រឹត្តិការណ៍ប្រកួតកីឡា Commonwealth Games ឆ្នាំ២០១៤ នៅក្រុង Glasgow ប្រទេសស្កុតឡែន បានប្រកាសឱ្យដឹងជាផ្លូវការនូវតម្លៃសំបុត្ររបស់ខ្លួន កាលពីថ្ងៃចន្ទសប្តាហ៍នេះ ដោយក្នុងនោះ២/៣នៃសំបុត្រទាំងអស់នឹងលក់ក្នុងតម្លៃ៣៨,២៩ដុល្លារអាមេរិក ឬក្រោមនេះបន្តិច ។
ចំណែកតម្លៃសំបុត្រសម្រាប់ការចូលរួមបើកពិធីនៅ Celtic Park គឺ៦១,២៦ដុល្លារ ខណៈសំបុត្របិទពិធីមានតម្លៃ៤៥,៩៥ដុល្លារ ។ ឯសំបុត្រចូលរួមព្រឹត្តិការណ៍រត់ប្រណាំងចម្ងាយ១០០ម៉ែត្រវគ្គផ្តាច់ព្រ័ត្រផ្នែកបុរសមានតម្លៃពី២២,៩៧ដុល្លារ ដល់១៣៧,៨៤ដុល្លារ ។ ការលក់សំបុត្របែងចែកជាច្រើនដំណាក់កាលដោយដំណាក់កាលដំបូងចាប់ផ្តើមលក់នៅថ្ងៃទី១៩ សីហា ដល់ថ្ងៃទី១៦ កញ្ញា។
សូមបញ្ជាក់ថា ព្រឹត្តិការណ៍ប្រកួតកីឡា Commonwealth Games ឆ្នាំ២០១៤ នឹងចាប់ផ្តើមពីថ្ងៃទី២៣ កក្កដា ដល់ថ្ងៃទី៣ សីហា ដោយមានអត្តពលិកមកពី៧១ប្រទេសចូលរួម ។ ព្រឹត្តិការណ៍នេះរួមមាន១៧ប្រភេទកីឡានិងមាន២៦១ប្រភេទវិញ្ញាសា៕
ចែករំលែកព័តមាននេះ