រាជធានីភ្នំពេញ ៖ សិស្ស និស្សិតចំនួន១៧នាក់ ដែលមកពីវិទ្យាល័យ សាកលវិទ្យាល័យរដ្ឋ និងឯកជនបានចូលរួមប្រកួត ជ្រើសរើសជើងឯកនិយាយភាសាអង់គ្លេសជាសាធារណៈក្នុងវគ្គផ្តាច់ព្រ័ត្រ ដែលបានប្រព្រឹត្តទៅ កាលពីល្ងាចថ្ងៃទី២៤ មករា ២០១៣ នៅសាលមហោស្រពចតុមុខ រាជធានីភ្នំពេញ ដែលបានរៀបចំឡើងដោយស្ថាប័នស្ព្រីងបតប្រចាំកម្ពុជា ក្រោមអធិបតីភាពលោក
រាជធានីភ្នំពេញ ៖ សិស្ស និស្សិតចំនួន១៧នាក់ ដែលមកពីវិទ្យាល័យ សាកលវិទ្យាល័យរដ្ឋ និងឯកជនបានចូលរួមប្រកួត ជ្រើសរើសជើងឯកនិយាយភាសាអង់គ្លេសជាសាធារណៈក្នុងវគ្គផ្តាច់ព្រ័ត្រ ដែលបានប្រព្រឹត្តទៅ កាលពីល្ងាចថ្ងៃទី២៤ មករា ២០១៣ នៅសាលមហោស្រពចតុមុខ រាជធានីភ្នំពេញ ដែលបានរៀបចំឡើងដោយស្ថាប័នស្ព្រីងបតប្រចាំកម្ពុជា ក្រោមអធិបតីភាពលោកអ៊ុក គឹមសេង តំណាងលោកខៀវ កាញារីទ្ធ រដ្ឋមន្ត្រីក្រសួងព័ត៌មាន និងមានការអញ្ជើញចូលរួមពីលោក Mark Gooding ឯកអគ្គរដ្ឋទូតអង់គ្លេស ប្រចាំនៅកម្ពុជា ។
ក្នុងការប្រកួតនេះ គឺមានបែងចែកជា៥ក្រុម ដែលមានដូចជាក្រុមមកពីបណ្តាវិទ្យាល័យរដ្ឋ និងឯកជន ក្រុមនិស្សិតមកពីបណ្តាសាកលវិទ្យាល័យ និងគ្រឹះស្ថានឧត្តមសិក្សា ក្រុមសាធារណៈ ក្រុម Spring Board Kaplan និងក្រុមអន្តរជាតិ ។ ចំពោះបេក្ខជន បេក្ខនារីដែលជាអ្នកឈ្នះនៅតាមក្រុមនីមួយៗនឹងទទួលបានការធ្វើដំណើរទស្សនកិច្ចសិក្សានៅចក្រភពអង់គ្លេសរយៈពេល១សបា្តហ៍ ហើយរាល់ការចំណាយទាំងអស់ គឺស្ថាប័នស្ព្រីងបតជាអ្នកទទួលខុសត្រូវ ។
សិស្ស និស្សិតកម្ពុជាទាំង៤រូប ដែលបានទទួលជ័យលាភីក្នុងការប្រកួតមានដូចជាកញ្ញាមាស ច័ន្ទសត្យា មកពីមូលនិធិ Hapswell ប្អូនស្រីសំ សាលីតា មកពីសាលាអន្តរជាតិ ICS លោកអ៊ុង ទីកិត្យា មកពីវិទ្យាស្ថានភាសាបរទេស និងកញ្ញាអ៊ា អៃលួង មកពីសាកលវិទ្យាល័យប៊ែលធី អន្តរជាតិ ។ បេក្ខជនទាំង៤រូបនេះ នឹងចេញដំណើរទៅប្រទេសអង់គ្លេសនៅអំឡុងខែកក្កដា ២០១៣ ដើម្បីសិក្សាស្រាវជ្រាវ និងដកបទពិសោធន៍ខ្លះៗទាក់ទងនឹងវិស័យអប់រំនៅទីនេះ ៕
ចែករំលែកព័តមាននេះ