ក្រោយពីមានព័ត៌មានពីការទស្សន៍ទាយរបស់ពួកម៉ាយ៉ានដែលមានជំនឿស៊ប់ទៅលើទំនាយរបស់ខ្លួនថា ពិភពលោកនឹងបញ្ចប់នៅថ្ងៃទី២១ ខែធ្នូ ឆ្នាំ២០១២ ខាងមុខនេះ អ្នកវិទ្យាសាស្ត្រនៃមន្ទីរពិសោធន៍ Jet Propulsion របស់អង្គការណាសា បានចេញមុខមកអះអាងថា នេះជាការទស្សន៍ទាយខុសស្រឡះ ។
ក្រោយពីមានព័ត៌មានពីការទស្សន៍ទាយរបស់ពួកម៉ាយ៉ានដែលមានជំនឿស៊ប់ទៅលើទំនាយរបស់ខ្លួនថា ពិភពលោកនឹងបញ្ចប់នៅថ្ងៃទី២១ ខែធ្នូ ឆ្នាំ២០១២ ខាងមុខនេះ អ្នកវិទ្យាសាស្ត្រនៃមន្ទីរពិសោធន៍ Jet Propulsion របស់អង្គការណាសា បានចេញមុខមកអះអាងថា នេះជាការទស្សន៍ទាយខុសស្រឡះ ។
តាមការអះអាងរបស់អ្នកវិទ្យាសាស្ត្រ អង្គការណាសា លោក Yeoman បានបញ្ជាក់ថាតាមការពិតនេះគ្រាន់តែជាជំនឿនៃអារ្យធម៌បុរាណរបស់ពួកម៉ាយ៉ានតែប៉ុណ្ណោះ ទាក់ទងនឹងព្រឹត្តិការណ៍ថ្ងៃអវសាននៃពិភពលោក ។ ប្រតិទិនរបស់ពួកនេះមិនមែនបញ្ចប់នៅថ្ងៃទី២១ ខែធ្នូ ឆ្នាំ២០១២ទេ វាគ្រាន់តែជាការបញ្ចប់នៃវដ្ដមួយ និងចាប់ផ្តើមវដ្តថ្មីមួយទៀតប៉ុណ្ណោះ ។ ការពិតវាដូចនឹងប្រតិទិនរបស់យើងដែលបញ្ចប់នៅថ្ងៃទី៣១ ធ្នូ ហើយប្រតិទិនថ្មីចាប់ផ្តើមនៅថ្ងៃទី១ ខែមករា ។
លោក Yeoman ក៏បានអំពាវនាវសុំឱ្យប្រជាជនទាំងអស់ធ្វើចិត្តឱ្យបានស្ងប់ ចំពោះការភ័យខ្លាចណាមួយទាក់ទងនឹងបុព្វហេតុនៃការទស្សន៍ទាយពីថ្ងៃអវសាននៃពិភពលោករបស់ពួកម៉ាយ៉ាន ។ មានមនុស្សម្នាជាច្រើននាំគ្នាភ័យព្រួយថានឹងមានអព្ភូតហេតុមួយនៅក្រៅប្រព័ន្ធព្រះអាទិត្យ នឹងធ្លាក់មកបុកភពផែនដីនៅក្នុងខែធ្នូនេះ ។ លោកថ្លែងថា ប្រសិនបើកើតមានអព្ភូតហេតុដូច្នេះមែន ម៉្លេះសមយើងឃើញតាំងពីយូរយារមកហើយ ។ បើសិនគេឃើញមានមែននោះយើងទំនងជានឹងឃើញប្រតិកម្មកម្លាំងទំនាញនៃភពនោះទៅលើភពមួយទៀតដែលនៅជិតភពផែនដីយើងនេះ ។ តារាវិទូរាប់ពាន់នាក់ដែលបានផ្តិតរូបភាពហ្វូងតារារៀងរាល់ថ្ងៃ មិនបានឃើញអព្ភូតហេតុនេះទេ ។ លោកបានបន្ថែមទៀតថាណាសាមិនដែលលាក់លៀមព័ត៌មានទាំងនោះទ ។ តើអ្នកអាចស្រមើស្រមៃមើលថា តើក្រុមតាវិទូរាប់ពាន់នាក់ដែលបានអង្កេតលំហអាកាសជារៀងរាល់ថ្ងៃ គេរក្សាការសម្ងាត់ជាសាធារណៈបានទេ រាប់ឆ្នាំមកហើយនោះ ។
ទាក់ទងនឹងអណ្តាតភ្លើងរបស់ព្រះអាទិត្យវិញ លោក Yeoman ពន្យល់ថា វាពិតជាកើតមានមែន ។ តាមពិត អណ្តាតភ្លើងព្រះអាទិត្យ២ធំៗបានផ្ទុះឡើងកាលពីច្រើនថ្ងៃមុនមកម៉្លេះបង្កឱ្យមានចំហាយក្តៅចូលទៅក្នុងលំហអាកាស ។ ប៉ុន្តែនេះគ្រាន់តែជាវដ្ដធម្មតាមួយនៃព្រះអាទិត្យរៀងរាល់១១ឆ្នាំម្តងតែប៉ុណ្ណោះ ។ ចំហាយនៃអណ្តាតភ្លើងព្រះអាទិត្យ អាចកម្ទេចផ្កាយរណបក្នុងគន្លងគោចរបាន ប៉ុន្តែបរិយាកាសដែនម៉ាញ៉េទិករបស់ផែនដីអាចការពារមិនឱ្យផ្ទុះបាន ហើយអណ្តាតភ្លើងនោះមិនបង្កបញ្ហាដល់សុខភាពនោះទេ ។
អ្នកវិទ្យាសាស្ត្ររូបនេះរៀបរាប់បន្តថា មានអ្នកទស្សន៍ទាយពីអវសានពិភពលោកជាច្រើនជឿថា ភពមួយផ្សេងទៀតនិងព្រះអាទិត្យនឹងត្រួតស៊ីគ្នាជាមួយភពផែនដីនៅក្នុងខែធ្នូនេះ ហើយបង្កឱ្យមានមហន្តរាយរលករញ្ជួយព្រះធរណី ។ លោកបានពន្យល់ថា គ្មានការត្រួតស៊ីគ្នានៃភពនោះទេ នៅក្នុងខែធ្នូ ឆ្នាំ២០១២នេះ ។ បើទោះបីជាមានមែន ក៏មិនមានរលករញ្ជួយអ្វីប៉ះពាល់លើភពផែនដីនេះដែរ ។ ពពួកផ្កាយតែពីរពួកប៉ុណ្ណោះនៅក្នុងប្រព័ន្ធព្រះអាទិត្យដែលអាចប៉ះពាល់ដល់ផែនដី គឺព្រះចន្ទដែលនៅជិតបំផុតនិងព្រះអាទិត្យ ។ ប៉ុន្តែភពផ្សេងៗទៀតមានផលប៉ះពាល់តិចតួចស្តួចស្តើងមកលើភពផែនដី ។
ជាមួយគ្នានេះ ទាក់ទិនទៅនឹងព័ត៌មានដែលថាភពផែនដីនឹងងងឹត៣យប់៣ថ្ងៃ ចាប់ពីថ្ងៃទី២៣ ដល់២៥ ធ្នូ ក៏មិនមានអព្ភូតហេតុនេះកើតឡើងនោះទេ ហើយព័ត៌មានដែលថាអង្គការណាសាប្រកាសនោះគឺមិនពិតទេ ៕
ចែករំលែកព័តមាននេះ