ខេត្តកំពត ៖ ប្រជាពលរដ្ឋ អ្នកធ្វើចរាចរណ៍តាមយានយន្ត និងភ្ញៀវទេសចរ ដែលធ្វើដំណើរមកពីភ្នំពេញ និងតាមបណ្តាខេត្តនានាទូទាំងប្រទេស ដែលចូលមកកម្សាន្តតាមរមណីយដ្ឋាននានាក្នុងទឹកដីខេត្តកំពត មានការត្អូញត្អែរ និងរិះគន់ពីការបាត់បង់សណ្តាប់ធ្នាប់លើផ្លូវសាធារណៈម្តុំខាងជើងផ្សារទីរួមខេត្តកំពត ដែលបង្កការកកស្ទះយានយន្តរបស់ភ្ញៀវដែលត្រូវធ្វើដំណើរឆ្លងកាត់តាមផ្លូវមួយខ្សែនេះ ។
បើតាមនគរបាលចរាចរដែលរៀបចំសណ្តាប់ធ្នាប់នៅទីនោះឱ្យដឹងថា កម្លាំងសមត្ថកិច្ចខិតខំប្រឹងប្រែងរៀបចំមិនចង់ឱ្យមានការចតយានយន្តគ្រប់ប្រភេទធ្វើឱ្យប៉ះពាល់ដល់សណ្តាប់ធ្នាប់សាធារណៈលើផ្លូវនេះទេ ប៉ុន្តែពេលសមត្ថកិច្ចឱ្យក្រុមរ៉ឺម៉កម៉ូតូចេញទៅចតកន្លែងផ្សេង ដើម្បីកុំឱ្យចង្អៀតលើផ្លូវបងប្អូនខាងរ៉ឺម៉កម៉ូតូពួកគាត់ធ្វើទៅតាមការសំណូមពររបស់សមត្ថកិច្ច ។ តែដោយឡែករថយន្តភ្ញៀវទេសចរមួយចំនួនដែលជាមន្ត្រីថ្នាក់ដឹកនាំខ្លះចតរថយន្តឈប់ទិញអីវ៉ាន់រយៈពេលយូរម៉ោងហើយ ប៉ូលិសក៏មិនហ៊ានដេញជាហេតុធ្វើឱ្យកកស្ទះចរាចរណ៍ផងដែរ ។ ឯក្រុមរថយន្តដទៃ និងរ៉ឺម៉កម៉ូតូដទៃទៀតឃើញប៉ូលិសមានការយោគយល់អ្នកធំខ្លួនក៏ចេះតែឆ្លៀតឱកាសចូលចតនៅលើចិញ្ចើមផ្លូវដែលជាហេតុធ្វើឱ្យបាត់បង់សណ្តាប់ធ្នាប់សាធារណៈរញ៉េរញ៉ៃបែបនេះតែម្តង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ