ខេត្តព្រៃវែង ៖ យ៉ាងហោចណាស់មានមនុស្សប្រុស២នាក់បានស្លា.ប់ភ្លាមៗនៅនឹងកន្លែង និងក្មេងស្រីម្នាក់ទៀតរងរបួសធ្ងន់នៅក្នុងហេតុការណ៍គ្រោះថ្នាក់ចរាចរណ៍ដ៏គួរឱ្យរន្ធត់មួយដែលបង្កឡើងដោយរថយន្តម៉ាកកូរ៉េ២តោនកន្លះមួយគ្រឿង បានបើកទៅបុកម៉ូតូឌ្រីម សេ១២៥ ដែលកំពុងឈប់ស្ងៀមនៅលើចិញ្ចើមផ្លូវ ។
ខេត្តព្រៃវែង ៖ យ៉ាងហោចណាស់មានមនុស្សប្រុស២នាក់បានស្លាប់ភ្លាមៗនៅនឹងកន្លែង និងក្មេងស្រីម្នាក់ទៀតរងរបួសធ្ងន់នៅក្នុងហេតុការណ៍គ្រោះថ្នាក់ចរាចរណ៍ដ៏គួរឱ្យរន្ធត់មួយដែលបង្កឡើងដោយរថយន្តម៉ាកកូរ៉េ២តោនកន្លះមួយគ្រឿង បានបើកទៅបុកម៉ូតូឌ្រីម សេ១២៥ ដែលកំពុងឈប់ស្ងៀមនៅលើចិញ្ចើមផ្លូវ ។
ហេតុការណ៍នេះបានកើតឡើងកាលពីវេលាម៉ោង១និង១៥នាទីរសៀលថ្ងៃទី២៧ វិច្ឆិកា ២០១២ នៅលើកំណាត់ផ្លូវជាតិលេខ១១ ត្រង់ចំណុចស្ពានទី១ ស្ថិតក្នុងសង្កាត់កំពង់លាវ ក្រុងព្រៃវែង ។ សមត្ថកិច្ចឱ្យដឹងថា ជនរងគ្រោះនៅក្នុងហេតុការណ៍មាន ១-ឈ្មោះ សោម លន់ ភេទប្រុស អាយុ៦០ឆ្នាំ ជាឪពុក ២-ឈ្មោះ ព្រំ សុធី ភេទប្រុស អាយុ៤៨ឆ្នាំ ជាកូន អ្នកទាំង២ត្រូវរថយន្តបង្កបុកហើយកិនអូសពីលើ បណ្តាលឱ្យស្លាប់បាត់បង់ជីវិតភ្លាមៗនៅនឹងកន្លែងកើតហេតុ ។ និងជនរងគ្រោះទី៣ឈ្មោះ បញ្ញា ភេទស្រី អាយុ៤ឆ្នាំ ត្រូវជាកូន និងចៅរបស់អ្នកស្លាប់ទាំង២ត្រូវរថយន្តបុកខ្ទាតធ្លាក់ទៅក្រោមថ្នល់សន្លប់ស្តូកស្តឹង។ ជនរងគ្រោះទាំង៣នាក់មានទីលំនៅក្នុងភូមិឧត្តម ឃុំព្រែកខ្សាយ(ក) ស្រុកពាមរក៍ ខេត្តព្រៃវែង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ