ខេត្តតាកែវ ៖ នៅក្នុងឱកាសដែលប្រជាពុទ្ធសាសនិកកម្ពុជាយើងនៅទូទាំងប្រទេសប្រារព្ធពិធីបុណ្យកឋិនទានទៅតាមគន្លងប្រពៃណីព្រះពុទ្ធសាសនា និយាយរួម និយាយដោយឡែកនៅព្រឹកថ្ងៃទី២៧ វិច្ឆិកា ឆ្នាំ២០១២ ត្រូវនឹងថ្ងៃ១៤កើត ខែកក្តិក ឆ្នាំរោង ចត្វាស័ក ពុទ្ធសករាជ២៥៥៦ លោកបណ្ឌិតសូរ ឃុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍កម្ពុជា និងលោកជំទាវ លោកម៉ូវ
ខេត្តតាកែវ ៖ នៅក្នុងឱកាសដែលប្រជាពុទ្ធសាសនិកកម្ពុជាយើងនៅទូទាំងប្រទេសប្រារព្ធពិធីបុណ្យកឋិនទានទៅតាមគន្លងប្រពៃណីព្រះពុទ្ធសាសនា និយាយរួម និយាយដោយឡែកនៅព្រឹកថ្ងៃទី២៧ វិច្ឆិកា ឆ្នាំ២០១២ ត្រូវនឹងថ្ងៃ១៤កើត ខែកក្តិក ឆ្នាំរោង ចត្វាស័ក ពុទ្ធសករាជ២៥៥៦ លោកបណ្ឌិតសូរ ឃុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍កម្ពុជា និងលោកជំទាវ លោកម៉ូវ ចរិយា ប្រធានបញ្ញត្តិករទូរគមនាគមន៍កម្ពុជា និងលោកជំទាវ ព្រមទាំងអស់លោក លោកស្រី ជាមន្ត្រីអ្នកមុខអ្នកការក្រោមឱវាទក្រសួង បានអញ្ជើញចូលរួមជាមួយពុទ្ធបរិស័ទចំណុះជើងវត្ត ក្នុងពិធីដង្ហែអង្គកឋិនទានសាមគ្គី ដើម្បីប្រមូលបច្ច័យវេរប្រគេនព្រះសង្ឃគង់ចាំព្រះវស្សាអស់កាលត្រីមាសក្នុងព័ទ្ធសីមាវត្តត្រពាំងគង ស្ថិតក្នុងឃុំត្រពាំងក្រសាំង ស្រុកបាទី ខេត្តតាកែវ ។
លោកបណ្ឌិតសូរ ឃុន មានប្រសាសន៍ថា ក្រោមការដឹកនាំដ៏ត្រឹមត្រូវ និងប្រកបដោយគតិបណ្ឌិតរបស់រាជរដ្ឋាភិបាល ដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខធ្វើឱ្យប្រទេសជាតិយើងទទួលបាននូវសុខសន្តិភាព និងស្ថេរភាពនយោបាយពេញលេញនៅទូទាំងប្រទេស សម្រាប់ធ្វើជាមូលដ្ឋានគ្រឹះឱ្យុយើងទាំងអស់គ្នាបានចូលរួមយ៉ាងសកម្មក្នុងការកសាង និងអភិវឌ្ឍន៍ហេដ្ឋារចនាសម្ព័ន្ធសង្គមជាតិ មានការរីកចម្រើនលូតលាស់ទាំងផ្នែកពុទ្ធចក្រ និងផ្នែកអាណាចក្រ រួមចំណែកដល់ការកាត់បន្ថយភាពក្រីក្ររបស់ប្រជាពលរដ្ឋ ។ ទន្ទឹមនឹងនេះ នៅពាក់កណ្តាលខែវិច្ឆិកាកន្លងទៅថ្មីៗនេះ ព្រះរាជាណាចក្រកម្ពុជាបានទទួលធ្វើជាម្ចាស់ផ្ទះក្នុងការរៀបចំកិច្ចប្រជុំកំពូលអាស៊ានលើកទី២១ និងកិច្ចប្រជុំកំពូលពាក់ព័ន្ធរវាងអាស៊ាន និងបណ្តាប្រទេសមហាអំណាចធំៗក្នុងពិភពលោក ដោយទទួលបានជោគជ័យដ៏ធំធេងជូនប្រទេសជាតិ មាតុភូមិ និងប្រជាពលរដ្ឋធ្វើឱ្យប្រទេសជាតិយើងកាន់តែមានកេរ្តិ៍ឈ្មោះល្បីរន្ទឺ ទាំងក្នុងឆាកតំបន់ និងអន្តរជាតិ ។
បន្ទាប់ពីបានដង្ហែអង្គកឋិនទានសាមគ្គីប្រទក្សិណចំនួន៣ដុំ ទៅតាមទំនៀមទម្លាប់ប្រពៃណីព្រះពុទ្ធសាសនាដ៏រុងរឿងនៃយើងរួចមក លោកបណ្ឌិតសូរ ឃុន និងលោកជំទាវ លោកម៉ូវ ចរិយា និងលោកជំទាវ ក៏បានវេរទេយ្យវត្ថុ និងបច្ច័យសរុបចំនួន២២លានរៀល និង១.៨០០ដុល្លារអាមេរិក ប្រគេនព្រះសង្ឃវត្តត្រពាំងគង សម្រាប់ប្រើប្រាស់ជាគុណប្រយោជន៍ដល់ការចូលរួមកសាងសមិទ្ធផលនានាក្នុងទីអារាមជនបទនេះ ឱ្យសក្តិសមជាទីគោរពសក្ការៈបូជានៃពុទ្ធសាសនិកកម្ពុជាយើង៕
ចែករំលែកព័តមាននេះ