ខេត្តពោធិ៍សាត់ ៖ កម្មករធ្វើស្ពានពីរនាក់ ក្នុងចំណោម៥នាក់ បានត្រូវឃាត់ខ្លួនដោយសារផឹកស្រវឹងស្រែកឡូឡារករឿងឈ្លោះប្រកែកគ្នាផ្អើលអ្នកស្រុក និងវាយប៉ូលិសឱ្យមានរបួសទៀត ។ ករណីនេះបានកើតឡើងកាលពីវេលាមោ៉ោង៥និង៤០នាទីល្ងាចថ្ងៃទី៥ កក្កដា នៅភូមិវត្តពោធិ៍ ឃុំអន្លង់វិល ស្រុកកណ្តៀង ។
ខេត្តពោធិ៍សាត់ ៖ កម្មករធ្វើស្ពានពីរនាក់ ក្នុងចំណោម៥នាក់ បានត្រូវឃាត់ខ្លួនដោយសារផឹកស្រវឹងស្រែកឡូឡារករឿងឈ្លោះប្រកែកគ្នាផ្អើលអ្នកស្រុក និងវាយប៉ូលិសឱ្យមានរបួសទៀត ។ ករណីនេះបានកើតឡើងកាលពីវេលាមោ៉ោង៥និង៤០នាទីល្ងាចថ្ងៃទី៥ កក្កដា នៅភូមិវត្តពោធិ៍ ឃុំអន្លង់វិល ស្រុកកណ្តៀង ។
មន្ត្រីប៉ូលិសស្រុកកណ្តៀងឱ្យដឹងថា ជនដែលឃាត់ខ្លួននេះម្នាក់ឈ្មោះ ធឿន វឿន ភេទប្រុស អាយុ២២ឆ្នាំ និងម្នាក់ទៀតឈ្មោះ សេង ប៊ុនថាន ភេទប្រុស អាយុ២៣ឆ្នាំ ជាកម្មករធ្វើស្ពានវត្តពោធិ៍ ឃុំអន្លង់វិល ស្រុកកណ្តៀង អំណោយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលកំពុងស្ថាបនាសព្វថ្ងៃ ។
កម្មករធ្វើស្ពានម្នាក់បានរៀបរាប់ថា បន្ទាប់ពីមេការបើកប្រាក់ខែឱ្យកម្មករគ្រប់គ្នាភ្លាម នៅល្ងាចនោះជនទាំងពីរនាក់ខាងលើ និងមិត្តរួមការងារ៣នាក់ទៀត សរុប៥នាក់ បាននាំគ្នាទិញស្រាផឹកដើម្បីបង្កបរិយាកាសសប្បាយរីករាយ ។ លុះនៅពេលស្រវឹង ជនទាំងពីរនាក់បានប្រកែកគ្នាតឹងមាត់ដែលនឹងអាចឈានដល់វាយកាប់ចាក់គ្នាមិនខាន ដោយឃើញដូច្នេះប្រជាពលរដ្ឋក្នុងភូមិមានការភ័យខ្លាចក៏រាយការណ៍ជូនសមត្ថកិច្ចដើម្បីជួយអន្តរាគមន៍ ។ ពេលប៉ូលិសប៉ុស្តិ៍ទៅសួរនាំឈ្មោះ វឿន បានច្រានទ្រូង និងដាល់មួយដៃចំគុម្ពត្រចៀក ឯឈ្មោះប៊ុន ថាន បានវាយមេប៉ុស្តិ៍មួយដងចបជីកយ៉ាងដំណំ ។ ម៉្យាងទៀតនៅពេលចាប់វាយខ្នោះដឹកតាមម៉ូតូយកទៅប៉ុស្តិ៍ ស្រាប់តែឈ្មោះ វឿន យកដៃទាំងពីរដែលជាប់ខ្នោះនោះអុកក្បាលប៉ូលិសដែលកំពុងបើកម៉ូតូនិងអុកកញ្ចឹងក បណ្តាលឱ្យដួលរងរបួសទាំងអស់គ្នាទៀតផង ។
ជនសង្ស័យទាំងពីរនាក់ បន្ទាប់ពីសួរនាំរួចក៏បានកសាងសំណុំរឿងបញ្ជូនទៅសាលាដំបូងខេត្ត នារសៀលថ្ងៃទី៦ កក្កដា ដើម្បីចាត់ការទៅតាមច្បាប់ ។ នេះគឺជាការព្រហើនមួយដែលជនសង្ស័យជាកម្មករធ្វើស្ពានហ៊ានវាយប៉ូលិស ហើយក៏ជាមេរៀននិងបទពិសោធន៍មួយសម្រាប់មន្ត្រីប៉ូលិសគ្រប់រូបដែលដាក់ខ្នោះជនសង្ស័យទៅមុខ បើដាក់ខ្នោះក្រពាត់ដៃមកក្រោយប្រហែលជាមិនអាចធ្វើអ្វីបានទេ ៕
ចែករំលែកព័តមាននេះ