រាជធានីភ្នំពេញ ៖ នៅសាលសន្និសីទនៃវិទ្យាស្ថានប៊ែលធីអន្តរជាតិសាខាទី៩ (ស្ទឹងមានជ័យ)នាថ្ងៃទី៧ មេសា បានបើកសិក្ខាសាលាដើម្បីពង្រឹងវិធីសាស្ត្របង្រៀនភាសាអង់គ្លេសជូនដល់លោកគ្រូ-អ្នកគ្រូភាសាអង់គ្លេសទូទៅក្រោមអធិបតីភាពដ៏ខ្ពង់ខ្ពស់របស់លោកលី ឆេង អគ្គនាយកប៊ែលធីគ្រុប និងថ្នាក់ដឹកនាំលោកគ្រូ-អ្នកគ្រូ
រាជធានីភ្នំពេញ ៖ នៅសាលសន្និសីទនៃវិទ្យាស្ថានប៊ែលធីអន្តរជាតិសាខាទី៩ (ស្ទឹងមានជ័យ)នាថ្ងៃទី៧ មេសា បានបើកសិក្ខាសាលាដើម្បីពង្រឹងវិធីសាស្ត្របង្រៀនភាសាអង់គ្លេសជូនដល់លោកគ្រូ-អ្នកគ្រូភាសាអង់គ្លេសទូទៅក្រោមអធិបតីភាពដ៏ខ្ពង់ខ្ពស់របស់លោកលី ឆេង អគ្គនាយកប៊ែលធីគ្រុប និងថ្នាក់ដឹកនាំលោកគ្រូ-អ្នកគ្រូភាសាអង់គ្លេសទូទៅសរុប៣៦៩នាក់។
លោកលី ឆេង លើកឡើងថា ដោយមានការរីកចម្រើនជាបន្តបន្ទាប់វិទ្យាស្ថានក៏បានពង្រឹងទីតាំងបានចំនួន១១កន្លែងក្នុងរាជធានីភ្នំពេញ និងមានសិស្ស-និសិ្សតកំពុងសិក្សា២០.៩៧៦នាក់ នារី៨.៩៨៧នាក់។ វិទ្យាស្ថានប៊ែលធីអន្តរជាតិក៏បានបង្កើតជាប៊ែលធីគ្រុបដែលមានបម្រើសេវាធំៗ៣ដូចជា ១-ប៊ែលធីសំណង់ ២-ប៊ែលធីទេសចរណ៍ ដំណើរកម្សាន្តក្នុងស្រុកសម្រាប់ប្រជាជនកម្ពុជា ដំណើរកម្សាន្តក្នុងស្រុកសម្រាប់ជនបរទេសដែលកំពុងស្នាក់នៅធ្វើការក្នុងប្រទេស និងនាំភ្ញៀវពីប្រទេសនានាមកប្រទេសកម្ពុជា ព្រមទំាងកម្មវិធីនាំភ្ញៀវពីប្រទេសកម្ពុជាទៅទស្សនានៅក្រៅប្រទេស។
ឮលោកអគ្គនាយកបានបញ្ជាក់ថាប៊ែលធីអប់រំត្រូវបានចែកចេញជា៣ផ្នែកធំៗគឺវិទ្យាស្ថានប៊ែលធីអន្តរជាតិ សាកលវិទ្យាល័យប៊ែលធីអន្តរជាតិ និងការិយាល័យទំនាក់ទំនងអន្តរជាតិ។វិទ្យាស្ថានប៊ែលធីអន្តរជាតិមានបង្រៀន៥កម្មវិធីសិក្សាធំៗដូចជាចំណេះទូទៅ(ថ្នាក់ទី១-១២)ភាសាអង់គ្លេសទូទៅពីកម្រិត(Preschool ដល់level១២) មហាវិទ្យាល័យភាសាបរទេស (BA,Bed&Med) ៤-វគ្គបណ្តុះបណ្តាលកុំព្យូទ័រមាន១២កម្មវិធី ៥-ថ្នាក់ត្រៀមប្រឡងតេស្តអន្តរជាតិ។ ចំណែកសាកលវិទ្យាល័យប៊ែលធីអន្តរជាតិមាន៦មហាវិទ្យាល័យធំៗដូចជា១-មហាវិទ្យាល័យគ្រប់គ្រងពាណិជ្ជកម្ម ២-មហាវិទ្យាល័យអប់រំសិល្បៈ និងមនុស្សសាស្ត្រ ៣-មហាវិទ្យាល័យនីតិសាស្ត្រ និងវិទ្យាសាស្ត្រ ៤-មហាវិទ្យាល័យទេសចរណ៍ និងបដិសណ្ឋារកិច្ច ៥-មហាវិទ្យាល័យវិស្វកម្ម និងស្ថាបត្យកម្ម ៦-មហាវិទ្យាល័យព័ត៌មាន និងវិទ្យាសាស្ត្រ។ ការិយាល័យទំនាក់ទំនងអន្តរជាតិមានបម្រើសេវាដូចជា ការបញ្ជូនសិស្ស និសិ្សតទៅសិក្សាក្រៅប្រទេស កម្មវិធីផ្លាស់ប្តូរនិសិ្សត ការធ្វើកម្មសិក្សានៅក្រៅប្រទេស និងការអភិវឌ្ឍស្ថាប័ន។
លោកអគ្គនាយកបានលើកឡើងថា កន្លងមកវិទ្យាស្ថានទទួលជោគជ័យផ្នែកចំណេះទូទៅដែលមានសិស្សប្រឡងជាប់សញ្ញាបត្របឋមភូមិ និងទុតិយភូមិ ស្ទើរតែ១០០% និងជាប់សិស្សពូកែថ្នាក់រាជធានី និងទូទាំងប្រទេសជារៀងរាល់ឆ្នាំ។ ដោយឡែកភាសាអង់គ្លេសទើបតែទទួលបាន២០%ប៉ុណ្ណោះ នៃកម្រិតអន្តរជាតិ ដូច្នេះការធ្វើសិក្ខាសាលាថ្ងៃនេះ គឺមានគោលបំណងពង្រឹងគុណភាពអប់រំ ចំណេះដឹង បទពិសោធន៍ និងវិធីសាស្ត្រថ្មីៗក្នុងការបង្រៀនភាសាអង់គ្លេសជូនដល់លោកគ្រូ-អ្នកគ្រូ ដើម្បីធ្វើជាមូលដ្ឋានក្នុងការបង្រៀនសិស្សឱ្យកាន់តែល្អប្រសើរឡើងថែមទៀត។ ក្នុងឆ្នាំថ្មីនេះវិទ្យាស្ថានក៏បានដាក់ចេញនូវគោលដៅពេលសិស្សប្រឡងបញ្ចប់Level១២ អាចប្រើប្រាស់ភាសាអង់គ្លេសបានយ៉ាងស្ទាត់ជំនាញ និងអាចប្រឡងតេស្តអន្តរជាតិថូហ្វល(TOFEL)បានពិន្ទុពី៦០ ឬតេស្ត IELTSពី៥.៥ឡើងទៅ។
លោកបានសម្តែងនូវក្តីសង្ឃឹមជឿជាក់ថា ក្រោយពីបញ្ចប់សិក្ខាសាលានេះលោកគ្រូ-អ្នកគ្រូនឹងទទួលបានចំណេះដឹង និងបទពិសោធន៍ល្អៗពីសិក្ខាសាលានេះសម្រាប់បង្រៀនសិស្សឱ្យទទួលបានជោគជ័យនាពេលអនាគត និងធ្វើយ៉ាងណាទាក់ទាញអារម្មណ៍សិស្សឱ្យចង់មករៀនមិនបាច់បង្ខំសិស្សឱ្យមករៀនក៏ដូចជាសម្រាប់ត្រៀមវគ្គសិក្សាថ្មីភាសាអង់គ្លេសទូទៅពេញម៉ោង និងក្រៅម៉ោងជំនាន់ទី២៤ដែលនឹងត្រូវចូលរៀនថ្ងៃទី៣០ មេសា ឆ្នាំ២០១២នេះផងដែរ។
លោកបញ្ជាក់ថាវិទ្យាស្ថាននឹងផ្តល់ជូនសៀវភៅសិក្សាគូល័រច្បាប់ដើមដល់សិស្ស-និសិ្សតដែលចុះឈ្មោះរៀនភាសាអង់គ្លេសទូទៅ១វគ្គសិក្សា។ ការផ្តល់ជូននេះផុតកំណត់ត្រឹមថ្ងៃទី៤ មេសា ឆ្នាំ២០១២ ៕
ចែករំលែកព័តមាននេះ