ខេត្តកណ្តាល ៖ រថយន្តកាមរីគូទស្វិតស៊េរីឆ្នាំ៩១ របស់ប៉ូលិសសេដ្ឋកិច្ចម្នាក់បានបើកបោះពួយជ្រុលទៅបុកដើមអម្ពិលបារាំងមួយដើមនៅតាមចិញ្ចើមផ្លូវបណ្តាលឱ្យខ្ទេចមុខរួចធ្លាក់ចូលទៅក្នុងប្រឡាយទឹកស្អុយ កាលពីវេលាម៉ោង១និង១០នាទីរំលងអធ្រាត្រឈានចូលថ្ងៃទី២៩ កុម្ភៈ ២០១២ នៅលើកំណាត់ផ្លូវជាតិលខ៤ ត្រង់ចំណុចភូមិព្រៃរកា ឃុំឆក់ឈើនាង ស្រុកអង្គស្នួល ខេត្តកណ្តាល ។
តាមប្រភពព័ត៌មានឱ្យដឹងថា រថយន្តម៉ាកកាមរីស៊េរីឆ្នាំ៩១ ពណ៌ឈាមជ្រូក អ្នកបើកបរពុំត្រូវបានគេស្គាល់ឈ្មោះនោះទេ ប៉ុន្តែគេដឹងថា ជាមន្ត្រីប៉ូលិសសេដ្ឋកិច្ចដែលប្រចាំការនៅក្នុងភូមិសាស្ត្រស្រុកអង្គស្នួលមានសភាពស្រវឹងជោកជាំ រងរបួសយ៉ាងដំណំទៀតផង ។
ប្រភពបន្តឱ្យដឹងថា នៅមុនពេលកើតហេតុរថយន្តកាមរីគូទស្វិតនេះបើកបរពីកើតទៅលិចក្នុងល្បឿនលឿនចេញពីកន្លែងផឹកសីុនៅភ្នំពេញ ឆ្ពោះទៅទីសា្នក់ការដែលគេប្រចាំនៅក្នុងភូមិសាស្ត្រស្រុកខាងលើ ខណៈមកដល់ចំណុចកើតហេតុ ស្រាប់តែរេចង្កូតពេញផ្លូវ ទំនងអ្នកបើកបរនោះស្រវឹងធ្លាក់ភ្នែកខ្លាំងក៏ធ្លាក់ចេញពីផ្លូវបុកដើមអម្ពិលបារាំងជ្រុលធ្លាក់ចូលប្រឡាយទឹក តែម្តង៕
ចែករំលែកព័តមាននេះ