រាជធានីភ្នំពេញ ថ្ងៃទី១១ ខែមករា ឆ្នាំ២០១១ ៖ ឡូយ៩ ដែលជាកម្មវិធីទូរទស្សន៍ និងចាប់ផ្តើមដំណើរការនៅថ្ងៃអាទិត្យ ទី១៥ មករា ឆ្នាំ២០១២ នឹងសម្ពោធកម្មវិធីដែលជាយុទ្ធនាការផ្សព្វផ្សាយដ៏ធំមួយតាមរយៈ ទូរទស្សន៍ វិទ្យុ និងតាមអ៊ីនធើរណេតដែលបានរៀបចំឡើងដើម្បីទាក់ទាញឱ្យយុវជនចូល រួមក្នុងជីវិតសហគមន៍ ។
រាជធានីភ្នំពេញ ថ្ងៃទី១១ ខែមករា ឆ្នាំ២០១១ ៖ ឡូយ៩ ដែលជាកម្មវិធីទូរទស្សន៍ និងចាប់ផ្តើមដំណើរការនៅថ្ងៃអាទិត្យ ទី១៥ មករា ឆ្នាំ២០១២ នឹងសម្ពោធកម្មវិធីដែលជាយុទ្ធនាការផ្សព្វផ្សាយដ៏ធំមួយតាមរយៈទូរទស្សន៍ វិទ្យុ និងតាមអ៊ីនធើរណេតដែលបានរៀបចំឡើងដើម្បីទាក់ទាញឱ្យយុវជនចូលរួមក្នុងជីវិតសហគមន៍ ។
កម្មវិធីកម្សាន្តតាមទូរទស្សន៍នេះផ្តោតលើប្រជាជនដែលមានអាយុ១៥និង២៤ឆ្នាំ ហើយត្រូវបានតាក់តែងឡើងសម្រាប់ឱ្យក្រុមគ្រួសារទាំងមូលទស្សនា នឹងចាប់ផ្តើមបញ្ចាំងតាមទូរទស្សន៍សីុធីអិន (CTN) នៅរៀងរាល់ថ្ងៃអាទិត្យ វេលាម៉ោង៨យប់ ។ កម្មវិធីនេះនឹងបង្ហាញពីប្រជាជន វ័យដែលមានឆន្ទៈមកពីគ្រប់តំបន់នៃប្រទេសដែលជាអ្នកចូលរួមធ្វើការផ្លាស់ប្តូរក្នុងសហគមន៍របស់ខ្លួន ។ ល្បែងជាច្រើនរបស់កម្មវិធីឡូយ៩ នឹងបង្ហាញពីការប្រកួតផ្សេងៗ និងការបង្ហាញពីអ្នកមានទេពកោសល្យមានន័យថា មានឱកាសជាច្រើនសម្រាប់យុវជនវ័យក្មេងពីគ្រប់ទិសទីទូទាំងប្រទេសក្នុងការចូលរួម និងទទួលស្គាល់សក្តានុពលរបស់ខ្លួន ។
ឈុតដំបូងនៃកម្មវិធីឡូយ៩ សម្តែងដោយពិធីករ ពិធីការិនីក្មេងៗចំនួនប្រាំរូប បង្ហាញពីសិល្បៈករល្បីៗ គឺឌីជេឃ្លាំង កញ្ញាមាស សុខសោភា និងក្រុម Boy Band Utopia ។ ឈុតដំបូងនៃរឿងភាគនេះរៀបរាប់ពីយុវនារីវ័យក្មេងម្នាក់ឈ្មោះស៊ីណា ដែលសម្តែងដោយតារាថ្មីឈ្មោះជួរ ស្រីណុច បង្កើនចំណាប់អារម្មណ៍ផ្នែកផលិតខ្សែភាពយន្តនៅពេលដែលអតីតមិត្តរួមថ្នាក់របស់នាងឈ្មោះពេជ្រ ត្រឡប់ទៅភូមិរបស់ខ្លួនវិញ ដើម្បីផលិតភាពយន្តសម្រាប់ចូលរួមប្រកួត ។ ជាមួយនឹងក្រុមមិត្តភក្តិដែលមានចំណង់ដូចគ្នាស៊ីណាចាប់ផ្តើមប្រើប្រាស់ភាពយន្តដែលនាងបានចូលរួមផលិត ដើម្បីជួយដោះស្រាយបញ្ហាមួយចំនួនក្នុងភូមិ ។ ប៉ុន្តែតើអ្នកភូមិវ័យក្មេង និងដោះស្រាយបញ្ហាដែលអាចកើតមានដោយមិនបានរំពឹងទុករបស់ពួកគេដោយរបៀបណា?
កត្តាទាក់ទាញអារម្មណ៍របស់យុទ្ធនាការ ៖
ប្រទេសកម្ពុជាមានចំនួនប្រជាជនក្មេងជាងគេបំផុតក្នុងតំបន់អាសីុភាគអាគ្នេយ៍ប្រហែលជាមួយភាគបីភាគរយនៃចំនួនប្រជាជនសរុបមានអាយុពី១៥ទៅ៣០ឆ្នាំនេះ បើតាមនិយមន័យយុវជនរបស់ប្រទេសកម្ពុជា ។ ប៉ុន្តែមនុស្សវ័យក្មេងទាំងនោះជារឿយៗមានការចូលរួមតិចតួចនៅក្នុងសហគមន៍របស់ខ្លួន ។ ប្រធានគម្រោងឡូយ៩ ឈ្មោះ Colin Spurway នៃអង្គការ BBC Media Action បានមានប្រសាសន៍ថា ៖
«យុទ្ធនាការឡូយ៩ ផ្តោតទៅលើយុវវ័យជាច្រើនដែលចង់ចូលរួមក្នុងជីវិតសង្គមជាលើកដំបូង ។ ការស្រាវជ្រាវរបស់យើងបង្ហាញថា បើទោះជាមនុស្សភាគច្រើននៅក្នុងប្រទេសកម្ពុជាយល់ស្របជាមួយនឹងគំនិតដែលថា យុវវ័យគួរតែចូលរួមក្នុងជីវិតសហគមន៍ក៏ដោយ ក៏ពួកគេហាក់ដូចជាមានអារម្មណ៍ថា យុវវ័យមិនទាន់បានត្រៀមខ្លួនទេ ។ យុវជនគំរូដែលមានបទ ពិសោធន៍ជាក់ស្តែងគួរឱ្យកត់សម្គាល់របស់ឡូយ៩ និងបង្ហាញថា ផ្នត់គំនិតនេះគួរតែធ្វើការផ្លាស់ប្តូរ» ។
ឡូយ៩ ត្រូវបានផលិតដោយអង្គការ BBC Media Action ក្រោមជំនួយឧបត្ថម្ភរបស់កម្មវិធីអភិវឌ្ឍន៍សហប្រជាជាតិ(UNDP) ។ ការស្រាវជ្រាវដែលធ្វើឡើងក្នុងឆ្នាំ២០១០ ដោយអង្គការ BBC Media Action ក្នុងចំណោមមនុស្សវ័យក្មេងចំនួន២.០០០នាក់បានបង្ហាញថា កម្រិតនៃការចូលរួមក្នុងជីវិតសហគមន៍នៅមានកម្រិតទាប។ ឧទាហរណ៍មានតែប្រជាជនវ័យក្មេងចំនួន៨% ប៉ុណ្ណោះដែលបានបញ្ចេញទស្សនៈទៅកាន់មន្ដ្រីសាធារណៈ ដូចជាមន្ដ្រីរាជរដ្ឋាភិបាល ឬមន្ដ្រីអង្គការក្រៅរដ្ឋាភិបាលនានា។ មនុស្សដែលមានវ័យចាស់ជាច្រើននៅមានភាពស្ទាក់ស្ទើរក្នុងការចូលរួមក្នុងសហគមន៍ ឬសង្គមហើយមានអារម្មណ៍ថា មនុស្សវ័យក្មេងគួរជៀសវាង។ ផ្នត់គំនិតនេះបង្កើតនូវឧបសគ្គជាច្រើនសម្រាប់យុវវ័យដែលចង់ចូលរួម និងជឿជាក់ថា ខ្លួនមានសមត្ថភាពចូលរួម។
លោកស្រី Elena Tischeko នាយកប្រចាំប្រទេសរបស់អង្គការ UNDP បានមានប្រសាសន៍ថា ការធ្វើការជាមួយយុវជនគឺជាកម្មវិធីមួយក្នុងចំណោមកម្មវិធីអត្ថិភាពរបស់អង្គការ UNDP ជាច្រើនឆ្នាំខាងមុខទៀត។ នេះដោយសារតែយុវវ័យបានទទួលស្គាល់នូវសក្ដានុពលរបស់ពួកគេ និងការរួមចំណែកដែលពួកគេអាចផ្ដល់ឱ្យចំពោះអនាគតប្រទេសជាតិរបស់ខ្លួន ។ គោលបំណងរបស់យើងក្នុងការធ្វើការលើកបញ្ហាទំនាក់ទំនងនឹងយុវវ័យ គឺដើម្បីជួយយុវវ័យឱ្យក្លាយជាអ្នកដែលមានសមត្ថភាពខ្ពស់ពង្រឹងអំណាចពួកគេនិងលើកទឹកចិត្ដឱ្យមានការចូលរួមក្នុងការអភិវឌ្ឍប្រទេសកម្ពុជា ។
លោកស្រី Elena Tischeko បានបន្ថែមទៀតថា ដូចគ្នាទៅនឹងកន្លែងផ្សេងទៀតនៅក្នុងពិភពលោកដែរ យុវវ័យនៅកម្ពុជាគឺជាជំនាន់មួយដែលកាន់តែទទួលយកព័ត៌មាន ហើយមានចំណាប់អារម្មណ៍យ៉ាងខ្លាំងចំពោះឱកាសថ្មីៗ សម្រាប់ទំនាក់ទំនងជាមួយមិត្ដភក្ដិនិងជាមួយពិភពលោកខាងក្រៅ។ ដោយហេតុនេះហើយយើងមានភាពរីករាយយ៉ាងខ្លាំងក្នុងការចាប់ដៃគូជាមួយអង្គការ BBC Media Action នៅក្នុងយុទ្ធនាការឡូយ៩នេះ ហើយសង្ឃឹមថា កម្មវិធីនេះនឹងជួយឱ្យយុវវ័យក្នុងប្រទេសកម្ពុជាកាន់តែសកម្មក្នុងការចូលរួមក្នុងសង្គម ដោយរួមបញ្ចូលទាំងការចូលរួមជាមួយអាជ្ញាធរក្នុងតំបន់របស់ពួកគេការស្ម័គ្រចិត្ដជួយជនរងគ្រោះផ្សេងទៀតក្នុងសហគមន៍របស់ខ្លួនជាដើម៕
ចែករំលែកព័តមាននេះ