តម្លៃមាសនៅរក្សាលំនឹងរបស់ខ្លួននៅក្នុងថ្ងៃ អង្គារ ទី២៥ តុលា ស្របពេលដែលអ្នកវិនិយោគទន្ទឹងរង់ចាំមេដឹកនាំអឺរ៉ុបចាត់វិធានការលើយុទ្ធសាស្ត្រ ក្នុងការដោះស្រាយវិបត្តិប្រាក់បំណុលក្នុងតំបន់ប្រើប្រាស់ប្រាក់អឺរ៉ូក្នុងកិច្ចប្រជុំនៅថ្ងៃពុធនេះ ។
តម្លៃមាសនៅរក្សាលំនឹងរបស់ខ្លួននៅក្នុងថ្ងៃ អង្គារ ទី២៥ តុលា ស្របពេលដែលអ្នកវិនិយោគទន្ទឹងរង់ចាំមេដឹកនាំអឺរ៉ុបចាត់វិធានការលើយុទ្ធសាស្ត្រ ក្នុងការដោះស្រាយវិបត្តិប្រាក់បំណុលក្នុងតំបន់ប្រើប្រាស់ប្រាក់អឺរ៉ូក្នុងកិច្ចប្រជុំនៅថ្ងៃពុធនេះ ។
អ្នកវិនិយោគបានដុះពន្លកនៃទំនុកចិត្តវិញបន្តិចហើយ បន្ទាប់ពីមានកិច្ចប្រជុំចុងសប្តាហ៍របស់សហភាពអឺរ៉ុបដែលបានធ្វើឲ្យមានដំណើរ ការទៅមុខនៃកិច្ចព្រមព្រៀងលើរបៀបគ្រប់គ្រងប្រាក់បំណុល ទោះបីជាការសម្រេចចុងក្រោយ នឹងធ្វើឡើងនៅក្នុងកិច្ចប្រជុំលើកទី២ នៅថ្ងៃពុធ ទី២៦ តុលា ក្តី។
លោក Ronald Leung ដែលធ្វើការជាអ្នកចែកចាយមាសនៃក្រុមហ៊ុន Lee Cheong Gold Dealer ក្នុងទីក្រុងហុងកុងនិយាយថា ទីផ្សារគឺពិតជាមានសភាពស្ងៀមស្ងាត់ ស្របពេលដែលមនុស្សគ្រប់គ្នាកំពុងទន្ទឹងរង់ចាំដំណោះស្រាយរបស់សហភាពអឺរ៉ុបនៅថ្ងៃពុធនេះ។ តែគាត់បន្ថែមថា ការលេចឡើងនូវព័ត៌មានអវិជ្ជមាន អាចបង្កើតឲ្យមានការលក់មាសចេញ និងទ្រព្យធននានា។
គាត់បានគូសបញ្ជាក់ថា បើទោះជាកិច្ចប្រជុំនៅថ្ងៃពុធបានបង្កើតផែនការយោគយល់ក្តី ទ្វីបអឺរ៉ុបនឹងមិនទាន់រកផ្លូវចេញពីព្រៃបំណុលនោះក្នុងពេលឆាប់ៗនោះទេ ដោយសារទំហំនៃប្រាក់បំណុលនោះច្រើនពេក។
ហាងឆេងប្តូរមាសមានការផ្លាស់ប្តូរតិចតួច មានតម្លៃ១.៦៥០,៩៩ដុល្លារក្នុងមួយអោន(មួយ អោន=២៨ក្រាម)។ តម្លៃមាសក្នុងទីផ្សារហុងកុងរក្សាតម្លៃ ប្រហែល២ដុល្លារលើតម្លៃមាសទូទៅក្នុងមួយ អោនចំណែកនៅទីផ្សារសិង្ហបុរីកើនឡើង ប្រហែល១,៥ដុល្លារ៕
ចែករំលែកព័តមាននេះ