រាជធានីភ្នំពេញ ៖ បុរសជាជាងថតរួបនៅវត្តភ្នំ មកពីថតរូបវិញបានអង្គុយផឹកស៊ីជាមួយមិត្តភក្តិ ស្រាប់តែមានរថយន្តមួយគ្រឿងបត់ចូលផ្ទះច្រឡំជាន់ហ្គែរ ហោះទៅបុកកិនស្លា.ប់ និងម្នាក់ទៀតរងរបួសធ្ងន់ បង្កអោយមានការភ្ញាក់ផ្អើលកាលពីវេលាម៉ោង៩ និង៣០នាទីយប់ថ្ងៃទី២៧ ធ្នូ ឆ្នាំ២០១៥ តាមបណ្តោយផ្លូវលេខ៩៣ ស្ថិតក្នុងភូមិសាមគ្គី សង្កាត់ទួលសង្កែ ខណ្ឌប្ញស្សីកែវ ។
រាជធានីភ្នំពេញ ៖ បុរសជាជាងថតរួបនៅវត្តភ្នំ មកពីថតរូបវិញបានអង្គុយផឹកស៊ីជាមួយមិត្តភក្តិ ស្រាប់តែមានរថយន្តមួយគ្រឿងបត់ចូលផ្ទះច្រឡំជាន់ហ្គែរ ហោះទៅបុកកិនស្លាប់ និងម្នាក់ទៀតរងរបួសធ្ងន់ បង្កអោយមានការភ្ញាក់ផ្អើលកាលពីវេលាម៉ោង៩ និង៣០នាទីយប់ថ្ងៃទី២៧ ធ្នូ ឆ្នាំ២០១៥ តាមបណ្តោយផ្លូវលេខ៩៣ ស្ថិតក្នុងភូមិសាមគ្គី សង្កាត់ទួលសង្កែ ខណ្ឌប្ញស្សីកែវ ។
សពដែលត្រូវរថយន្តបុកស្លាប់មានឈ្មោះហុង ថន ភេទប្រុស អាយុ៣៥ឆ្នាំ ជាអ្នកថតរូបនៅវត្តភ្នំ ស្នាក់នៅផ្ទះជួលម្តុំកន្លែងកើតហេតុ មានស្រុកកំណើតឃុំអង្គសុភី ស្រុកកំពង់ត្រាច ខេត្តកំពត ។ រីឯជនរងគ្រោះដែលសំរាកព្យាបាលនៅមន្ទីរពេទ្យមិនត្រូវបានស្គាល់អត្តសញ្ញាណទេ ។ ចំណែករថយន្តបង្កម៉ាកកាមរីឆ្លាម ពណ៌ទឹកប្រាក់ ពាក់ស្លាកលេខភ្នំពេញ 2AH-5306 អ្នកបើកបរបានរត់គេចខ្លួនបាត់ភ្លាម ក្រោយពេលបើកបុកមនុស្សស្លាប់ ។
បើតាមសាក្សីនៅកន្លែងកើតហេតុឱ្យដឹងថា នៅចំណុចខាងលើជាកន្លែងលក់បាយពេលព្រឹក មុនពេលកើតហេតុជនរងគ្រោះទើបនឹងត្រឡប់មកពីថតរូបនៅវត្តភ្នំវិញ បានអង្គុយផឹកស៊ីជាមួយមិត្តភក្តី ដែលស្នាក់នៅជិតគ្នានោះ គឺអង្គុយផឹកតែ២នាក់អង្គុយដាក់តុតូចនៅមុខផ្ទះ ខណៈពេលផឹកបានបន្តិចជនរងគ្រោះ បានដើរទៅបន្ទប់ជួលនៅខាងក្រោយកន្លែងកើតហេតុដោះម៉ាស៊ីនថតទុករួចហើយបានមកអង្គុយផឹកបន្តទៀត ស្រាប់តែមានបុរសម្នាក់បានបើករថយន្តបង្ក បំរុងបត់ចូលផ្ទះនៅក្បែរកន្លែងជនរងគ្រោះ អង្គុយផឹក តែបួងចង្កូតអត់អស់បម្រុងជាន់ហ្វ្រាំងរ៉ឺយ៉ែថយក្រោយវិញ បែរជាច្រឡំជាន់ហ្គែរហោះទៅបុករះជនរងគ្រោះ ដែលកំពុងតែអង្គុយផឹកស្រាពេញទំហឹង បណ្តាលឱ្យស្លាប់ម្នាក់ភ្លាមៗនៅនឹងកន្លែងកើតហេតុ និងម្នាក់ទៀតរងរបួសធ្ងន់ត្រូវ បានរថយន្តសាមុយដឹកយកទៅសង្គ្រោះនៅមន្ទីរពេទ្យ ។ ចំណែករថយន្តបង្កបន្ទាប់ពីបុកជនរងគ្រោះ២នាក់ ហើយនៅមិនទាន់អស់ល្បឿនបានជ្រុលទៅបុកគូទរថយន្តសាំយ៉ុងចតនៅមុខផ្ទះជិតកន្លែងកើតហេតុ ខូចខាតតិចតួច ម្ចាស់រថយន្តសាំយ៉ុងមិនបានប្តឹងទាមទារការខូចខាតទេ ។
ក្រោយកើតហេតុ អ្នកបើករថយន្តបង្ករត់គេចបាត់ស្រមោលហើយមិនមាននរណាហ៊ានចេញមុខអះអាងថា ជាម្ចាស់រថយន្តទេ សុខចិត្តឱ្យសមត្ថកិច្ចស្ទូចយកទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ ដើម្បីរង់ចាំធ្វើការដោះស្រាយ ។ ចំណែកសពបុរសរងគ្រោះ សមត្ថកិច្ចទំនាក់ទំនងទៅក្រុមគ្រួសារសាច់ញាតិឱ្យមកទទួលយកទៅធ្វើបុណ្យឯស្រុកតាមប្រពៃណី ៕
ចែករំលែកព័តមាននេះ