រាជធានីភ្នំពេញ ៖ បុរសម្នាក់បានស្លា.ប់ភ្លាមៗនៅកន្លែងកើតហេតុដោយសារគ្រោះថ្នាក់ចរាចរណ៍រវាងរថយន្តបាឡែននិងម៉ូតូកាលពីវេលាម៉ោង៧យប់ ថ្ងៃទី១ វិច្ឆិកា ២០១៥ នៅចំណុចមុខទីបញ្ជាការដ្ឋានកងពលតូចលេខ៧០
រាជធានីភ្នំពេញ ៖ បុរសម្នាក់បានស្លាប់ភ្លាមៗនៅកន្លែងកើតហេតុដោយសារគ្រោះថ្នាក់ចរាចរណ៍រវាងរថយន្តបាឡែននិងម៉ូតូកាលពីវេលាម៉ោង៧យប់ ថ្ងៃទី១ វិច្ឆិកា ២០១៥ នៅចំណុចមុខទីបញ្ជាការដ្ឋានកងពលតូចលេខ៧០ ស្ថិតក្នុងភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ ។
ជនរងគ្រោះដែលបានស្លាប់បាត់បង់ជីវិតឈ្មោះ អន សុម៉ាឌី ភេទប្រុស អាយុ២៤ឆ្នាំ ជិះម៉ូតូម៉ាក Yamaha Sirius ពណ៌ខ្មៅ ពាក់ស្លាកលេខ នគរបាល ១-០០៦១ ។ ចំណែករថយន្តបង្កម៉ាកកាមរីបាឡែន ពណ៌ស ពាក់ស្លាកលេខ ភ្នំពេញ 2AE-1203 បើកបរដោយបុរសម្នាក់បានរត់គេចខ្លួនបាត់ក្រោយពេលកើតហេតុ ។
ប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសម្នាក់បើករថយន្តម៉ាកកាមរី បាឡែន ពណ៌ស យ៉ាងលឿនសង្ស័យស្រវឹង លុះដល់ចំណុចកើតហេតុក៏បានជ្រុលទៅម៉ូតូ១គ្រឿងបើកបរដោយបុរសម្នាក់ក្នុងទិសដៅបញ្ច្រាស់ទិសគ្នា បណ្តាលឲ្យអ្នកបើកម៉ូតូស្លាប់ភ្លាមៗនៅកន្លែងកើតហេតុ ។
ក្រោយពេលកើតហេតុសមត្ថកិច្ចបានចុះទៅធ្វើការវាស់វែង និងយកទាំងរថយន្តបង្ក និងម៉ូតូរងគ្រោះទៅរក្សាទុកនៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ ដើម្បីដោះស្រាយនៅពេលក្រោយ ៕
ចែករំលែកព័តមាននេះ