ខេត្តត្បូងឃ្មុំ ៖ ក្រុមចោរមានជំនាញខាងដើរលួច ដោយមិនរើសមុខ ក្នុងនោះមានម្នាក់ធ្លាប់មានប្រវត្តិជាប់គុករហូតដល់ទៅដល់៤ដង នៅតែមិនរាងចាលទៀត បានធ្វើសកម្មភាពលួចយកកាបូបដៃតូចមួយ ពីកន្លែងលក់ដូរសាច់ក្លែម ស្ថិតនៅមាត់ឃ្មង់
ខេត្តត្បូងឃ្មុំ ៖ ក្រុមចោរមានជំនាញខាងដើរលួច ដោយមិនរើសមុខ ក្នុងនោះមានម្នាក់ធ្លាប់មានប្រវត្តិជាប់គុករហូតដល់ទៅដល់៤ដង នៅតែមិនរាងចាលទៀត បានធ្វើសកម្មភាពលួចយកកាបូបដៃតូចមួយ ពីកន្លែងលក់ដូរសាច់ក្លែម ស្ថិតនៅមាត់ឃ្មង់ ក្នុងភូមិទួលវិហារ ឃុំជីរោទ៏ទី២ ស្រុកត្បូងឃ្មុំ ត្រូវបានកម្លាំងសមត្ថកិច្ចតាមប្រមាញ់ចាប់បានទាំង២នាក់ ដោយដកហូតម៉ូតូ១គ្រឿង និងកាបូបលុយមកវិញប្រគល់ឲ្យម្ចាស់វិញ។
លោកវរសេនីយ៏ត្រី ឡុង សារិន អធិការរងនគរបាលស្រុកត្បូងឃ្មុំប្រាប់ឲ្យដឹងថា ហេតុការណ៏នេះកើតឡើងនៅវេលាម៉ោង២ និង៣៥នាទីយប់ទាបភ្លឺ ឈានចូលព្រឹកថ្ងៃទី១៨ កញ្ញា ២០១៥ ជនសង្ស័យទាំង២នាក់ ដែលត្រូវប្រជាលពលរដ្ឋដេញចាប់បាននោះ មាន ១-ឈ្មោះ ហេង ចំរើន ភេទប្រុស អាយុ១៧ឆ្នាំ នៅភូមិនាងគង្ហីង សង្កត់សំបួរមាស ក្រុងកំពង់ចាម ២-ឈ្មោះម៉ៃ ឌីណា ភេទប្រុស អាយុ២២ឆ្នាំ នៅភូមិបឹងស្នាយ សង្កាត់សំបួរមាស ក្រុងកំពង់ចាម ចោរមានអាជីពធ្លាប់ជាប់គុក៤លើក ត្រូវបានចាប់ខ្លួនបានភ្លាមៗ ក្រោយពីជិះម៉ូតូរត់គេចបានចំងាយ មិនដល់១០ម៉ែត្រផងនោះ ។
លោកបានប្រាប់បន្តថា ស្របពេលដែលជនរងគ្រោះជាអ្នកលក់ដូរ ឈ្មោះ យ៉ែម ស្រីម៉ៅ ភេទស្រី អាយុ៣៧ឆ្នាំ កំពុងតែដេកនៅលើរោងលក់ដូរនោះ ស្រាប់តែមានជនសង្ស័យ ឈ្មោះឌីណា បានលបចូលទៅលួចយកកាបូបដៃតូចមួយ នឹកស្មានតែមានលុយក្រាល់ក្រែល ក្រោយពីលួចបានចេញពីរោងបានចំងាយមិនដល់ទៅ១០ម៉ែត្រផងនោះ ត្រូវបានប្រជាលរដ្ឋក្បែរខាង ឃើញទាន់ក៏នាំគ្នាដេញតាមចាប់ជាប់ និងតាមចាប់ម្នាក់ទៀត ដែលកំពុងតែអង្គុយលើម៉ូតូ រងចាំឌុបបក្សពួកគេចខ្លួននោះ បានភ្លាមៗ ក៏បានប្រគល់ឲ្យកម្លាំងសមត្ថកិច្ចប៉ុស្ត៏រដ្ឋបាលឃុំជីរោទ៏ទី២ ដែលយាមប្រចាំការក្បែរកន្លែងកើតហេតុ នឹងបញ្ជូនបន្តមកកាន់អធិការដ្ឋាននគរបាលស្រុកត្បូងឃ្មុំ ដើម្បសួរនាំ ។
លោកវរសេនីយ៏ត្រី ឡុង សារិន បញ្ជាក់ថា ក្រោយពីបានសួរនាំជនសង្ស័យឈ្មោះ ឌីណា បានឆ្លើយសារភាពថា រូបគេធ្លាប់មានប្រវត្តិជាប់ពន្ធនាគារខេត្ត រហូតដល់ទៅ៤ដងឯណោះ ពីបទលួចទ្រព្យរបស់អ្នកដ៏ទៃ ។ លុះលើកទី៥ លួចយកកាបូបដៃនេះ នឹកស្នានតែមានលុយច្រើន តែតាមពិតលុយបន្តិចបន្តួចប៉ុណ្ណោះ ព្រោះលក់មិនសូវដាច់ និងមានក្រេមម្សៅសំរាប់ផាត់មុខ ហើយក៏ត្រូវបានប្រគល់ឲ្យទៅម្ចាស់ដើមវិញ ចំពោះជនសង្ស័យទាំង២នាក់នេះ ត្រូវបានបំពេញសំណុំរឿងបញ្ជូនទៅសាលាដំបូងខេត្ត ចាត់ការទៅតាមច្បាប់ ៕
ចែករំលែកព័តមាននេះ