រាជធានីភ្នំពេញ ៖ ម៉ូតូម៉ាកហុងដាឌ្រីម សេ១២៥ ពណ៌ខ្មៅ១គ្រឿងត្រូវបានជនសង្ស័យ២នាក់ប្រើកាំភ្លើងខ្យល់ប្លន់យកទៅបាត់ដោយសារតែការធ្វេសប្រហែសរបស់ជនរងគ្រោះ ដែលហេតុការណ៍នេះកើតឡើងកាលពី
រាជធានីភ្នំពេញ ៖ ម៉ូតូម៉ាកហុងដាឌ្រីម សេ១២៥ ពណ៌ខ្មៅ១គ្រឿងត្រូវបានជនសង្ស័យ២នាក់ប្រើកាំភ្លើងខ្យល់ប្លន់យកទៅបាត់ដោយសារតែការធ្វេសប្រហែសរបស់ជនរងគ្រោះ ដែលហេតុការណ៍នេះកើតឡើងកាលពីវេលាម៉ោង៧ និង៣០នាទីយប់ ថ្ងៃទី១៣ កញ្ញា ២០១៥ នៅចំណុចផ្លូវលេខ១៩៣ កែងផ្លូវ៣១០ ស្ថិតក្នុងសង្កាត់ទួលស្វាយព្រៃ១ ខណ្ឌចំការមន ។
ប្រភពពីជនរងគ្រោះបានឱ្យដឹងថា ជនរងគ្រោះឈ្មោះ ណាត ណេត អាយុ២២ឆ្នាំ ស្នាក់នៅក្នុងសង្កាត់បឹងទំពុន ខណ្ឌមានជ័យ រីឯម៉ូតូដែលត្រូវចោរប្លន់យកទៅបាត់នោះម៉ាកហុងដាឌ្រីម សេ១២៥ ពណ៌ខ្មៅ ស៊េរីឆ្នាំ២០០៨ ឡើងតែម២០១៣ ពាក់ស្លាកលេខ 1BQ-9078 ។
ជនរងគ្រោះបានឱ្យដឹងទៀតថា មុនពេលកើតហេតុជនរងគ្រោះបានឈប់ម៉ូតូមួយភ្លែតនៅទីនោះដោយមិនបានដកសោចេញពីម៉ូតូទេ ស្រាប់តែក្រលេខមើលវិញក៏ឃើញជនសង្ស័យ២នាក់បញ្ឆេះម៉ូតូរបស់ខ្លួន ពេលនេះជនរងគ្រោះក៏បានទាញបំពង់ទីបជ័រនៅក្បែរនោះវាយទៅលើជនរងគ្រោះដែលអង្គុយក្រោយ៤-៥បំពង់ទីបជ័រ ស្រាប់តែពេលនោះជនសង្ស័យម្នាក់បានដកកាំភ្លើងខ្លីប្រើខ្យល់បាញ់ភ្ជុចដី១គ្រាប់ ហើយជិះម៉ូតូគេចខ្លួនបាត់ស្រមោលតែម្តង ។
ក្រោយពេលកើតហេតុ ជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាល ទួលស្វាយព្រៃ១ ដើម្បីឱ្យសមត្ថកិច្ចជួយអន្តរាគមន៍ផងដែរ ៕
ចែករំលែកព័តមាននេះ