ខេត្តពោធិ៍សាត់ ៖ ជនសង្ស័យម្នាក់ត្រូវម្ចាស់គោចេញចាប់បានយកទៅប្រគល់ឱ្យសមត្ថកិច្ចដោយចោទប្រកាន់ថាជនសង្ស័យរូបនេះបានលួចគោរបស់គាត់ ។ ហេតុការណ៍នេះបានកើតឡើងកាលពីវេលាម៉ោង១រសៀល
ខេត្តពោធិ៍សាត់ ៖ ជនសង្ស័យម្នាក់ត្រូវម្ចាស់គោចេញចាប់បានយកទៅប្រគល់ឱ្យសមត្ថកិច្ចដោយចោទប្រកាន់ថាជនសង្ស័យរូបនេះបានលួចគោរបស់គាត់ ។ ហេតុការណ៍នេះបានកើតឡើងកាលពីវេលាម៉ោង១រសៀល ថ្ងៃទី១១ ខែកញ្ញា ឆ្នាំ២០១៥ នៅភូមិព្រៃយាង ភូមិអូរតាប៉ោង ស្រុកបាកាណ ខេត្តពោធិ៍សាត់ ។
សមត្ថកិច្ចនគរបាលឃុំអូរតាប៉ោងបានឱ្យដឹងថា ជនសង្ស័យឈ្មោះ ភួង សាវង្ស ហៅចាន់ណា ភេទប្រុស អាយុ២៣ឆ្នាំ មានស្រុកកំណើតនៅខេត្តពោធិ៍សាត់ បានមកលេងម្តាយនៅភូមិស្វាយរំកែវ ដែលមានព្រំប្រទល់ជាប់ឃុំអូរតាប៉ោង ។
លោក អ៊ុក សុះ នាយប៉ុស្តិ៍នគរបាលឃុំអូរតាប៉ោងបានឲ្យដឹងថា មុនពេលកើតហេតុម្ចាស់គោបានយកគោទៅចងឲ្យស៊ីស្មៅនៅចំណុចភូមិព្រៃយៀង ឃុំអូតាប៉ោង មួយសន្ទុះក្រោយមកស្រាប់តែបាត់គោ ក៏ដើររក ពេលកំពុងដើររកក៏ប្រទះឃើញជនសង្ស័យខាងលើ រួចក៏ដេញចាប់យកមកប្រគល់ឲ្យសមត្ថកិច្ចតែម្តង ហើយបានចោទប្រកាន់ថា ជាចោរលួចគោ ។
តែបើតាមចម្លើយសារភាពរបស់ជនសង្ស័យបានឲ្យដឹងថា ខ្លួនគេមិនបានលួចគោទេ គឺគេយកគោនេះមករំលោភ ។
ជនសង្ស័យត្រូវបានបញ្ជូនទៅអធិការដ្ឋាននគរបាលស្រុកបាកាណ ដើម្បីធ្វើសាកសួរបន្ត ។ សមត្ថកិច្ចនគរបាលសង្ស័យថា បុរសម្នាក់នេះទំនងជាបែកថ្នាំផងក៏មិនដឹងបានជាចង់រំលោភគោបែបនេះ ៕
ចែករំលែកព័តមាននេះ