រាជធានីភ្នំពេញ ៖ កាលពីវេលាម៉ោង២រសៀលថ្ងៃទី៩ កញ្ញា ២០១៥ សមត្ថកិច្ចនគបាលខណ្ឌពោធិ៍សែនជ័យ បានធ្វើការបញ្ជួនខ្លួនជនសង្ស័យពាក់ព័ន្ធបទល្មើសចែកចាយគ្រឿងញៀ.ន និងជាក្រុមញៀនថ្នាំ
រាជធានីភ្នំពេញ ៖ កាលពីវេលាម៉ោង២រសៀលថ្ងៃទី៩ កញ្ញា ២០១៥ សមត្ថកិច្ចនគបាលខណ្ឌពោធិ៍សែនជ័យ បានធ្វើការបញ្ជួនខ្លួនជនសង្ស័យពាក់ព័ន្ធបទល្មើសចែកចាយគ្រឿងញៀន និងជាក្រុមញៀនថ្នាំ ដែលបានធ្វើសកម្មភាពចាក់ប៉ូលិសមួយដែកឆាបដោតចំកណ្តាលឆ្អឹងខ្នង បណ្តាលឲ្យរងរបួសយ៉ាងធ្ងន់ធ្ងរ ខណៈចុះទៅបង្ក្រាបចាប់ខ្លួនជនសង្ស័យទាំង៣នាក់នោះកំពុងប្រព្រឹត្តបទល្មើសជាក់ស្តែង ។
សមត្ថកិច្ចឱ្យដឹងថា ជនសង្ស័យដែលត្រូវចាប់ខ្លួនមាន ១-ឈ្មោះ វ៉ន ពេជ្រ ភេទប្រុស អាយុ២៦ឆ្នាំ (ជាជនដៃដល់ចាក់ប៉ូលិស) មុខរបរជាកម្មករសំណង់ មានស្រុកកំណើតនៅភូមិអន្លង់ទៀន ឃុំបុរីជលសារ ស្រុកបុរីជលសារ ខេត្តតាកែវ, ២-ឈ្មោះ វ៉ន ស្នា ភេទប្រុស អាយុ១៩ឆ្នាំ មុខរបរជាកម្មកររោងចក្រកាត់ដេរ មានស្រុកកំណើតនៅភូមិក្រោលគោ ឃុំក្រោលគោ ស្រុកស្វាយជ្រុំ ខេត្តស្វាយរៀង និង៣-ឈ្មោះ ឡាង ឡេង ភេទប្រុស អាយុ៣៦ឆ្នាំ មុខរបររត់រ៉ឺម៉កម៉ូតូ ស្រុកកំណើតនៅភូមិពាមជីកង ឃុំសំបួរមាស ស្រុកកងមាស ខេត្តកំពង់ចាម ។ ចំណែកឯប៉ូលិសដែលរងគ្រោះដោយស្នាដៃក្រុមញៀនថ្នាំនោះឈ្មោះ សាយ ចំរើន អាយុជាង៣០ឆ្នាំ ជាមន្ត្រីផ្នែកព្រហ្មទណ្ឌ ខណ្ឌពោធិ៍សែនជ័យ ។
គួរបញ្ចាក់ថា កាលពីវេលាម៉ោង១០ និង៣០នាទីយប់ ថ្ងៃទី៦ កញ្ញា សមត្ថកិច្ចនគរបាលប៉ុស្តិ៍ចោមចៅ ដែលជាជនរងគ្រោះបានជិះម៉ូតូ១គ្រឿងដើរល្បាតក្នុងមូលដ្នាន លុះពេលដល់ចំណុចផ្ទះជួលខាងក្រោយរោងចក្រអូសេអង់ ម្តុំផ្សារព្រៃទា បានប្រទះឃើញជន៣នាក់គួរឲ្យសង្ស័យ ក៏ចុះឆែកឆេររកឃើញថ្នាំញៀនមួយកញ្ចប់តូច ។ ភ្លាមនោះជនសង្ស័យម្នាក់បានដើរទៅនិយាយជាមួយនគរបាលនោះថា ពួកលោកឯងមកធ្វើអីម្តុំហ្នឹង? ខ្លាចអីប៉ូលីស ! បន្ទាប់មកជនរងគ្រោះជាសមត្ថកិច្ចនគបាលក៏សួរនាំពាក់ព័ន្ធរឿងថ្នាំញៀន ស្រាប់តែត្រូវជនសង្ស័យទាញដាវដែលលាក់ទុកនៅក្បែរខ្លួនគប់ត្រូវដៃស្តាំជនរងគ្រោះ ហើយជនសង្ស័យក៏បានរត់ឡើងទៅលើផ្ទះជួល ជនរងគ្រោះបានដេញតាមចុះឡើង ក៏ត្រូវជនសង្ស័យឈ្មោះ វ៉ន ពេជ្រ លបចាក់ពីក្រោយមួយដែកឆាបប្រវែង២តឹក ដោតជាប់ចំកណ្តាលខ្នងបណ្តាលចុកដួលបាត់បង់ស្មារតីមួយរំពេច ប៉ុន្តែមុនពេលបាត់បង់ស្មារតី ជនរងគ្រោះបានហៅតាមវិទ្យុទាក់ទងសុំឲ្យកម្លាំងមកជួយ ភ្លាមនោះលោកវរសេនីយ៍ឯក យឹម សារ៉ាន់ អធិការនគរបាលខណ្ឌពោធិ៍សែនជ័យ បានបញ្ជាកម្លាំងមួយក្រុមចុះទៅជួយជនរងគ្រោះ និងបានដឹកទៅកាន់មន្ទីរពេទ្យដើម្បីសង្គ្រោះជាបន្ទាន់ ខណៈដែកឆាបនៅជាប់ឆ្អឹងខ្នង ។ ហើយកម្លាំងមួយក្រុមបានធ្វើការឡោមព័ទ្ធផ្ទះជួលរបស់ជនសង្ស័យ ព្រមទាំងក្រសោបជនដៃដល់ និងក្រុមញៀនថ្នាំចំនួន៣នាក់ ថែមទាំងដកហូតដាវសាម៉ូរ៉ៃ២ដើម និងឧបករណ៍ប្រើប្រាស់ថ្នាំញៀនមួយចំនួនទៀត ។
ក្រោយពីឃាត់ខ្លួន ជនសង្ស័យត្រូវបានសមត្ថកិច្ចកសាងសំណុំរឿងបញ្ជួនទៅកាន់សាលាដំបូងរាជធានីភ្នំពេញតាមនិតិវិធី ៕
ចែករំលែកព័តមាននេះ