រថយន្តមែរសឺដែសប្រើហ្គាសកំពុងបើកសុខៗឆ្លងភ្លើងឆេះផ្អើលទាំងថ្ងៃ
រាជធានីភ្នំពេញ ៖ រថយន្តមែរសឺដែសមួយគ្រឿង ពាក់ស្លាកលេខភ្នំពេញ2Q- 0709 ដែលគេដឹងថា កែដាក់ហ្គាសបានឆ្លងភ្លើងឆេះហុយផ្សែងទ្រលោម
រាជធានីភ្នំពេញ ៖ រថយន្តមែរសឺដែសមួយគ្រឿង ពាក់ស្លាកលេខភ្នំពេញ2Q- 0709 ដែលគេដឹងថា កែដាក់ហ្គាសបានឆ្លងភ្លើងឆេះហុយផ្សែងទ្រលោម បង្កឱ្យមានការភ្ញាក់ផ្អើលកាលពីវេលាម៉ោង១ និង៣០នាទីរសៀល ថ្ងៃទី៨ កញ្ញា ២០១៥ នៅលើកំណាត់មហាវិថីព្រះនរោត្តម កែងផ្លូវលេខ១៥៤ ស្ថិតក្នុងសង្កាត់ជ័យជំនះ ខណ្ឌដូនពេញ ។
សាក្សីដែលឃើញហេតុការណ៍បានឱ្យដឹងថា មុនពេលកើតហេតុគេឃើញបុរសម្នាក់បានបើករថយន្តម៉ាកមែរសឺដែស ពណ៌កណ្តុរល្មែះ ពាក់ស្លាកលេខ ភ្នំពេញ2Q- 0709 ធ្វើដំណើរក្នុងទិសដៅពីត្បូងទៅជើងលើកំណាត់មហាវិថីព្រះនរោត្តម លុះមកដល់កែងផ្លូវលេខ១៥៤(មុខរោងភាពយន្តលុច្ស)ស្រាប់តែរថយន្តនោះរលត់ ។
ភ្លាមនោះអ្នកបើករថយន្តខាងលើបានទូរស័ព្ទហៅគ្នាឱ្យមកជួយអូសរថយន្តចូលមកកៀនផ្លូវដើម្បីបញ្ឆេះម្ដងទៀត ពេលបញ្ជះម្តងទៀតនោះ ស្រាប់តែបែកផ្កាភ្លើងឆាបឆេះទៅដល់ធុងហ្គាសផ្នែកខាងក្រោយបណ្ដាលឲ្យមានផ្សែងហុយទ្រលោមលាយឡំអណ្តាតភ្លើងបង្កឲ្យមានការភ្ញាក់ផ្អើល តែត្រូវបានប្រជាពលរដ្ឋក្បែរនេះនាំគ្នាជួយអន្តរាគមន៍ពន្លត់ទាន់ពេលវេលា ៕
ចែករំលែកព័តមាននេះ