ខេត្តស្វាយរៀង ៖ កម្លាំងសមត្ថកិច្ចការិយាល័យប្រឆាំងការជួញដូរគ្រឿងញៀន នៃស្នងការនគបាលខេត្ត សហការជាមួយកម្លាំងនគរបាលអធិការដ្ឋាននគបាលក្រុងស្វាយរៀង និងដឹកនាំសម្របសម្រួលដោយលោក អ៊ង រី ព្រះរាជអាជ្ញារងអមសាលាដំបូងខេត្តចុះបង្ក្រាបក្រុមប្រើប្រាស់ និងជួញដូរគ្រឿងញៀន ចាប់បានជនសង្ស័យ២នាក់ប្តី-ប្រពន្ធ និងដកហូតវត្ថុតាងគ្រឿងញៀន២កញ្ចប់ ព្រមទាំងសម្ភារប្រើប្រាស់គ្រឿងញៀនមួយចំនួន ។ កណីនេះបង្ក្រាបនេះធ្វើឡើងកាលពីរសៀល ថ្ងៃទី១ កញ្ញា ២០១៥ នៅភូមិមេភ្លើង សង្កាត់ស្វាយរៀង ក្រុងស្វាយរៀង ។
សមត្ថកិច្ចឱ្យដឹងថា ជនសង្ស័យ២នាក់ដែលត្រូវបានចាប់ខ្លួនមានឈ្មោះ សំ ស៊ីណាត ភេទប្រុស អាយុ៣៥ឆ្នាំ និងឈ្មោះ ពៅ សុវណ្ណា ភេទស្រី ទាំង២នាក់នេះគឺមករស់នៅជាមួយគ្នាមិនបានរៀបការរយៈ២ខែមកហើយ ក៏ប៉ុន្តែម្តាយ និងបងប្អូនខាងស្រីមិនទទួលស្គាល់ជនសង្ស័យជាកូនប្រសារឡើយ ដោយជនសង្ស័យគ្រាន់តែចេញចូលជួបគ្នាជាសង្សារដូចអំពឹលអំពែក ។
ក្រោយពេលចាប់ខ្លួន ជនសង្ស័យទាំង២នាក់ត្រូវបានបញ្ជូនទៅអធិការដ្ឋាននគបាលក្រុងស្វាយរៀង ដើម្បីសាកសួរតាមនីតិវិធី ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ