រាជធានីភ្នំពេញ ៖ ស្ត្រីម្នាក់ត្រូវបានកម្លាំងអាវុធហត្ថរាជធានីភ្នំពេញសហការជាមួយអាវុធហត្ថខណ្ឌចំការមនចាប់ឃាត់ខ្លួនកាលពីល្ងាចថ្ងៃទី៣១ សីហា ២០១៥ នៅចំណុចកន្លែងវេរលុយវីង យីហោ MK ស្ថិតក្នុងសង្កាត់បឹងត្របែក ខណ្ឌចំការមន ពីបទឆបោកលុយតាមហ្វេសប៊ុកចំនួន៣០០០ដុល្លារអាមេរិក ។
សមត្ថកិច្ចបានឱ្យដឹងថា ស្ត្រីដែលត្រូវចាប់ខ្លួននោះឈ្មោះ គឹម សូលីដា អាយុ២១ឆ្នាំ រស់នៅសង្កាត់ភ្នំពេញថ្មី ខណ្ឌសែនសុខ បានបោកលុយនារីរងគ្រោះឈ្មោះ យឹម ចរិយា អាយុ២២ឆ្នាំ រស់នៅសង្កាត់ផ្សារដើមថ្កូវ ខណ្ឌចំការមន តាមរយៈការបង្កើតគណនីហ្វេសប៊ុក (Account Facebook) ដាក់ឈ្មោះដូចបងប្អូន និងសាច់ញាតិរស់នារីរងគ្រោះដែលរស់នៅសហរដ្ឋអាមេរិក និងឆាត (Chat) មកលេងជាញឹកញាប់ បន្ទាប់មកក៏សុំខ្ចីលុយ ដោយលើកទី១ខ្ចី៥០០ដុល្លារ លើកទី២ ខ្ចី១៥០០ដុល្លារ និងលើកទី៣ ខ្ចី១០០០ដុល្លារ សរុបទាំងអស់៣០០០ដុល្លារអាមេរិក ។
សមត្ថកិច្ចឱ្យដឹងថាទៀតថា នារីរងគ្រោះបានប្រាប់ថា ដោយសារខ្ចីញឹកញាប់ និងឆ្ងល់ពេក នារីរងគ្រោះក៏ទូរស័ព្ទទៅសួរបងប្អូន ក៏ត្រូវបងប្អូនដែលរស់នៅសហរដ្ឋអាមេរិកថា អត់ដឹងអីផង ទើបដឹងខ្លួនថាត្រូវគេបោក ។ ក្រោយពីដឹងថាត្រូវគេបោក នារីរងគ្រោះក៏បានដាក់ពាក្យបណ្តឹងនៅអាវុធហត្ថតែម្តង ៕
ចែករំលែកព័តមាននេះ