នាយករដ្ឋមន្ត្រីម៉ាឡេស៊ីបង្ហាញកម្លាំងគាំទ្រលោកវិញ
ពួកអ្នកគាំទ្រនាយករដ្ឋមន្ត្រីម៉ាឡេស៊ី លោកណាជីន រ៉ាហ្សាក់ ដែលពួកបាតុករប្រឆាំងច្រើនសិបពាន់នាក់ទាមទារឱ្យលោកលាលែងចេញពីតំណែង
ពួកអ្នកគាំទ្រនាយករដ្ឋមន្ត្រីម៉ាឡេស៊ី លោកណាជីន រ៉ាហ្សាក់ ដែលពួកបាតុករប្រឆាំងច្រើនសិបពាន់នាក់ទាមទារឱ្យលោកលាលែងចេញពីតំណែង នៅថ្ងៃទី៣១ សីហា បានលើកគ្នាហែក្បួនតាមដងវិថីទងឡាយនៃទីក្រុងគូឡាឡាំពួរវិញម្តងនាឱកាសប្រារព្ធបុណ្យឯករាជ្យជាតិ។
លោកណាជីប បានដឹកនាំពិធីបុណ្យជាតិនេះក្រោយពីម៉ាឡេស៊ីទទួលបានឯករាជ្យកាលពីឆ្នាំ១៩៥៧ជាឆ្នាំដែលគណនេយ្យលោកឡើងកាន់អំណាច ហើយពុំធ្លាប់ចាកចេញពីអំណាចសោះតាំងពីពេលនោះមក។
ព្រឹត្តិការណ៍នោះផ្សាយបន្តផ្ទាល់តាមទូរទស្សន៍ជាការបង្ហាញកម្លាំងគាំទ្រលោកណាជីប។
ការប្រមូលកម្លាំងកាលពីចុងសប្តាហ៍កន្លងមកប្រឆាំងលោកណាជីបពុំត្រូវបានពួកអ្នកសង្កេតការណ៍មួយចំនួនចាត់ទុកថា ជាការគំរាមកំហែងចម្បងមួយសម្រាប់នាយករដ្ឋមន្ត្រីឡើយ ព្រោះពួកអ្នករៀបចំពុំមានអ្នកដឹកនាំប្រាកដប្រជា ហើយខាងពួកប្រឆាំងមានការបែកបាក់គ្នារួចលោកណាជីត្រួតត្រាបណ្តាស្ថាប័នគន្លឹះៗដូចជាប៉ូលិស តុលាការ និងសភាជាដើម៕
ចែករំលែកព័តមាននេះ