ខេត្តមណ្ឌលគីរី ៖ ព្រះរាជអាជ្ញារងអមសាលាដំបូងខេត្តមណ្ឌលគិរី បានដឹកនាំកម្លាំងសមត្ថកិច្ចចុះបង្ក្រាបទីតាំងល្បែងស៊ីសង និងសង្វៀនបញ្ជល់មាន់ និងល្បែងគ្រប់ប្រភេទ ដែលកើតឡើងយ៉ាងអនាធិបតេយ្យ ស្ថិតក្នុងស្រុកពេជ្រាដា កាលពីរសៀលថ្ងៃទី២៩ សីហា ២០១៥ ។
ខេត្តមណ្ឌលគីរី ៖ ព្រះរាជអាជ្ញារងអមសាលាដំបូងខេត្តមណ្ឌលគិរី បានដឹកនាំកម្លាំងសមត្ថកិច្ចចុះបង្ក្រាបទីតាំងល្បែងស៊ីសង និងសង្វៀនបញ្ជល់មាន់ និងល្បែងគ្រប់ប្រភេទ ដែលកើតឡើងយ៉ាងអនាធិបតេយ្យ ស្ថិតក្នុងស្រុកពេជ្រាដា កាលពីរសៀលថ្ងៃទី២៩ សីហា ២០១៥ ។
ប្រភពបានឱ្យដឹងថា ទីតាំងល្បែងស៊ីសងលួចលាក់នេះ ស្ថិតនៅចំណុចវាយោង ក្នុងភូមិពូលុះ ឃុំប៊ូស្រា ស្រុកពេជ្រាដារ គឺកើតមានយូរណាស់មកហើយ ដោយគេពុំដែលឃើញមានមន្ត្រីជំនាញណា ហ៊ានទៅបង្ក្រាបឡើយ ដោយគេដឹងថា វង់ល្បែងនោះមានខ្នងបង្អែកអ្នកធំនៅពីក្រោយ ទើបតែថ្ងៃនេះ កម្លាំងព្រះរាជអាជ្ញា រួមនិងកម្លាំងអាវុធហត្ថស្រុកចុះបង្ក្រាប ។
ក្នុងនោះដែរ សមត្ថកិច្ចឃាត់ខ្លួនជនជាតិវៀតណាមបានជាង១០០នាក់, ខ្មែរជាង២០នាក់ និងមាន់ជល់ល្បែងជាច្រើនប្រភេទផ្សេងទៀត តែគេពុំមានឃើញសមត្ថកិច្ចនាំយកវត្ថុតាង ឬក៏អ្នកញៀនល្បែងទាំងនោះ មកធ្វើការណែនាំអប់រំនោះទេ ។ ចំណែកជនជាតិវៀតណាម ដែលចូលមកលេងល្បែងនោះ លោកសំរិត ណយ មេប៉ុស្តិ៍ច្រកទ្វារទ្វេភាគីណាំលៀ ធ្លាប់បាននិយាយថា រាល់ការចេញ-ចូលរបស់ជនជាតិវៀតណាមទាំងនោះ សុទ្ធតែមានលិខិតស្នាមត្រឹមត្រូវ ។
ជុំវិញការចុះបង្ក្រាបបនល្បែងខាងលើ លោកសូ សុវិទ្យា ព្រះរាជ្ញារងអមសាលាដំបូងខេត្តបានឲ្យដឹងយ៉ាងខ្លីថា វង់ល្បែងទាំងនោះមានច្បាប់ ។
ចែករំលែកព័តមាននេះ