ខេត្តកំពង់ធំ ៖ ជនសង្ស័យប្រើប្រាស់ និងចែកចាយថ្នាំញៀនចំនួន៧នាក់ត្រូវបានសមត្ថកិច្ចនគរបាលការិយាល័យប្រឆាំងគ្រឿងញៀ.ន សហការជាមួយអធិការដ្ឋាននគរបាលក្រុងស្ទឹងសែន ធ្វើការឃាត់ខ្លួនបាន
ខេត្តកំពង់ធំ ៖ ជនសង្ស័យប្រើប្រាស់ និងចែកចាយថ្នាំញៀនចំនួន៧នាក់ត្រូវបានសមត្ថកិច្ចនគរបាលការិយាល័យប្រឆាំងគ្រឿងញៀន សហការជាមួយអធិការដ្ឋាននគរបាលក្រុងស្ទឹងសែន ធ្វើការឃាត់ខ្លួនបានកាលពីថ្ងៃទី២៩ សីហា ២០១៥ ខណៈដែលពួកគេធ្វើសកម្មភាពចែកចាយថ្នាំញៀនក្នុងភូមិសាស្ត្រក្រុងស្ទឹងសែន ខេត្តកំពង់ធំ ។
ក្នុងប្រតិបត្តិការបង្ក្រាប និងចាប់ខ្លួននេះ សមត្ថកិច្ចដកហូតបានថ្នាំញៀនប្រភេទម៉ាទឹកកកចំនួន១៤កញ្ចប់តូច រួមជាមួយសម្ភារប្រើប្រាស់មួយចំនួនទៀត ។
បច្ចុប្បន្នជនសង្ស័យទាំង៧នាក់កំពុងត្រូវបានសមត្ថកិច្ចកសាងសំណុំរឿងចាត់ការតាមនីតិវិធី ។
ជុំវិញករណីបង្ក្រាប និងឃាត់ខ្លួនជនសង្ស័យ និងចែកចាយគ្រឿងញៀននេះ ត្រូវបានប្រជាពលរដ្ឋរិះគន់ថា ស្ទើរតែរាល់លើកក្រោយពីចាប់ខ្លួនអ្នកប្រើប្រាស់ និងអ្នកចែកចាយមិនបានប៉ុន្មានថ្ងៃផងស្រាប់តែឃើញមុខមនុស្សដដែលៗ ហើយប្រព្រឹត្តអំពើដដែល គាត់មិនយល់សោះ ៕
ចែករំលែកព័តមាននេះ