រាជធានីភ្នំពេញ ៖ កាលពីវេលាម៉ោង២រសៀលថ្ងៃនេះ (ថ្ងៃទី១០ សីហា ២០១៥) ភាគីខាងប្រុស ឈ្មោះ សាន សឿន ដែលរងការចោទប្រកាន់ថាបានខ្លួនប្រាណហើយដោះដៃទៅបាត់នោះ បានចូលខ្លួនមកដោះស្រាយ និងទទួលខុសត្រូវទាំងស្រុង នៅប៉ុស្តិ៍នគរបាលរដ្ឋបាលសង្កាត់ទួលសង្កែហើយ ដោយមានទាំងម្តាយ និងឪពុកមាមកជាមួយផង ។
នៅចំពោះមុខសមត្ថកិច្ច ភាគីខាងប្រុសព្រមទទួលខុសត្រូវទាំងស្រុងរាល់ទង្វើរបស់ខ្លួន ដោយបានធ្វើកិច្ចសន្យា នៅចំពោះមុខសមត្ថកិច្ចដោយមានចាស់ទុំទាំងសងខាងដឹងឮផងនោះ ថានឹងចូលដណ្តឹងរៀបការជាប្តីប្រពន្ធបន្ទាប់ពីភ្ជុំបិណ្យហើយ ។
សាមីខ្លួនខាងប្រុសដែលមានឈ្មោះថា សាន សឿន អាយុ៣៣ឆ្នាំ ជាគ្រូបង្រៀនភាសាអង់គ្លេសនៅសាលាឯកជនមួយ បានឱ្យដឹងថា ការចាក់សោរផ្ទះ និងរើឥវ៉ាន់ចេញនោះជារឿងយល់ច្រឡំនោះទេ ។
គួរបញ្ជាក់ផងដែរថា បន្ទាប់ពីបានដោះស្រាយគ្នាហើយនៅប៉ុស្តិ៍នគរបាលរដ្ឋបាលសង្កាត់ទួលសង្កែ ភាគីទាំងសងខាងបានណាត់ជួបជាមួយអ្នកយកព័ត៌មាន «កោះសន្តិភាព» ដើម្បីប្រាប់ឱ្យដឹងពីរឿងនេះផងដែរ ។
សូមរំលឹកឡើងវិញថា ស្គាល់គ្នាតាមហ្វេសប៊ុករហូតបានខ្លួនបានប្រាណហើយដោះដៃទៅបាត់ នាងប្តឹងសមត្ថកិច្ចឱ្យជួយ
ចែករំលែកព័តមាននេះ