សម្តេចបវរធិបតី ៖ សង្គ្រាមកម្ពុជា-ថៃ កន្លងមកជាសង្គ្រាមដែលកម្ពុជាមិនធ្លាប់កើតមាន
- ភ្នំពេញ
រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានគូសបញ្ជាក់ថា សង្គ្រាមរវាងកម្ពុជា និងថៃ កន្លងមកនេះជាសង្គ្រាមដែលកម្ពុជាមិនធ្លាប់មាន ដែលកាលពីមុនកម្ពុជាមានតែសង្គ្រាមផ្ទៃក្នុងតែប៉ុណ្ណោះ ខណៈដែលកម្ពុជាមិនធ្លាប់បានប្រឈមនៅក្នុងរយៈពេលជាង៣០ឆ្នាំមកនេះ ។
សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងក្នុងពិធីជួបសំណេះសំណាល និងចែកពូជស្រូវ ដល់ប្រជាកសិករ នៅខេត្តបាត់ដំបង នាព្រឹកថ្ងៃទី៣០ ខែតុលា ឆ្នាំ២០២៦យ៉ាងដូច្នេះថា ៖«ក្នុងកាលៈទេសៈដែលបំបាកបំផុតដែលកម្ពុជាបានប្រឈមរយៈពេលជាង៣០ឆ្នាំមកនេះ ។
សង្គ្រាមបែបនេះ បានចូលដល់ក្នុងដីរវាងប្រទេស និងប្រទេស ហើយមានទឹកជំនន់ ស្ថានភាពសេដ្ឋកិច្ចបិទព្រំដែន តើយើងអាចធ្វើបន្តទៀត? ខ្ញុំអរគុណជាថ្មីដល់ប្រជាពលរដ្ឋ និងការតស៊ូរបស់យើង លំបាកតែមិនស្លា.ប់» ។
សម្តេធិបតី បានលើកឡើងថា រាជរដ្ឋាភិបាលមិនបានបោះបង់ចោលប្រជាពលរដ្ឋណាមួយនោះទេ ។ កាលពេលកន្លងមកនេះ សម្តេចក៏បានទៅជួបបងប្អូនប្រជាពលរដ្ឋ លោកតាលោកយាយ ដែលជាជនភៀសសឹក នៅភូមិស្រះកែវ ដែលឥលូវដាក់ឈ្មោះ ភូមិស្រះកែវចងចាំ ភូមិតាកឹងបៃតងចងចាំ ខេត្តឧត្តរមានជ័យ ។ ភូមិនេះ ដាក់ដើម្បីឲ្យមានការចង់ចាំពីភាពរឹងមាំ របស់ប្រជាពលរដ្ឋដែលទោះបីជាលំបាកយ៉ាងណាក៏អាចកសាងភូមិបាន ។
សម្តេចធិបតី បានលើកឡើងទៀតថា ភូមិដែលដាក់នេះ ទោះបីជាថ្ងៃក្រោយ ប្រជាពលរដ្ឋបានវិលត្រឡប់ទៅភូមិលំនៅឋាន ក៏ដោយក៏ភូមិនេះ មានដីមួយផ្នែកបានប្រគល់ឲ្យពួកគាត់រួចហើយ ។ ដូច្នេះគាត់អាចនឹងបន្តកសាងភូមិនេះទៀត ។
ជាមួយគ្នានោះដែរ សម្តេចធិបតី ក៏បានឲ្យដឹងថា នៅពេលខាងមុខនេះ សម្តេចនឹងអញ្ជើញទៅភូមិរងចាំខេត្តបន្ទាយមានជ័យ ដែលមានជនភៀសសឹកបានកំពុងរស់នៅផងដែរ ។ សម្តេចធិបតីបញ្ជាក់ថា ៖«ភូមិរង់ចាំ នៅឧត្តមានជ័យ ខ្ញុំគង់តែទៅទេ តែទៅអត់មានប្រាប់ទេ គឺទៅស្ងាត់ៗ ប៉ុន្តែមានកន្លែងខ្លះ នៅក្នុងភូមិប្រជាពលរដ្ឋបានទៅនៅ៣ខែ តែគាត់ឧស្សាហ៍ ចេះរៀបចំ ដាំបន្លែ ចិញ្ចឹមសត្វ សេដ្ឋកិច្ចគ្រួសារបានល្អ…នេះជាចំណុចរឹងមាំរបស់យើង ដែលត្រូវបន្ត» ៕
ចែករំលែកព័តមាននេះ