រាជធានីភ្នំពេញ ៖ ស្ត្រីចំណាស់ជាអ្នករើសអេតចាយ ត្រូវបានរថភ្លើងកិនស្លា.ប់ ហើយត្រូវបានប្រជាពលរដ្ឋប្រទះឃើញដេកស្លា.ប់នៅកណ្ដាលផ្លូវដែក បង្កឲ្យមានការភ្ញាក់ផ្អើលឡើងកាលពីវេលាម៉ោង៣ និង៣០នាទីភ្លឺ ថ្ងៃទី២៣ កក្កដា ២០១៥
រាជធានីភ្នំពេញ ៖ ស្ត្រីចំណាស់ជាអ្នករើសអេតចាយ ត្រូវបានរថភ្លើងកិនស្លាប់ ហើយត្រូវបានប្រជាពលរដ្ឋប្រទះឃើញដេកស្លាប់នៅកណ្ដាលផ្លូវដែក បង្កឲ្យមានការភ្ញាក់ផ្អើលឡើងកាលពីវេលាម៉ោង៣ និង៣០នាទីភ្លឺ ថ្ងៃទី២៣ កក្កដា ២០១៥ នៅតាមផ្លូវរថភ្លើងខ្សែភ្នំពេញ-កំពត ត្រង់ចំណុចភូមិស្រែក្នុង សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ ។
ស្ត្រីចំណាស់រងគ្រោះខាងលើមិនត្រូវបានគេស្គាល់ឈ្មោះនោះឡើយ គាត់មានអាយុប្រហែលជាង៦០ឆ្នាំ ដែលជាអ្នករើសអេតចាយ មានស្នាមរបួសបែករយះក្បាល ។
តាមប្រភពព័ត៌មានបានឲ្យដឹងថា នៅមុនពេលកើតហេតុ ស្ត្រីរងគ្រោះបានទៅដេកនៅកណ្ដាលផ្លូវរថភ្លើងត្រង់ចំណុចកើតហេតុខាងលើនោះ ហើយមិនមាននរណាម្នាក់បានដឹងនោះឡើយ លុះដល់ពេលកើតហេតុ ស្រាប់តែមានរថភ្លើង១ខ្សែបើកឆ្លងកាត់ក្នុងទិសដៅពីជើងទៅត្បូង គឺរថភ្លើងខ្សែភ្នំពេញ-កំពត ប៉ុន្តែមុនពេលទៅជិតដល់ កន្លែងកើតហេតុរថភ្លើងបានស៊ីប្លេរយ៉ាងរន្ថើនបំផុត ហើយបានឃើញស្ត្រីរងគ្រោះក្រោកមើលរថភ្លើង និងប្រុងក្រោយចេញពីផ្លូវដែកនោះដែរ ប៉ុន្តែក្រោកមិនទាន់រថភ្លើងបានទៅដល់បានបុកបណ្ដាលឲ្យស្លាប់ភ្លាមៗនៅនឹងកន្លែងតែម្ដង ។
ព័ត៌មានលម្អិតនឹងផ្សាយជូននៅលើកាសែតកោះសន្តិភាព
ចែករំលែកព័តមាននេះ