ប្រភពបានឱ្យដឹងថា មុនពេលកើតហេតុគេឃើញជនរងគ្រោះបានជិះម៉ូតូ១គ្រឿង ម៉ាកហុងដា ឌ្រីម សេ១២៥ ពណ៌ខ្មៅ ពាក់ស្លាកលេខ បន្ទាយមានជ័យ ១K-០៧២៣ បោះពួយលឿនមកពីទិសខាងកើត លុះដល់ចំណុចកើតហេតុកំពុងតែវ៉ាជែងរថយន្តមួយគ្រឿងក៏ជ្រុល
ខេត្តបន្ទាយមានជ័យ ៖ បុរសម្នាក់បានស្លាប់នៅពេលបញ្ជូនទៅកាន់មន្ទីរពេទ្យបង្អែកក្រុងប៉ោយប៉ែត ដោយសារគ្រោះថ្នាក់ចរាចរណ៍មួយរវាងម៉ូតូ និងរ៉ឺម៉កកង់បី នៅលើដងផ្លូវជាតិលេខ៥ ក្នុងភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត កាលពីវេលាម៉ោងជិត៥ល្ងាច ថ្ងៃទី២១ ខែកក្កដា ឆ្នាំ២០១៥ ។
ជនរងគ្រោះឈ្មោះ រឹម រិន អាយុ៤៤ឆ្នាំ ជាអ្នករត់ម៉ូតូឌុប មានទីលំនៅស្រុកកំចាយមារ ខេត្តព្រៃវែង ស្នាក់នៅភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត ។
ប្រភពបានឱ្យដឹងថា មុនពេលកើតហេតុគេឃើញជនរងគ្រោះបានជិះម៉ូតូ១គ្រឿង ម៉ាកហុងដា ឌ្រីម សេ១២៥ ពណ៌ខ្មៅ ពាក់ស្លាកលេខ បន្ទាយមានជ័យ ១K-០៧២៣ បោះពួយលឿនមកពីទិសខាងកើត លុះដល់ចំណុចកើតហេតុកំពុងតែវ៉ាជែងរថយន្តមួយគ្រឿងក៏ជ្រុលទៅបុករ៉ឺម៉កម៉ូតូកង់បីដែលកំពុងបើកបរបញ្ច្រាស់ទិសគ្នាបណ្ដាលឲ្យរបួសធ្ងន់ ហើយបានស្លាប់ពេលដែលកំពុងបញ្ជូនទៅកាន់មន្ទីរពេទ្យបង្អែកក្រុងប៉ោយប៉ែត ។
សមត្ថកិច្ចបានប្រាប់ឱ្យដឹងថា អ្នកបើកបររ៉ឺម៉កម៉ូតូកង់បីបានគេចខ្លួនបាត់ក្រោយពេលកើតហេតុ រីឯសពរងគ្រោះត្រូវបានសាច់ញាតិនាំចេញពីមន្ទីរពេទ្យយកទៅបុណ្យតាមប្រពៃណី ចំណែកម៉ូតូ និងរ៉ឺម៉កម៉ូតូកង់បីត្រូវបានសមត្ថកិច្ចនាំយកទៅរក្សាទុកនៅអធិការដ្ឋាននគរបាលក្រុងប៉ោយប៉ែត ដើម្បីរង់ចាំធ្វើការដោះស្រាយជាក្រោយ ៕
ដោយមុតសារុន
ចែករំលែកព័តមាននេះ