ខេត្តមណ្ឌលគិរី ៖ ប្រភពព័ត៌មានពីខេត្តមណ្ឌលគិរីបានឱ្យដឹងថា មានហេតុការណ៍ប៉ះទង្គិចគ្នាមួយរវាងយោធាវរៈ១ខេត្តមណ្ឌលគិរី និងយោធាវរៈ២០៤ខេត្តក្រចេះ កាលពីវេលាម៉ោង៩ និង១៩នាទីយប់ ថ្ងៃទី៣០ មិថុនា ២០១៥ នៅចំណុចមុខក្រុមហ៊ុនប៊ិញហ្វឿក១របស់ឧកញ៉ាម្នាក់
ខេត្តមណ្ឌលគិរី ៖ ប្រភពព័ត៌មានពីខេត្តមណ្ឌលគិរីបានឱ្យដឹងថា មានហេតុការណ៍ប៉ះទង្គិចគ្នាមួយរវាងយោធាវរៈ១ខេត្តមណ្ឌលគិរី និងយោធាវរៈ២០៤ខេត្តក្រចេះ កាលពីវេលាម៉ោង៩ និង១៩នាទីយប់ ថ្ងៃទី៣០ មិថុនា ២០១៥ នៅចំណុចមុខក្រុមហ៊ុនប៊ិញហ្វឿក១របស់ឧកញ៉ាម្នាក់ ស្ថិតនៅក្នុងភូមិសាស្ត្រឃុំស្រែព្រះ ស្រុកកែវសីមា ខេត្តមណ្ឌលគិរី ជាប់ព្រំប្រទល់ស្រុកស្នួល ខេត្តក្រចេះ ។
ប្រភពបានឱ្យដឹងទៀតថា ការប៉ះទង្គិចគ្នារវាងយោធាទាំង២ក្រុមនេះកើតឡើងដោយសារក្រុមយោធាវរៈ១ខេត្តមណ្ឌលគិរីបានចាប់ឡានដឹកឈើ១គ្រឿង រួមជាមួយជនជាតិវៀតណាម៤នាក់ នៅចំណុចមុខក្រុមហ៊ុនប៊ិញហ្វឿក១ ហើយក៏ត្រូវបានយោធាកងអនុសេនាធំលេខ៣ ចំណុះឱ្យយោធាវរៈ២០៤ខេត្តក្រចេះ ប្រដាប់ដោយអាវុធវែងខ្លីមកភ្ជង់រំដោះទាំងឡានដឹកឈើ ទាំងជនជាតិវៀតណាម៤នាក់យកទៅបាត់ ។
ប្រភពពីសមត្ថកិច្ចមូលដ្ឋានបានឱ្យដឹងថា ហេតុការណ៍ខាងលើនេះគឺជាករណីជួញដូរឈើខុសច្បាប់ ដែលមានមេឈ្មួញធំៗនៅតំបន់កាបី ស្ថិតក្នុងភូមិក្រញូងសែនជ័យ ឃុំ២ធ្នូ ស្រុកស្នូល ខេត្តក្រចេះ បានធ្វើការដឹកជញ្ជូនឈើពីចំណុចក្រុមប៊ិញភ្វឿក១ ក្នុងស្រុកកែវសីមា ចេញតាមច្រកផ្លូវ TTV ឆ្ពោះទៅព្រំដែនវៀតណាម ដើម្បីលក់ចេញឲ្យថៅកែធំ ។
«កោះសន្តិភាព»ព្យាយាមទាក់ទងសុំការបំភ្លឺជុំវិញបញ្ហាខាងលើនេះពីលោកអនុសេនីយ៍ឯកហ៊ួត ប៊ុនគីម មេបញ្ជាការកងអនុសេនាធំលេខ៣ ចំណុចឱ្យយោធាវរៈ២០៤ខេត្តក្រចេះ តែទូរស័ព្ទចូលហើយគ្មានអ្នកទទួល ។
ព័ត៌មានបន្ថែមនឹងមានផ្សាយនៅពេលក្រោយ ៕
ចែករំលែកព័តមាននេះ